Ri Ester 10 - Quiché Bible

Cäya' u k'ij ri Mardoquey xukuje' ri q'uisbalil

¹ Ri ajawinel Asuer xucoj jun tojonic paquiwi' tak ri tinimit ri e c'o chupam ri ulew xukuje' tak ri tinimit ri e c'o tak chupam ri plo.

² Ronojel ri xuban ruc' takanic xukuje' cuinem, je jacha' ri u tzijoxic ruc' tz'akatil ri nimalaj ekle'n ri xya' che ri Mardoquey, tz'ibatal c'u chupam ri wuj ri quetz'ibax wi' conojel ri c'ulmatajic chupam ri ajawibal re Med xukuje' re Pers.

³ Ri aj judey ri Mardoquey are' xc'oji' chupam ri ucab c'olbal che ri ajawinel; sibalaj xajawax cumal ri e u winakil, rumal rech chi xutzucuj ri u banic utzil che ri u tinimit xucoj c'u u chuk'ab rech caquirik utzil ri e u winakil.