Ri Jeremiy 45 - Quiché Bible

U chi'nic ri Ajawaxel che ri Baruc

¹ Chupam ri ucaj junab ri rajawinic ri Joasim, u c'ojol ri Josiy, ajawinel re Juda, aretak ri Baruc ri u c'ojol ri Neriy, cutz'ibaj ri cätajin cubij ri Jeremiy, ri k'axal tzij, xubij ri Jeremiy che ri Baruc:

^2-3 “At, Baruc, catcha': ‘¡Tok'ob nu wäch! ¡Ri Ajawaxel man c'o ta jas ri cuya' ta chwe xane' e oquem tak il c'o xukuje' tak k'oxomal! In ch'ibatajinak che ok'ej man quinrik ta c'u jubik' cu'lbal c'uxaj.’ Cubij c'ut ri Ajawaxel ri cac'ulmaj na,

⁴ quinutak c'ut chi quinbij chawe: ‘In quinyojij ri xinwoco, xukuje' quinbok ri xintiquiba'. Je c'u quenbana' che ronojel ri uwächulew.

⁵ ¿La are cawaj catz'onoj jun jasach chawe ri jalanic? Matz'onoj c'ut, rumal rech chi quebentaka' c'u na ulok tak c'axc'olil paquiwi' conojel ri winak. Quinya' c'u na chawe chi man c'o ta cataklebej na apawije' ta ne ri catbe wi. In, ri Ajawaxel quinjiquiba' u bixixic.’”