Ajilanic 29 - Quiché Bible

Ri nimak'ij quech ri trompet

¹ “Chupam ri nabe k'ij re ri uwuk ic' ri ix quiban jun tastalicalaj mulin ib. Chupam we k'ij ri' man c'o ta jun u wäch chac qui bano, quiya' na u bixic ri k'ij ruc' rok'ibal trompet.

² Jacha' che tabal tok'ob ri cächajirisaxic ri cäc'oc'at ruxlab che ri Ajawaxel, qui chi'j na jun c'ojol wacax, jun ama' chij xukuje' wukub alaj ama'ib tak chij re jujun qui junab ri ma ta c'o qui yab.

³ Ri rach sipanic re c'äj ri cäyok' aseit ruc' re oxlajuj (13) libra cärachilaj jun c'ojol wacax;

⁴ belejeb (9) libra che jujun ama'ib tak chij; quiejeb (4) libra ruc' niq'uiaj cäcachilaj jujun alaj ama'ib tak chij.

⁵ Caquichi'j c'u na xukuje' jun q'uisic' jacha' che tabal tok'ob che u rikic ri cuyubal qui mac,

⁶ c'o chi c'u wi na ri' ri tabal tok'ob ri cächajirisaxic re chi ic' xukuje' ri tabal tok'ob ri cächajirisax k'ij chk'ij, querachilaj ri e rach tak sipanic quech c'äj xukuje' ri rech ri u wa'l uva, jacha' ri takanic ri u yo'm ri Dios. Wa' cux na jun sipanic ri cäc'oc'at ruxlab porom che u ya'ic u k'ij ri Ajawaxel.”

Sipanic ri queya' chupam ri k'ij rech cuyubal macaj

⁷ “Chupam ri ulajuj k'ij re ri kas uwuk ic', xukuje' ix quiban jun tastalicalaj mulin ib. Man quixwa' ta pa we k'ij ri', man c'o ta jun u wäch chac qui bano.

⁸ Jacha' che tabal tok'ob ri cachajirisaxic ri cäc'oc'at ruxlab che ri Ajawaxel, quichi'j na jun c'ojol wacax, jun ama' chij xukuje' wukub alaj mayib tak chij re jujun qui junab ri ma ta c'o qui yab.

⁹ Ri sipanic re c'äj ri cäyok' aseit ruc' ri cärachilaj jun c'ojol wacax, oxlajuj (13) libra;

¹⁰ belejeb (9) libra che jun ama' chij; quiejeb (4) libra ruc' niq'uiaj che jujun alaj ama' chij.

¹¹ Xukuje' qui chi'j jun q'uisic' jacha' che tabal tok'ob u mac ri macaj, c'o chi c'u wi na ri' ri tabal tok'ob u mac ri macaj ri cächi'x chupam ri k'ij re cuyubal macaj, xukuje' ri tabal tok'ob ri cächajirisaxic k'ij chk'ij, querachilaj ri e rach tak sipanic quech tak c'äj xukuje' ri u wa'l uva.”

Sipanic tak chupam ri nimak'ij quech ri cäbal

¹² “Chupam ri olajuj k'ij rech ri uwuk' ic' ri ix quiban na jun tastalicalaj mulin ib. Chupam ri k'ij ri' man c'o ta jun u wäch chac qui bano. Wukub k'ij cäbeytaj ri nimak'ij che u ya'ic u k'ij ri Ajawaxel.

¹³ Chupam ri nabe k'ij quichi'j na jacha' che tabal tok'ob ri cächajirisaxic ri cäc'oc'at ruxlab che ri Ajawaxel, oxlajuj c'ojol tak wacax, quiejeb ama'ib chij. Xukuje' cajlajuj alaj ama'ib tak chij re jujun qui junab ri ma ta c'o qui yab.

¹⁴ Ri sipanic re c'äj ri cayok' aseit ruc' oxlajuj (13) libra cäcachilaj jujun c'ojol wacax;

¹⁵ belejeb (9) libra cäcachilaj jujun ama'ib tak chij; quiejeb (4) libra ruc' niq'uiaj c'ut cacachilaj jujun alaj ama'ib tak chij.

¹⁶ Caquichi'j xukuje' jun q'uisic' jacha' che tabal tok'ob u mac ri macaj, c'o chi c'u wi na ri' ri tabal tok'ob ri cächajirisaxic k'ij chk'ij querachilaj ri e rach tak sipanic quech c'äj xukuje' ri quech u wa'l uva.

¹⁷ Che ri ucab k'ij quechi'x na cablajuj c'ojol tak wacax, quieb ama'ib chij xukuje' cajlajuj alaj ama'ib tak chij re jujun qui junab, ri ma ta c'o qui yab.

¹⁸ Queban c'u wi na ri sipanic tak quech c'äj xukuje' ri e quech u wa'l uva cäjunamataj cuc' ri cajilabal ri c'ojol tak wacax, ri ama'ib tak chij xukuje' alaj ama'ib tak chij, jacha' ri takanic ri u yo'm ri Dios.

¹⁹ Xukuje' cachi'x jun q'uisic' jacha' che tabal tok'ob u mac ri macaj, c'o chi c'u wi na ri' ri tabal tok'ob ri cachajirisaxic k'ij chk'ij querachilaj ri rach tak sipanic quech c'äj xukuje' quech u wa'l uva.

²⁰ Chupam ri urox k'ij quechi'x na julajuj c'ojol tak wacax, quieb ama'ib tak chij xukuje' cajlajuj alaj ama'ib tak chij re jujun qui junab, ri ma ta c'o qui yab.

²¹ Queban c'u wi na ri sipanic tak quech c'äj xukuje' ri e quech ri u wa'l uva cajunamataj cuc' ri cajilabal ri c'ojol tak wacax, ri ama'ib tak chij xukuje' ri alaj ama'ib tak chij, jacha' ri takanic ri u yo'm ri Dios.

²² Xukuje' cachi'x jun q'uisic' jacha' che tabal tok'ob u mac ri macaj, c'o chi c'u wi na ri' ri tabal tok'ob ri cächajirisaxic k'ij chk'ij querachilaj ri e rach tak sipanic quech c'äj xukuje' quech u wa'l uva.

²³ Chupam ri ucaj k'ij quechi'x na lajuj c'ojol tak wacax, quieb ama'ib tak chij xukuje' cajlajuj alaj ama'ib tak chij re jujun qui junab, ma ta c'o qui yab.

²⁴ Queban c'u na xukuje' ri sipanic quech c'äj xukuje' ri quech u wa'l uva cäjunamataj ruc' ri cajilabal ri c'ojol tak wacax, ri ama'ib tak chij xukuje' ri alaj ama'ib tak chij, jacha' ri takanic ri u yo'm ri Dios.

²⁵ Xukuje' cachi'x jun q'uisic' jacha' che tabal tok'ob u mac rech ri macaj, c'o chi c'u wi na ri' ri tabal tok'ob ri cachajirisaxic k'ij chk'ij querachilaj ri e rach tak sipanic quech c'äj xukuje' ri quech u wa'l uva.

²⁶ Chupam ri uro' k'ij quechi'x na belejeb c'ojol tak wacax, quieb ama'ib tak chij xukuje' cajlajuj alaj ama'ib tak chij re jujun qui junab, ri ma ta c'o qui yab.

²⁷ Queban c'u wi na ri sipanic tak quech c'äj xukuje' ri quech u wa'l uva ri cäjunamataj ruc' ri cajilabal ri c'ojol tak wacax, ri ama'ib tak chij xukuje' ri alaj ama'ib tak chij, jacha' ri takanic ri u yo'm ri Dios.

²⁸ Xukuje' cachi'x jun q'uisic' jacha' che tabal tok'ob u mac ri macaj, c'o chi c'u wi na ri' ri tabal tok'ob ri cachajirisaxic k'ij chk'ij querachilaj ri e rach tak sipanic quech c'äj xukuje' ri quech u wa'l uva.

²⁹ Chupam ri uwak k'ij quechi'x na wajxakib c'ojol tak wacax, quieb ama'ib tak chij xukuje' cajlajuj alaj ama'ib tak chij re jujun qui junab, ri ma ta c'o qui yab.

³⁰ Queban c'u wi na ri sipanic tak quech c'äj xukuje' ri quech u wa'l uva ri cajunamataj ruc' ri cajilabal ri c'ojol tak wacax, ri ama'ib tak chij xukuje' ri alaj ama'ib tak chij, jacha' ri takanic ri u yo'm ri Dios.

³¹ Xukuje' cachi'x jun q'uisic' jacha' che tabal tok'ob u mac ri macaj, c'o chi c'u wi na ri' ri tabal tok'ob ri cachajirisaxic k'ij chki'j querachilaj ri e rach tak sipanic quech c'äj xukuje' ri quech u wa'l uva.

³² Chupam ri uwak k'ij quechi'x na wajxakib c'ojol tak wacax, quieb ama'ib tak chij xukuje' cajlajuj alaj ama'ib tak chij jujun qui junab, ri ma ta c'o qui yab.

³³ Queban chi c'u wi na tak ri sipanic quech c'äj xukuje' quech u wa'l uva cajunamataj cuc' ri cajilabal ri c'ojol tak wacax ri ama'ib tak chij xukuje' alaj ama'ib tak chij, jacha' ri takanic ri u yo'm ri Dios.

³⁴ Xukuje' cächi'x c'u jun q'uisic' jacha' che tabal tok'ob u mac ri macaj, c'o chi c'u wi na ri' ri tz'onobal tok'ob ri cachajirisaxic k'ij chk'ij querachilaj ri rach tak sipanic quech c'äj xukuje' ri quech u wa'l uva.

³⁵ Chupam ri uwajxak k'ij quiban na nimak'ij ruc' jun mulin ib nim u banic, miban c'u jun u wäch chac chupam we k'ij ri'.

³⁶ Quichi'j c'u na jacha' che tabal tok'ob ri cäc'oc'at ruxlab che ri Ajawaxel Dios jun c'ojol wacax, jun ama' chij wukub alaj ama'ib tak chij re jujun qui junab, ri ma ta c'o qui yab.

³⁷ Queban c'u wi na tak ri sipanic quech c'äj xukuje' quech u wa'l uva ri cärachilaj ri jun c'ojol wacax ri ama' chij xukuje' ri alaj ama'ib tak chij, jacha' ri takanic ri u yo'm ri Dios.

³⁸ Cachi'x c'u jun q'uisic' jacha' che tabal tok'ob u mac ri macaj, c'o chi c'u wi na ri' ri tz'onobal tok'ob ri cachajirisaxic k'ij chk'ij querachilaj ri rach tak sipanic quech c'äj xukuje' quech u wa'l uva.

³⁹ E are tak tabal tok'ob wa' ri rajawaxic quebiban che ri Ajawaxel pa tak ri k'ij ri e ch'icom, e c'o c'u wi na ri' tak ri qui sipanic che u tz'akatisaxic jun chi'nic o jacha' ne jun sipanic pa ech wi, we e tz'onobal tok'ob ri quechajirisaxic o sipanic que c'äj rachil u wa'l uva, o tabal tok'ob re utzirisan ib.”

⁴⁰ Ri Moises xuya' u bixic chque ri aj israelib ronojel ri takaninak wi ri Ajawaxel.