Salmos 93 - Biblia Dc en Mixe de Quetzaltepec

Salmo 93 Yë Wintsën, yë'ë yajkutujkpë

¹ Yë Wintsën, yë'ë yajkutujkp, natuky yajpaaty mëët yë myëj'ajt y'oyajtën jëtu'un tä jeexyë yë'ë twit'aty txox'atyën. Yë'ë ojts tpëjktä'äky yë naaxwiinyëtë ta'tspëky këtiipë yu'kxëty.

² Wintsën, yë mkutujktakn tëëyëp yë ta'tspëky yajpaaty ets tyampaat je'eyëm y'ity. Mijts Wintsën winë xëëw winë jëmëjt myajpaaty.

³ Wintsën, yë mëjnëë jä'tsmiimp jä'tsxëjp ets ko pyëti'iky yë nëë o'pky nëkooyë këjxm pyëtë'knë;

⁴ e mijts Wintsën, ko m'ity ets myajpaaty jam këjxm ni'ik yë mëk'ajtën xymyëëtëty këtiinëm jyëtu'unëty yë mëjnëë ko jyä'tsminy jyä'tsxëpy ets ko nëkooyë pyëtë'knë nëë o'pky.

⁵ Wintsën, yë m'ënä'ämën mtëyajtën ta'tspëky yajpaaty, Yë mwa'atsajtën yë'ë yaj'oykyëxë'kpy yë mtsajptëjk.