Nabe Tzijobelil 4 - Quiché Bible

E rija'lil ri Juda

¹ Ri e u c'ojol ri Juda e are' ri Pares, ri Hezron, Carmi, Hur xukuje' ri Sobal.

² Ri u c'ojol ri Sobal are' ri Reaiy, ri u c'ojol ri Reaiy are' ri Jahat, ri e u c'ojol ri Jahat e are' ri Ahumay xukuje' ri Lahad. E are' tak wa' ri u k'ab cachalaxic ri e aj zoratitab.

^3-4 Ri e u c'ojol ri Hur e are' ri Etam, Jezreel, Isma, Idbas, Penuel (ri u c'ojol ri Penuel are' ri Jedor), xukuje' ri Ezer (ri u c'ojol ri Ezer are' ri Hus). Wa' c'o jun canab Haze-lelpon u bi'. E are' tak wa' ri e u c'ojol ri Hur, u nabeal ri Eprat, e u mam ri Belen.

⁵ Ri u tat ri Teco are' ri Asur. Ri Asur xec'oji' quieb rixokil: Hel xukuje' Naar.

⁶ Ri Naar are' u nan ri Ahuzam, Heper, Temen xukuje' ri Ahastar. E are' tak wa' ri e ral ri Naar.

⁷ Ri e ral ri Hel e are' ri Zeret, Jezoar xukuje' ri Etnan.

⁸ Ri e u c'ojol ri Cos are' ri Anub xukuje' ri Zobeb; ri Cos e u mam ri u k'ab rachalaxic ri e aj Aharel, u c'ojol ri Harum.

⁹ Ri Jabes are' xux na nim u k'ij chquiwäch ri rachalal, ri u nan xucoj Jabes che u bi', xubij c'ut: “Kastzij ruc' c'ax xinwalaj.”

¹⁰ Ri Jabes xuban ch'awem ruc' ri u Dios ri Israel, je xubij wa': “Quinbochi'n che la chi caya' la ri tewichibal la panuwi' chya' c'u la jun wulew ri sibalaj nim, chinto' la chinesaj c'u la chquiwäch ri etzelal, rech man quinrik ta c'ax.” Xuya' c'u ri Dios che ri xutz'onoj che.

¹¹ Ri Quelub, rachalal ri Sua, are' u tat ri Mehir; ri Mehir are' u tat ri Eston.

¹² Ri Eston are' u tat ri Bet-rap, ri Pasey xukuje' ri Tehin, are' ri xticow ri tinimit Nahas. E are' tak winak wa' ri xejeki' pa Rec.

¹³ Ri e u c'ojol ri Senaz e are' ri Otoniel xukuje' ri Seraiy. Ri e u c'ojol ri Otoniel e are' ri Hatat

¹⁴ xukuje' ri Meonotay. Ri u tat ri Opra are' ri Meonotay. Ri u tat ri Joab are' ri Seraiy, ri e qui mam ri xejeki' pa ri qui beya' ri aj Carisim, ri e nawinelab che qui banic tak chac.

¹⁵ Ri u tat ri Caleb are' ri Jepon, ri e u c'ojol ri Caleb e are' ri Iru, Ela xukuje' ri Naam. Ri u c'ojol ri Ela are' ri Senaz.

¹⁶ Ri e u c'ojol ri Jahaleel e are' ri Zip, Zipa, Tiriy xukuje' ri Asareel.

^17-18 Ri e u c'ojol ri Esdras e are ri Jeter, Mered, Eper xukuje' ri Jalon. Ri Mered xc'uli' ruc' ri Bitiy, u mia'l ri paraon, ri e ral tak e are' ri Mariy, Samay xukuje' ri Isba, u tat ri Estemo. Ri Mered xukuje' xc'oji' jun ixok ruc' aj ramak' ri Juda, are' c'ut u nan ri Jered, u tat ri Jedor, ri Heber, u tat ri Soc, xukuje' re ri Jecutiel, u tat ri Zano.

¹⁹ Ri e ral ri rixokil ri Hodiy, rana'b ri Naham, ri u tat ri Keil, e are' ri Daliy ri aj garmit xukuje' ri Estemo ri aj maacatib.

²⁰ Ri e u c'ojol ri Simon e are wa' Amnon, Rin, Ben-hanan xukuje' ri Tilon. Ri e u c'ojol ri Isi e are ri Zohet xukuje' Benzohet.

²¹ Ri e rija'lil ri Sel, u c'ojol ri Juda, e are' ri Er, u tat ri Lec, Laad, u tat ri Mers, ri u k'ab rachalaxic ri' quechacun ri lino pa Bet-asbe,

²² ri Joasim, ri e aj Cozeb, ri Joas xukuje' ri Sarap, ri xebec'ulan cuc' tak ixokib aj moabib xetzelej c'u pa Belen, je caquitzijoj ri ojer tak tzijobelil.

²³ E c'u banal tak lak wa'; e jekel pa Netaim xukuje' pa Jeder e c'o c'u che u patanixic ri ajawinel.

E rija'lil ri Simion

²⁴ Ri e u c'ojol ri Simion e are' wa' Nemuel, Jamin, Jarib, Zera xukuje' ri Saul.

²⁵ Ri u c'ojol ri Saul are' ri Salum; ri u c'ojol ri Salum are' ri Mibsam; ri u c'ojol ri Mibsam are' ri Misma.

²⁶ Ri u c'ojol ri Misma are' ri Hamuel; ri u c'ojol ri Hamuel are' ri Zacur, ri u c'ojol ri Zacur are' ri Simeiy.

²⁷ Ri Simeiy xebalax wuklajuj u c'ojol xukuje' wakib u mia'l; ri e tak rachalal c'ut man xebalax ta q'ui qui c'ojol, jeri' chi ri u k'ab cachalaxic chquixo'l man sibalaj ta xeq'uiyiric e jacha' ta ri e rija'lil ri Juda.

²⁸ Xejeki' can pa Beerseb, Molad, Hazar-sual,

²⁹ Bil, Ezem, Tolad,

³⁰ Betuel, Horm, Siclag,

³¹ Bet-marcabot, Hazar-susim, Bet-biray xukuje' ri Saaraim. E are' tak qui tinimit wa' c'ä xajawin na ri David.

³² E c'o xukuje' e job qui tinimit: Etam, Ain, Rimon, Toquen xukuje' ri Asan,

³³ e cachil conojel ri alaj tak tinimit ri e c'o chquij tak we tinimit ri' c'ä copan na pa Baalat. E are' tak c'olbal wa' ri xejeki' wi xukuje' ri xetz'ibax wi tak ri qui bi' calaxic.

³⁴ Ri Mesobab, ri Jamlec, ri Josiy (ri u tat ri Josiy are' ri Amasiy),

³⁵ ri Joel, ri Jehu (ri u tat ri Jehu are' ri Josibiy), wa' u c'ojol ri Seraiy, xukuje' wa' u c'ojol ri Asiel;

³⁶ ri Elioenay, ri Jaacob, ri Jesohaiy, ri Asaiy, ri Adiel, ri Jesimiel, ri Benaiy,

³⁷ ri Ziz (ri u tat ri Ziz are' ri Sipi), wa' u c'ojol ri Alon, wa' u c'ojol ri Jedaiy, wa' u c'ojol ri Simri, wa' u c'ojol ri Semaiy.

³⁸ We winak ri' ri natam tak ri qui bi' xebux c'amal tak qui be ri u k'ab cachalaxic ri e c'o chquixo'l. Rumal c'u rech chi sibalaj xeq'uiyir ri calaxic,

³⁹ xebopan che u tzucuxic tak quecha' ri cawaj chuchi' ri oquibal pa Jerar, pa ri elebal k'ij che ri beya',

⁴⁰ chila' c'u xquirik wi utzalaj echa' cätojtatic xukuje' sibalaj q'ui, xukuje' jun nimalaj ulew ri man c'o ta cäch'owic mawi c'o cuyac ta u ch'o'j chrij. Chila' xejeki' wi can ri e rija'lil ri Cam nabe,

⁴¹ pa tak c'ut ri u k'ijol ri Ezequiy ajawinel re Juda, xepe wa' ri e kayo'm can u bixic tak ri qui bi' xequisachisaj tak qui wäch ri e c'o chila' conojel, junam cuc' tak ri e kajebal xukuje' tak ri jekelibal ri xequirik chila' xejeki' c'u can chila' che qui q'uexwäch, c'o c'u echa' chque tak ri cawaj.

⁴² E c'o chi c'u na, job sient (500) achijab e qui tz'akat, e rija'lil ri Simion, xebe chupam ri c'ache'laj re Seir ri xc'am qui be rumal ri Pelatiy, Neariy, Repaiy xukuje' ri Uziel, e u c'ojol ri Isi,

⁴³ xequisachisaj c'ut qui wäch ri e aj amalesib. Kas chi' c'ut e jekelinak can chila' c'ä camic.