Josue 12 - Biblia Mixe de Quetzaltepec

Ma yajnimëtyakta'ayën tiijaty nyaaxwiinyëtë ja Moisés nyiwa'kën.

¹ Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

² Sihón mëti'ipë jam yajkutujkpën ma Amor ja'ayëtyën ets jam tsyënaay Hesbón. Jampaat ijty y'ëne'emy ma txëëwatyën Aroer, ja jampë yajpaatyën ma ja mëjnëëpa'ajën mëti'ipë xyëëwajtypyën Arnón, tyimtsoony jam joykyujkm ets jyä'ty ma ja Jaboc mëjnëëjën, ma tsyo'ontä'äkyën ja nyaaxëty ja Amón ja'ayëty, kujkwä'kxypyë ja Galaad itjotm.

³ Yë'ë ënäty näjyëtu'un jyä'äniwäämpy ja jampë joyjyot yajpaatyën a'oytsyow ma ja Jordán mëjnëëjën; tsyo'ontä'äky jam ma ja Quinéret mëjnëëjën ets tyimja'ty ma yajtijyën Ooky mëjmejy matsow yajninëjkxyën ja Bet-jesimot ets kyuye'eynyäxy, nyijkxy ëpa'tkë'ëmtsow ets jyä'ty jam ma Pisgá kopkën.

⁴ Og mëti'ipë jam ënä'ämën Basán, ja Refa ja'ay mëti'ipë ënäty jam jaakyajpatpën Astarot ets Edrei.

⁵ Jampaat ja it naaxwiinyëtë ijty tnitänë ma Hermón kopkën, anëkëjxytsyowpë wyi'imyën ets wiinkpë tsyo'ontä'äky Salka, mëti'ipë a'oytsyow yajpatpën, nyäxy jam Basán ets jyä'ty Guesur; y'ëwtity jam Maacá ets kujkwä'kxy yë Galaad y'itjotm mëti'ipë jamtsow wë'ëmpën ëpa'tkë'ëmtsow, mëti'ipë ënäty nyiwäämpyën yë Sihón, Hesbón yajkutujkpë.

⁶ Ya'atë jëtu'un ja yajkutujkpëtëjk mëti'ipë yë Moisés ets tëkokyë yë Israel ja'ayëty ojts ka'ap tyajmëta'aktën ets ojts tniwa'këtë ja nyaax kyamëty y'it nyaaxwiinyëtëty. Ya'atë it naaxwiinyëtë yë'ë ojts yajmo'otë yë Rubén ja'ayëty, Gad ja'ayëty ets kujkwä'kxy ja Manasés ja jyä'äy.

Ma yajnimëtyä'äkyën mëti'ipëjaty kajpn ja Josué nyiwa'kën

⁷ Ja Josué mëët tëkokyë ja Israel ja'ayëty ya'atë yajkutujkpë ojts tyaj'ooktë jamtsowpë anajnytsyow wyi'imyën ma ja Jordán mëjnëëjën. Ma ja it naaxwiinyëtën mëti'ipë yajpatëpën jam Baal-Gad, mëti'ipë nyitënääpyën yë Líbano joyjyot ets ma ja Halac mëj kajpnën jampë yajpaatyën Seir. Josué ojts tuknikäkëtyä'äy yë Israel ja'ayëty ya'atë it naaxwiinyëtë ets yë'ë tjä'ä'ajtnëtëty xëmëkyëjxm.

⁸ Ojts tëkokyë tjä'ä'ajta'atë ja tunjot kopkjot, ja joyjyot, ma ja Jordán mëjnëëjën; näjyëtu'un ja it ets ja të'ëts'it jampë yajpaatyën Négueb. Ya'atë naaxwiinyëtë yë'ë ënäty të tjä'ä'atë yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

⁹ E tyaa yajnikäjpxy mëti'ipëjaty ja yajkutujkpëtëjk ojts ka'ap myëta'aktën; ojts y'ooktë mëti'ipë jam ënä'ämpën Jericó ets Aí mëti'ipë myëwinkon'ajtëpën yë Betel,

¹⁰ näjyëtu'un mëti'ipë ënä'ämën jam Jerusalén, Hebrón,

¹¹ Tarmut, Laquis,

¹² Eglón, Guézer,

¹³ Debir, Guéder,

¹⁴ Hormá, Arad,

¹⁵ Libná, Adulam,

¹⁶ Maquedá, Betel,

¹⁷ Tapúah, Héfer,

¹⁸ Afec, Sarón,

¹⁹ Madón, Hasor,

²⁰ Simrón-merón, Acsaf,

²¹ Taanac, Meguido,

²² Quedes, Jacneam, Carmelo,

²³ Dor, Goím, Guilgal,

²⁴ ets ja Tirsá. Jä'ä nyiwinë'ajtë ja yajkutujkpëtëjk i'px majktu'uk.