Nabe Tzijobelil 9 - Quiché Bible

¹ Jewa' ri xbanic, ronojel Israel xtz'ibataj ri u bi' chupam ri qui wuj tak ri ajawinelab re Israel. E are c'u ri winak ri e c'o pa Juda xecharchatex bic, pa Babilon u mac rech ri quetzelal.

Ri xetzelej ulok pa Babilon

² Ri nabe tak winak ri xetzelej pa tak ri culew xukuje' pa tak ri e qui tinimit ri aj israelib, e cojol tabal tok'ob, e aj levitib quepatanij c'ut pa ri rachoch Dios.

³ Pa Jerusalen xequijekeba' wi quib tak ri e rija'lil tak ri Juda, Benjamin, Eprain xukuje' ri Manases.

⁴ Chque ri e rija'lil ri Juda: Utay, u c'ojol ri Amihud, u c'ojol c'ut ri Omri, u c'ojol c'ut ri Imri, u c'ojol c'ut ri Bani, e rija'lil ri Pares wa', u c'ojol ri Juda.

⁵ Chque ri e aj Silonitab: Asaiy, ri nabeal chque ri e u c'ojol.

⁶ Chque ri e rija'lil ri Zera: Jeuel xukuje' ri e rachalaxic, e wakib sient jumuch' lajuj (690) winak.

⁷ Chque ri e rija'lil ri Benjamin: Salu, u c'ojol ri Mesulam, u c'ojol c'ut ri Hodabiy, u c'ojol c'ut ri Asenu;

⁸ ri Ibneiy, u c'ojol ri Jeroham; Ela, u c'ojol ri Uz, u c'ojol c'ut ri Micri; ri Mesulam, u c'ojol ri Sepatiy, u c'ojol c'ut ri Reuel, u c'ojol c'ut ri Ibniy.

⁹ Ri e cachalaxic, e je jas ri u cholajil ri quija'lil, e belejeb sient cawinak waklajuj (956), conojel e c'amal tak qui be jujun ja winak.

¹⁰ Chque ri e cojol tabal tok'ob: Jedaiy, Joiarib, Jaquin,

¹¹ Azariy, u c'ojol ri Hilsiy, u c'ojol c'ut ri Mesulam, u c'ojol c'ut ri Sadoc, u c'ojol c'ut ri Meraiot, u c'ojol c'ut ri Ahitob, takanel nim u k'ij chupam ri rachoch ri Dios;

¹² Adaiy, u c'ojol ri Jeroham, u c'ojol c'ut ri Pasur, u c'ojol c'ut ri Malquiy; Masay, u c'ojol ri Adiel, u c'ojol c'ut ri Jazer, u c'ojol c'ut ri Mesulam, u c'ojol c'ut ri Mesilemit, u c'ojol c'ut ri Imer;

¹³ xukuje' ri e rachalaxic, e jun mil wukub sient oxc'al (1760) e c'amal tak qui be jujun ja winak, achijab ri sibalaj quena'w che ri patanijic chupam ri rachoch ri Dios.

¹⁴ Chque ri e aj levitib: ri Semaiy, u c'ojol ri Hasub, u c'ojol c'ut ri Azricam, u c'ojol c'ut ri Hasabiy, chque ri ralaxic ri Merar;

¹⁵ Bacbacar, Hers, Galal xukuje' ri Mataniy, u c'ojol ri Micaiy, u c'ojol c'ut ri Zicr, u c'ojol c'ut ri Asap;

¹⁶ Obadiy, u c'ojol ri Semaiy, u c'ojol c'ut ri Galal, u c'ojol c'ut ri Jedutun; Berequiy, u c'ojol ri As, u c'ojol c'ut ri Elcan, ri xjeki' chquipam ri alaj tak qui tinimit ri e aj netopatitab.

¹⁷ Ri e chajil tak oquibal: ri Salum, ri Acub, ri Talmon, ri Ahiman. Ri Salum, ri cachalal wa', are' c'amal qui be,

¹⁸ c'ä je c'ut camic, chajil rech ri roquibal ri ajawinel, ri c'o pa ri elebal k'ij. E are' tak chajil tak oquibal wa' ri e c'o chquixo'l tak ri aj levitib.

¹⁹ Ri Salum, u c'ojol ri Core, u c'ojol ri Ebiasap, u c'ojol ri Core, xukuje' tak ri rachalaxic ri e aj coretib, e are' tak wa' ri e cojom che u chajixic ri oquibal chupam ri k'ijilabal, jacha' ri e qui banom ulok ri e qui mam xquichajij canok ri oquibal pa ri u kajebal ri Ajawaxel.

²⁰ Nabe canok, ri Pinees, u c'ojol ri Eleazar, are c'amal can qui be nabe. ¡Chc'ol ba' ri Ajawaxel ruc'!

²¹ Ri Zacariy, u c'ojol ri Meselemiy, are' chajil oquibal chupam ri Lic'om Rachoch Dios re rikoj ib ruc' ri Dios.

²² Ri cajilabal ri e chajil tak oquibal ri xecha'ic e quieb sient cablajuj (212) jas ri u cholajil ri cajilabal ri jujun ja, winak ri e c'o pa tak ri tinimit ri xejeki' wi. Ri David xukuje' ri Samuel, ri k'axal tzij, e are' ri xecojow che we ekle'n ri', cacu'bisax c'u c'uxaj chquij.

²³ Ri e are' e jacha' ri e qui c'ojol caquiq'uexela' tak quib che u chajixic ri oquibal chupam ri rachoch ri Ajawaxel, ri u bixic wa' ri k'ijilabal.

²⁴ E c'o chajil tak oquibal pa ri quiejeb xcutaj: pa ri elebal k'ij pa ri u kajebal k'ij pa ri u mox ri elebal k'ij xukuje' pa ri riquiak'ab elebal k'ij.

²⁵ Ri e cachalaxic ri e jekel pa tak ri qui tinimit, quepe che qui to'ic quebel qui jala' c'u wukutak k'ij.

²⁶ E are' c'ut ri quiejeb chajil tak oquibal ri nimak na quekle'n, ri e aj levitib, amak'el e c'o che chajinic, quequichajij ri oquibal xukuje' tak ri k'inomal ri e c'o chupam ri rachoch ri Dios.

²⁷ Junak'ab quesolin chrij tak ri rachoch Dios, e cojom c'u che u chajixic xukuje' che qui jakic tak ri roquibal ronojel ak'abibal.

²⁸ Jujun chque e jachom tak ri chaconisan pa qui k'ab ri quebajwataj che ri k'ijilanic, quecajilaj c'ut quequesaj ulok xukuje' aretak quequiyaco.

²⁹ Niq'uiaj chic e jachom ri jule' tak chaconisan chic pa qui k'ab xukuje' ri e tastalic tak jastak, xukuje' ri c'äj, ri u wa'l uva, ri aseit, ri c'oc' k'ol, xukuje' tak ri c'oc'al.

³⁰ Jujun chque ri e cojol tabal tok'ob e are' ri quesuc'uman tak ri c'oc'al;

³¹ jun c'u aj levi ri Matatiy u bi', nabeal, u c'ojol ri Salum ri aj coretib, are' quebanow tak ri lej amak'el ri quebajwataj che sipanic.

³² Jujun chque ri quija'lil ri e aj coatib yo'm qui takquil che qui suc'umaxic ri caxlanwa ri e tastalic ri quenutubax tak conojel tak ri k'ij re uxlanem.

³³ E c'o xukuje' bixonelab, c'amal tak qui be ri jujun tak ja winak aj levi ri e jekel pa tak ri ja ri e c'o pa tak u xcut ri rachoch Dios, man cuya' taj cäquiban jule' tak chac chic, rumal rech chipak'ij chi chak'ab latz' qui wäch e c'o chupam ri qui patanijic.

³⁴ E are' tak wa' ri e c'amal tak qui be ri jujun tak ja winak aj levi, pa ri qui cholajil ri quija'lil ri e jekel pa Jerusalen.

Ri e rachalal ri Saul

³⁵ Chupam ri tinimit Gabaon jekel wi ri Jehiel, u tat ri Gabaon. Ri rixokil Maac u bi'.

³⁶ Ri e u c'ojol c'ut e are' tak ri Abdon, ri nabeal: Zur, Sis, Baal, Ner, Nadab,

³⁷ Jedor, Ahio, Zacariy xukuje' ri Miclot,

³⁸ are' c'u u tat ri Simeam. Xukuje' c'ut we winak ri', xquitakej u banic quech ri xequiban ri cachalal, xejeki' cuc' pa Jerusalen.

³⁹ Ri u c'ojol ri Ner are' ri Sis, ri u c'ojol ri Sis are' ri Saul, are c'ut ri e u c'ojol ri Saul are' ri Jonatan, Malquixu, Abinadab xukuje' ri Es-baal.

⁴⁰ Ri u c'ojol ri Jonatan are' ri Merib-baal, ri u c'ojol ri Merib-baal are' ri Micaiy.

⁴¹ Ri e u c'ojol ri Micaiy e are' wa' Piton, Melec, Tare xukuje' ri Acaz.

⁴² Ri u c'ojol ri Acaz are' ri Jar, ri e u c'ojol ri Jar are' ri Alemet, Azmabet xukuje' ri Zimri; ri u c'ojol ri Zimri are' ri Mos,

⁴³ are c'u ri u c'ojol ri Mos are' ri Bin, ri u c'ojol ri Bin are' ri Repaiy, ri u c'ojol ri Repaiy are' ri Elas, ri u c'ojol ri Elas are' ri Azel.

⁴⁴ Ri e u c'ojol ri Azel e wakib, ri je qui bi' wa': Azricam, Bocru, Ismael, Seariy, Obadiy xukuje' ri Hanan. E are' tak wa' ri e u c'ojol ri Azel.