Nabe Tzijobelil 2 - Quiché Bible

Ri e u c'ojol ri Israel

¹ Ri e u c'ojol ri Israel e are ri Ruben, Simion, Levi, Juda, Isacar, Zabulon,

² Dan, Jose, Benjamin, Neptali, Gad xukuje' ri Aser.

E rija'lil ri Juda

³ Ri e u c'ojol tak ri Juda: Er, Onan xukuje' ri Sel. Ri qui nan we oxib ri' are' ri u mia'l Sua, aj cananey. Are' c'u ri Er, u nabeal ri Juda, sibalaj itzel winak rumal ri' xesax ri u c'aslemal rumal ri Ajawaxel.

⁴ Ri Tamar ralib ri Juda, xeralaj quieb ral che wa', ri Pares xukuje' ri Zera. E job c'ut ri e u c'ojol ri Juda chi conojel.

⁵ Ri e u c'ojol ri Pares e are' wa' Hezron xukuje' ri Hamul.

⁶ Ri e u c'ojol ri Zera e are' wa' Zimri, Etan, Heman, Calcol xukuje' ri Dard, e job chi conojel.

⁷ Ri u c'ojol ri Carmi are' ri Acar, ri xuc'am ulok quiäksakil puwi' ri Israel aretak xumajij ri takaninak wi ri Dios chi kas cäsachisax u wäch.

⁸ Ri u c'ojol ri Etan are' ri Azariy.

⁹ Ri e u c'ojol ri Hezron e are' wa' Jerameel, Ram xukuje' ri Quelubay.

¹⁰ Ri Ram are' u tat ri Aminadab, ri Aminadab are' u tat ri Naason, c'amal qui be ri e rija'lil ri Juda.

¹¹ Ri Naason are' u tat ri Salm, ri Salm are' u tat ri Booz,

¹² ri Booz are' u tat ri Obed, ri Obed are' u tat ri Isayi,

¹³ ri Isayi are' u tat ri Eliab, ri nabe u c'ojol; ri Abinadab, ri ucab; ri Simey, ri urox;

¹⁴ ri Natanael, ri ucaj; ri Raday, ri uro';

¹⁵ ri Ozem, ri uwak; are' c'u ri David, ri uwuk.

¹⁶ Ri e canab tak we achijab ri' e are' wa' ri Sarb xukuje' ri Abigail. Ri e ral ri Sarb e oxib: Abisay, Joab xukuje' ri Asael.

¹⁷ Ri Abigail xc'oji' jun ral ala, Amas, u bi', u c'ojol ri Jeter aj ismael.

¹⁸ Ri Caleb, ri u c'ojol ri Hezron, xc'oji' jun u c'ojol ruc' ri Azub, ri rixokil: Jeriot u bi'. Ri niq'uiaj u c'ojol chic e are' wa' Jezer, Sobab xukuje' ri Ardon.

¹⁹ Aretak xcäm ri Azub, ri Caleb xc'uli' ruc' ri Eprat, xc'oji' c'ut jun u c'ojol ruc': Hur u bi'.

²⁰ Ri Hur are' u tat ri Uri, ri Uri are' u tat ri Bezaleel.

²¹ Aretak c'o chic oxc'al (60) u junab ri Hezron, xc'uli' ruc' ri u mia'l ri Maquir, ri u tat ri Galaad, xc'oji' c'ut jun u c'ojol ruc': Segub u bi'.

²² Ri Segub are' u tat ri Jair, ri xeboc juwinak oxib (23) tinimit aj Galaad pa u k'ab.

²³ Are' c'u ri Jesur xukuje' ri Aram xequitokij tak ri ulew ri e c'o pa u k'ab ri Jair, xukuje' ri e rech ri Kenat e rachil ri alaj tak u tinimit, e oxc'al (60) tinimit chi conojel. Conojel tak wa' e are' ri e rija'lil ri Maquir, ri u tat ri Galaad.

²⁴ Cäminak chic Hezron ri Caleb xc'uli' ruc' ri Eprat, ri rixokil ri Hezron, ri u tat, xc'oji' c'ut jun u c'ojol ruc' ri Asur ri are' u tat ri Teco.

²⁵ Ri e u c'ojol ri Jerameel, nabeal u c'ojol ri Hezron, e are' ri Ram, ri nabeal, Bun, Oren, Ozem xukuje' ri Ahiy.

²⁶ Ri Jerameel xc'oji' chic jun rixokil, Atar, u bi', are' c'ut u nan ri Onam.

²⁷ Ri nabeal u c'ojol ri Jerameel are' ri Ram. Ri e u c'ojol ri Ram e are' ri Maaz, ri Jamin xukuje' ri Equer.

²⁸ Ri e u c'ojol ri Onam e are' wa' ri Samay xukuje' ri Jad. Ri e u c'ojol ri Samay e are' ri Nadab xukuje' ri Abisur.

²⁹ Ri rixokil ri Abisur Abihail u bi' are' c'ut u nan ri Ahban xukuje' ri Molid.

³⁰ Ri e u c'ojol ri Nadab e are' ri Seled xukuje' ri Apaim. Ri Seled xcämic man xebalax ta u c'ojol.

³¹ Ri Apaim are' u tat ri Isi. Ri Isi are' u tat ri Sesan. Ri Sesan are' u tat ri Alay.

³² Ri e u c'ojol ri Jad, rachalal ri Samay, e are' ri Jeter xukuje' ri Jonatan. Ri Jeter xcämic man xebalax ta u c'ojol.

³³ Ri e u c'ojol ri Jonatan e are' ri Pelet xukuje' ri Zas. E are' tak wa' ri rija'lil ri Jerameel.

³⁴ Ri Sesan man xebalax ta u c'ojol: xuwi tak u mia'l. C'o c'u jun lok'om u pataninel rech aj Ejipt Jarha u bi'

³⁵ che wa' xuya' wi jun chque ri u mia'l che rixokil, ri xc'oji' jun ral ala: Atay u bi'.

³⁶ Ri Atay are' u tat ri Natan, ri Natan are' u tat ri Zabad,

³⁷ ri Zabad are' u tat ri Eplal, ri Eplal are' u tat ri Obed,

³⁸ ri Obed are' u tat ri Jehu, ri Jehu are' u tat ri Azariy,

³⁹ ri Azariy are' u tat ri Heles, ri Heles are' u tat ri Elas,

⁴⁰ ri Elas are' u tat ri Sismay, ri Sismay are' u tat ri Salum,

⁴¹ ri Salum are' u tat ri Jecamiy, ri Jecamiy are' u tat ri Elisam.

⁴² Ri e u c'ojol ri Caleb, rachalal ri Jerameel, e are' ri Mesa, ri nabeal, ri are' u tat ri Zip, xukuje' ri Mares, ri ucab, are' c'u u tat ri Hebron.

⁴³ Ri e u c'ojol ri Hebron e are' ri Core, Tapu, Requem xukuje' ri Sema.

⁴⁴ Ri u c'ojol ri Sema are' ri Raham, ri u c'ojol ri Raham are' Jorcoam; ri u c'ojol ri Requem are' ri Samay.

⁴⁵ Ri u c'ojol ri Samay are' ri Maon, ri u c'ojol ri Maon are' ri Bet-sur.

⁴⁶ Ri Epa, ri man kas ta rixokil ri Caleb, are' u nan ri Haran, Mos xukuje' ri Gazez. Ri u c'ojol ri Haran are' ri Gazez.

⁴⁷ Ri e u c'ojol ri Jaday e are' ri Rejem, Jotam, Jesan, Pelet, Epa xukuje' ri Saap.

⁴⁸ Ri Maac, u man kas ta rixokil ri Caleb, are' qui nan ri Seber xukuje' ri Tirhan.

⁴⁹ Xukuje' are' u nan ri Saap, u tat ri Madman, xukuje' re ri Seb, u tat ri Macben xukuje' re ri Jibey. Ri Caleb xukuje' xc'oji' jun u mia'l Acsa u bi'.

⁵⁰ E are' tak wa' ri e rija'lil ri Caleb. Ri e u c'ojol ri Hur (u nabeal ri Eprat): e are' ri Sobal (ri u c'ojol ri Sobal are' ri Quiriat-jearim);

⁵¹ ri Salm (ri u c'ojol ri Salm are' ri Belen); xukuje' Harep (ri u c'ojol ri Harep are' ri Bet-gader).

⁵² Ri e u c'ojol ri Sobal (u tat ri Quiriat-jearim) e are' ri Reaiy, pa niq'uiaj chque ri manahetitab,

⁵³ xukuje' ri u k'ab cachalaxic ri Quiriat-jearim: ri e aj itritab, ri aj potitab, ri aj sumatitab xukuje' ri aj misraitab, ri xepe wi ri aj zoratitab xukuje' ri e aj estaolitab.

⁵⁴ Ri e u c'ojol ri Salm e are' ri Belen, ri e aj netopatitab, ri Atrot-bet-joab, ri jun pa niq'uiaj chic chque ri aj manahetitab, ri e aj zoratib

⁵⁵ xukuje' ri u k'ab cachalaxic ri aj soperitab ri xejeki' can pa Jabes, che u bixic, ri e aj tirateyab, ri e aj simeatab xukuje' ri aj sucateyib. E are' tak wa' ri aj quenitab ri e petinak che ri Hamat, u tat ri Bet-recab.