Ri Esdras 2 - Quiché Bible

Ri xetzelej ulok pa Babilon

¹ Are wa' ri cajilabal ri aj israelib ri xebalax pa Juda, ri xec'am bic pa Babilon rumal ri ajawinel Nabucodonosor, aretak e c'amtajinak chi bic pa Babilon xetzelej chi c'u pa Jerusalen xukuje' pa jujun tak c'olbal chic re Juda, chquijujunal xetzelej pa ri qui tinimit,

² c'amom qui be rumal ri Zorobabel, ri Jexu, ri Nehemiy, ri Seraiy, ri Reelaiy, ri Mardoquey, ri Bilsan, ri Mispar, ri Bigbay, ri Rehum, xukuje' ri Baan:

³ Ri e rija'lil ri Pars, e quieb mil jun sient ruc' oxc'al cablajuj (2,172);

⁴ ri e re ri Sepatiy, e oxib sient oxc'al cablajuj (372);

⁵ ri e re ri Ar, e wukub sient oxc'al olajuj (775);

⁶ ri e re ri Pahat-moab, o ri e re ri Jexu xukuje' ri Joab, e quieb mil wajxakib sient cablajuj (2,812);

⁷ ri e re ri Elam, e jun mil quieb sient ruc' cawinak cajlajuj (1,254);

⁸ ri e re ri Zat, e belejeb sient ruc' cawinak job (945);

⁹ ri e re ri Zacay, e wukub sient oxc'al (760);

¹⁰ ri e re ri Binuy, e wakib sient cawinak quieb (642);

¹¹ ri e re ri Bebay, wakib sient juwinak oxib (623);

¹² ri e re ri Azgad, e jun mil quieb sient juwinak quieb (1,222);

¹³ ri e re ri Adonicam, e wakib sient oxc'al wakib (666);

¹⁴ ri e re ri Bigbay, e quieb mil ruc' cawinak waklajuj (2,056);

¹⁵ ri e re ri Adin, e quiejeb sient ruc' cawinak cajlajuj (454);

¹⁶ ri e re ri Ater, o ri e re Ezequiy, e jumuch' wajxaklajuj (98);

¹⁷ ri e re ri Besay, e oxib sient juwinak oxib (323);

¹⁸ ri e re ri Jor, e jun sient cablajuj (112);

¹⁹ ri e re ri Hasum, e quieb sient juwinak oxib (223);

²⁰ ri e re ri Jibar, e jumuch' olajuj (95);

²¹ ri e re ri Belen, e jun sient juwinak oxib (123);

²² ri e rachijab re ri Netop, e cawinak waklajuj (56);

²³ ri e re ri Anatot, e jun sient juwinak wajxakib (128).

²⁴ Ri e rija'lil ri Bet-asmabet, e cawinak quieb (42);

²⁵ ri e que ri Quiriat-jearim, ri Capir xukuje' ri Beerot, e wukub sient cawinak oxib (743);

²⁶ ri e que ri Rama xukuje' ri Jeb e wakib sient juwinak jun (621).

²⁷ Ri rachijab re ri Micmas, e jun sient juwinak quieb (122);

²⁸ ri e que ri Betel xukuje' ri Hai, e quieb sient juwinak oxib (223);

²⁹ ri e rija'lil ri Neb, e cawinak cablajuj (52);

³⁰ ri e re ri Magbis, e jun sient cawinak waklajuj (156);

³¹ ri e re ri jun Elam chic, e jun mil quieb sient cawinak cajlajuj (1,254);

³² ri e re ri Harim, e oxib sient juwinak (320);

³³ ri e que ri Lod, Hadid xukuje' ri On, e wukub sient juwinak job (725);

³⁴ ri e re ri Jerico, e oxib sient cawinak job (345);

³⁵ ri e re ri Sena, e oxib mil wakib sient juwinak lajuj (3,630).

³⁶ Ri e cojol tabal tok'ob ri e rija'lil ri Jedaiy, ri e rachalaxic ri Jexu, e belejeb sient oxc'al oxlajuj (973);

³⁷ ri e re ri Imer, e jun mil ruc' cawinak cablajuj (1,052);

³⁸ ri e re ri Pasur, e jun mil quieb sient ruc' cawinak wukub (1,247);

³⁹ ri e re ri Harim, e jun mil wuklajuj (1,017).

⁴⁰ Ri e aj Levi ri e rija'lil ri Jexu xukuje' ri e re ri Cadmiel, ri xukuje' e rija'lil c'ut ri Hodabiy, e oxc'al cajlajuj (74).

⁴¹ Ri aj bixab, ri e rija'lil ri Asap, e jun sient juwinak wajxakib (128).

⁴² Ri e chajil tak u chi' ri tinimit: e are' ri rija'lil ri Salum, ri e re ri Ater, ri e re ri Talmon, ri e re ri Acub, ri e re ri Hatit ri e re ri Sobay. Chnimalaj conojel, e jun sient juwinak belejlajuj (139).

⁴³ Ri e pataninelab canok chupam ri Rachoch Dios e are' ri e rija'lil ri Ziha, ri e re ri Hasup, ri e re ri Tabaot,

⁴⁴ ri e re ri Queros, ri e re Sia, ri e re ri Padon,

⁴⁵ ri e re ri Leban, ri e re ri Hagaba, ri e re ri Acub,

⁴⁶ ri e re Hagab, ri e re ri Salmay, ri e re ri Hanan,

⁴⁷ ri e re ri Jidel, ri e re ri Gahar, ri e re ri Reaiy,

⁴⁸ ri e re ri Rezin, ri e re ri Necod, ri e re ri Gazam,

⁴⁹ ri e re ri Uza, ri e re ri Pasey, ri e re ri Besay,

⁵⁰ ri e re ri Asen, ri e re ri Meunim, ri e re ri Nepusim,

⁵¹ ri e re ri Bacbuc, ri e re ri Hacup, ri e re ri Harur, ri e re ri Bazlut,

⁵² ri e re ri Mehid, ri e re ri Hars,

⁵³ ri e re ri Barcs, ri e re ri Sisara, ri e re ri Tem,

⁵⁴ ri e re ri Nesiy, xukuje' ri e re ri Hatip.

⁵⁵ Ri e quija'lil ri e pataninel tak re can ri Salomon e are' ri e rija'lil ri Sotay, ri e re ri Soperet, ri e re ri Perud,

⁵⁶ ri e re ri Jaal, ri e re ri Darcon, ri e re ri Jidel,

⁵⁷ ri e re ri Sepatiy, ri e re ri Hatil, ri e re ri Poqueret-asebaim xukuje' ri e re ri Amon.

⁵⁸ Ri cajilabal ri quepatanin can pa ri Rachoch Dios chi nimalaj conojel xukuje' ri e quech ri e u pataninelab can ri Salomon oxib sient jumuch' cablajuj (392).

⁵⁹ Ri e aj Tel-mel, ri e aj Tel-ars, ri e aj Querub, ri e aj Adon xukuje' ri e aj Imer, ri xebopanic ri man xecuin taj xquik'alajisaj e jachin tak ri e qui mam mawi ri quija'lil we kas aj israelib, e are' tak wa':

⁶⁰ Ri e rija'lil ri Delaiy, ri e re ri Tobiy xukuje' ri e re ri Necod, e wakib sient cawinak cablajuj (652).

⁶¹ Chque c'ut ri u k'ab cachalaxic ri e cojol tabal tok'ob: ri e rija'lil ri Habaiy, ri e re ri Cos xukuje' ri e re ri Barzilay, ri xc'uli' ruc' jun chque ri e u mia'l ri Barzilay, ri aj Galaad, ri xuc'am c'ut ri qui bi' wa'.

⁶² Xtzucux ri qui bi' wa' chquixo'l ri qui bi' ri cachalaxic, man c'u xeriktaj ta chi', xebelesax c'u chquixo'l ri e cojol tabal tok'ob.

⁶³ Xuya' c'u ne takanic ri k'atal tzij chque chi maquitij que ri tzukbalib ri e tastalic c'ä jun cojol tabal tok'ob cuya' na u bixic ri cubij ri Urim xukuje' ri Tumim.

⁶⁴ Chi nimalaj conojel we winak ri' xemolotaj cawinak quieb mil oxib sient oxc'al winak (42,360).

⁶⁵ Man xebajilax ta c'ut ri e qui lok'om pataninelab, achijab xukuje' ixokib, ri e wukub mil oxib sient juwinak wuklajuj (7,337) winak. E c'o xukuje' quieb sient (200) aj bixab achijab xukuje' ixokib.

⁶⁶ E c'o xukuje' wukub sient juwinak waklajuj (736) qui quiej, quieb sient cawinak job (245) qui mulayib,

⁶⁷ quiejeb sient juwinak olajuj (435) camey xukuje' wakib mil wukub sient juwinak (6,720) qui bur.

⁶⁸ Jujun tak c'ämal qui be jujun tak ja winak, aretak xebopan pa ri Rachoch ri Ajawaxel pa Jerusalen, xequijach tak sipanic che u banic u yaquic ri Rachoch ri Dios pa ri u c'olbal.

⁶⁹ Xequiya' c'u ri qui cuchuj che ri u banic u yaquic, jas ri xecuin che u ya'ic, lajuj (10) quintal ruc' oxib arob k'an puak, oxc'al (60) quintal ruc' quieb arob sak puak, xukuje' jun sient u pam catz'iak ri e cojol tabal tok'ob.

⁷⁰ Ri e cojol tabal tok'ob, ri aj levitib xukuje' jujun chque ri winak ri xejeki' can pa Jerusalen, e are tak c'ut ri ajbixab, chajil tak oquibal xukuje' ri quepatanij chupam ri Rachoch Dios, xukuje' ri niq'uiaj aj israelib chic, xecanaj can chquipam ri kas e qui tinimit.