Ri Jeremiy 47 - Quiché Bible

Cäya' apan u bixic ri caquic'ulmaj na ri aj pilisteyib

¹ Are tzijol wa' ri xuya' ri Ajawaxel che ri Jeremiy, ri k'axal tzij che ri caquic'ulmaj na ri aj pilisteyib, c'ä majok chi ch'ojin ri paraon ruc' ri Gaz:

² “In, ri Ajawaxel, quinbij: Pa ri riquiak'ab elebal k'ij cäpe wi na jun bik'tajic jacha' jun nima' ri capulinic; cubik' na ri ulew xukuje' ronojel ri c'o chupam, ri tinimit tak xukuje' conojel ri e jekel chquipam. Conojel ri e u winakil ri ulew caquirak qui chi', ri winak quejuyuw na rumal ri k'oxom.

³ Aretak quequita' ri e qui poc'opetem tak ri u pa cakan tak ri quiej, ri qui tininem tak ri carwaj xukuje' ri qui wojojem tak ri quetet, quetuktub ri tataxelab quequitzak c'u can tak ri calc'ual.

⁴ Xopan c'u ri k'ij che u sachisaxic qui wäch ri aj pilisteyib, che quesaxic che ri Tir xukuje' ri Sidon ri to'l tak quech ri c'ä e canajinak. Je, ri Ajawaxel cusachisaj qui wäch ri aj pilisteyib, ri xebel ulok pa ri ulew ri c'o chupam ri plo re Cret.

⁵ Ri winak re Gaz caquiban na tol che ri qui jolom, ri winak aj Ascalon quememer na. Q'uisbal qui tz'akatil tak ri ojer tac'atak tak achijab, ¿C'ä jampa' lo ri quebasoc ri a ti'jal che u c'utic ri k'oxomal?

⁶ ¡Ay u ch'ich' re ch'o'j ri Ajawaxel! ¿Jampa' cak'il awib? ¡Chatoc chic chupam ri c'olbal awib, chatmatzalok xak jun chatc'ol wi!

⁷ ¿Jas ta c'ut ri cubano cacuinic cämatzic we are' ri Ajawaxel yowinak ri takanic che, we u yo'm u takquil chi cäch'ojin ruc' ri Ascalon xukuje' ronojel ri tak'aj?”