Nabe Tzijobelil 6 - Quiché Bible

Cajilabal ri e cojol tabal tok'ob ri e u c'ojol ri Levi

¹ Ri e u c'ojol ri Levi e are' ri Jerson, Coat xukuje' ri Merar.

² Ri e u c'ojol ri Coat e are' wa' Amram, Izar, Hebron xukuje' ri Uziel.

³ Ri e ralc'ual ri Amram e are' ri Aaron, ri Moises xukuje' ri Mariy. Ri e u c'ojol ri Aaron e are' ri Nadab, Abiu, Eleazar xukuje' ri Itamar.

⁴ Ri u c'ojol ri Eleazar are' ri Pinees, ri u c'ojol ri Pinees are' ri Abisu,

⁵ ri u c'ojol ri Abisu are' ri Buqui, ri u c'ojol ri Buqui are' ri Uz,

⁶ ri u c'ojol ri Uz are' ri Zeraiy, ri u c'ojol ri Zeraiy are' ri Meraiot,

⁷ ri u c'ojol ri Meraiot are' ri Amariy, ri u c'ojol ri Amariy are' ri Ahitob,

⁸ ri u c'ojol ri Ahitob are' ri Sadoc, ri u c'ojol ri Sadoc are' ri Ahimaas,

⁹ ri u c'ojol ri Ahimaas are' ri Azariy, ri u c'ojol ri Azariy are' ri Johanan,

¹⁰ ri u c'ojol ri Johanan are' ri Azariy ri xux cojol tabal tok'ob chupam ri rachoch Dios ri xuyac ri Salomon pa Jerusalen.

¹¹ Ri u c'ojol ri Azariy are' ri Amariy, ri u c'ojol ri Amariy are' ri Ahitob,

¹² ri u c'ojol ri Ahitob are' ri Sadoc, ri u c'ojol ri Sadoc are' ri Salum,

¹³ ri u c'ojol ri Salum are' ri Hilsiy, ri u c'ojol ri Hilsiy are' ri Azariy,

¹⁴ ri u c'ojol ri Azariy are' ri Seraiy, ri u c'ojol Seraiy are' ri Josadac.

¹⁵ Ri Josadac xc'am bic chupam jun ulew chic aretak ri Ajawaxel xubano chi xc'am bic ri Juda pa jun ulew chic xukuje' ri Jerusalen rumal ri Nabucodonosor.

E rija'lil ri Levi

¹⁶ Ri e u c'ojol ri Levi e are' ri Jerson, Coat xukuje' ri Merar.

¹⁷ Ri e u c'ojol ri Jerson e are' wa' Libni xukuje' ri Simeiy.

¹⁸ Ri e u c'ojol ri Coat e are' ri Amram, Izar, Hebron xukuje' ri Uziel.

¹⁹ Ri e u c'ojol ri Merar e are' wa' Mali xukuje' ri Musi. E are' tak wa' ri e u c'ojol ri Levi.

^20-21 Ri e rija'lil ri Jerson, quiterebelam tak quib, e are' ri Libni, Jahat, Zim, Joa, Id, Zar xukuje' ri Jeatray.

^22-24 Ri e rija'lil ri Coat quiterebelam tak quib, e are' ri Aminadab, Core, Asir, Elcan, Ebiasap, Asir, Tahat, Uriel, Uziy xukuje' ri Saul.

^25-27 Ri e u c'ojol ri Elcan e are' wa' Amasay xukuje' ri Ahimot, e are' tak c'ut ri e rija'lil ri Ahimot, quiterebelam tak quib, e are' ri Elcan, Zopay, Nahat, Eliab, Jeroham xukuje' ri Elcan.

²⁸ Ri e u c'ojol ri Samuel e are' ri Basni, nabe u c'ojol xukuje' ri Abiy.

^29-30 Ri e rija'lil ri Merar, quiterebelam tak quib, e are' wa' Mali, Libni, Simeiy, Uza, Simey, Haguiy xukuje' ri Asaiy.

Bixonelab chupam ri rachoch Dios ri e u cha'om ri David

³¹ E are' tak bixonelab wa' ri xebucoj can ri David rech e are' quebanow ri trompet chupam ri rachoch ri Ajawaxel kas aretak xcoj ri caxa chi'.

³² Xebixon wa' chuwäch ri Lic'om Rachoch Dios re rikoj ib ruc' ri Dios c'ä xuyac na ri Salomon ri rachoch ri Ajawaxel pa Jerusalen, xquitakej c'ut u banic ri qui patanijic jas ri qui nak'atisabal ri qui banom ulok.

³³ Ri e c'o chila' e cachil tak ri e qui c'ojol e are': ri rija'lil ri Coat ri ajbix Heman, u c'ojol ri Joel u c'ojol ri Samuel,

³⁴ are' c'u u c'ojol ri Elcan, u c'ojol c'ut ri Jeroham, u c'ojol c'ut ri Eliel, u c'ojol ri Toa,

³⁵ u c'ojol ri Zup, u c'ojol ri Elcan, u c'ojol c'ut ri Mahat, u c'ojol c'ut ri Amasay,

³⁶ u c'ojol c'ut ri Elcan, u c'ojol c'ut ri Joel, u c'ojol c'ut ri Azariy, u c'ojol c'ut ri Soponiy,

³⁷ u c'ojol c'ut ri Tahat, u c'ojol c'ut ri Asir, u c'ojol c'ut ri Ebiasap, u c'ojol c'ut ri Core,

³⁸ u c'ojol c'ut ri Izar, u c'ojol c'ut ri Coat, u c'ojol c'ut ri Levi, u c'ojol c'ut ri Israel.

³⁹ Pa ri riquiak'ab ri Heman cuya' wi rib ri Asap ri rachalaxic, u c'ojol c'ut ri Berequiy, u c'ojol c'ut ri Simey,

⁴⁰ u c'ojol c'ut ri Micael, u c'ojol c'ut ri Baasiy, u c'ojol c'ut ri Malquiy,

⁴¹ u c'ojol c'ut ri Etni, u c'ojol c'ut ri Zera, u c'ojol c'ut ri Adaiy,

⁴² u c'ojol c'ut ri Etan, u c'ojol c'ut ri Zim, u c'ojol c'ut ri Simeiy,

⁴³ u c'ojol c'ut ri Jahat, u c'ojol c'ut ri Jerson, u c'ojol c'ut ri Levi.

⁴⁴ Pa ri u mox ri Heman cuya' wi rib ri rachalaxic ri petinak che ri rija'lil ri Merar: ri Etan, u c'ojol c'ut ri Quix, u c'ojol c'ut ri Abdi, u c'ojol c'ut ri Maluc,

⁴⁵ u c'ojol c'ut ri Hasabiy, u c'ojol c'ut ri Amasiy, u c'ojol c'ut ri Hilsiy,

⁴⁶ u c'ojol c'ut ri Amsi, u c'ojol c'ut ri Bani, u c'ojol c'ut ri Semer,

⁴⁷ u c'ojol c'ut ri Mali, u c'ojol c'ut ri Musi, u c'ojol c'ut ri Merar, u c'ojol c'ut ri Levi.

⁴⁸ Ri niq'uiaj chi rachalaxic ri e rija'lil ri Levi xecanaj can che ronojel ri patanijic chupam ri rachoch ri Ajawaxel.

⁴⁹ Ri Aaron xukuje' tak ri e rija'lil e are' ri queporon tak ri sipanic puwi' ri c'olbal ri cäporox wi ri tabal tok'ob ri cächajirisaxic xukuje' puwi' ri c'olbal ri cäporox wi ri c'oc' k'ol. Xukuje' e are' xebanow ronojel ri patanijic chupam ri C'olbal ri Sibalaj Tastalic xukuje' ri u rikic ri sachbal u mac ri Israel, je jas u cholajil ronojel ri takanic u yo'm ri Moises ri pataninel rech ri Dios.

E rija'lil ri Aaron

^50-53 Ri e rija'lil ri Aaron, quiterebelam tak quib, e are' ri Eleazar, Pinees, Abisu, Buqui, Uz, Zeraiy, Meraiot, Amariy, Ahitob, Sadoc xukuje' ri Ahimaas.

Ri e qui tinimit tak ri aj levitib

⁵⁴ E are' tak c'olbal wa' re jekelibal xukuje' tak ri e qui c'ulbatil tak ri culew ri e rija'lil ri Aaron. Chque ri e u k'ab tak cachalaxic ri aj coatib are xquitaklebej

⁵⁵ ri Hebron, ri c'o pa ri rulew ri Juda, e rachil tak ri e u juyub re yuk'bal.

⁵⁶ Che ri Caleb ri u c'ojol ri Jepon xya' wi ri juyub re ri tinimit xukuje' ri alaj tak u tinimit.

⁵⁷ Chque ri e rija'lil ri Aaron xjach wi ri Hebron, tinimit to'bal ib, e c'o chi c'u wi na ri alaj tak u tinimit ri Libna, Jatir, Estemo,

^58-59 Hilen, Debir, Asan xukuje' ri Bet-sems, conojel wa' e cachil tak ri e qui juyub re yuk'bal.

⁶⁰ Xukuje' xeya' tak tinimit chque ri c'o pa ri ramak' ri Benjamin, e are' tak c'u wa', ri Jeb, ri Alemet xukuje' ri Anatot, conojel tak wa' cachil tak ri qui juyub yuk'bal. Jeri' tak ri tinimit ri xequitaklebej ri e qui nimal ri e aj Aaron e oxlajuj.

⁶¹ Chque chic ri e u k'ab rachalaxic ri Coat xequitaklebej lajuj tak tinimit ri e c'o chupam ri pa niq'uiaj ramak' ri Manases,

⁶² chque chi c'ut ri e rija'lil ri Jerson, je jas ri cajilabal ri e u k'ab cachalaxic, xeya' oxlajuj tak tinimit chque ri e c'o chquipam ri ramak' ri Isacar, Aser xukuje' ri Neptali, xukuje' ri ramak' ri Manases ri qui jekebam quib pa Basan.

⁶³ Chque tak ri e rija'lil ri Merar, je jas ri cajilabal ri e u k'ab cachalaxic, xequitaklebej cablajuj (12) tak tinimit chque ri e c'o chquipam ri ramak' ri Ruben, Gad xukuje' ri Zabulon.

⁶⁴ Ri aj israelib xequiya' we tak tinimit ri' e cachil tak ri qui juyub re yuk'bal chque ri e rija'lil ri Levi.

⁶⁵ Pa ri ramak' ri Juda, ri Simion xukuje' ri Benjamin xeya' tak ri tinimit chque ri e natam chic ri qui bi', jas ri xquitaklebej.

⁶⁶ Jujun chque ri e qui nimal ri aj coatib xequitaklebej tak tinimit ri e c'o pa ri ramak' ri Eprain.

⁶⁷ Xukuje' xya' ri Siquem chque, ri tinimit re to'bal ib, ri c'o pa ri u juyub ri Eprain, e cachil tak ri qui juyub re yuk'bal, xukuje' c'ut ri Jezer,

^68-69 Jocmeam, Bet-horon, Ajalon xukuje' ri Gat-rimon, conojel wa' e cachil tak ri qui juyub re yuk'bal.

⁷⁰ Chque ri e niq'uiaj chic e u k'ab cachalaxic ri aj coatib chic xeya' tak ri tinimit chque ri Aner xukuje' ri Bileam, ri e u tz'akatil ri pa niq'uiaj che ri ramak' ri Manases, e cachil tak ri e qui juyub re yuk'bal.

⁷¹ Chque ri e rija'lil ri Jerson, je jas ri cajilabal ri e u k'ab cachalaxic, xeya' tak ri tinimit chque ri Golan, ri c'o pa Basan, xukuje' ri tinimit Astarot, ri rech can ri pa niq'uiaj ramak' ri Manases, e cachil tak ri qui juyub re yuk'bal.

^72-73 Xukuje' xeya' chque che ri ramak' ri Isacar, ri Seds, Daberat, Ramot xukuje' ri Anem, chquijujunal e cachil tak ri e qui juyub re yuk'bal.

^74-75 Che ri ramak' ri Aser xeya' chque ri Masal, ri Abdon, ri Hucoc xukuje' ri Rehob, chquijujunal e cachil tak ri e qui juyub re yuk'bal.

⁷⁶ Che ri u tz'akatil ri ramak' ri Neptali xeya' chque ri Seds ri c'o pa Galiley, ri Hamon xukuje' ri Quiriataim, chquijujunal cachil tak ri qui juyub re yuk'bal.

⁷⁷ Chque ri e qui tz'akatil ri e rija'lil ri Merar xeya' chque: ri u tz'akatil ri ramak' ri Zabulon, ri Rimon xukuje' ri Tabor, chquijujunal e cachil tak ri e qui juyub re yuk'bal;

^78-79 che ri ramak' ri Ruben pa ri elebal k'ij che ri Jordan, chuwäch ri Jerico, ri Beser, ri c'o chupam ri chaki'j uwo sak, ri Jaz, ri Cademot xukuje' ri Mepaat, chquijujunal e cachil tak ri qui juyub re yuk'bal.

^80-81 Che ri ramak' ri Gad, ri Ramot re Galaad, ri Mahanaim, ri Hesbon xukuje' ri Hazer, chquijujunal e cachil tak ri qui juyub re yuk'bal.