Salmos 61 - Biblia Dc en Mixe de Quetzaltepec

Salmo 61 Ko yajtukjotkujk'aty yë Tios yë kyuwa'anën

¹ Dios mëti'ipës nTios'ajtypyën, mëtow wi'ixës nmëjë'ëy nmëyä'äxyën yë npëjkën n'ijxënës, mëtow yë ntsajpkäjpxyës.

² Jamës nkäjpxy ma naaxwiinyëtë jyëjpkëxyën, jëtu'unës nja'awënë japës yowë yë njot nwinma'any wya'kmëkënë. Yajtsokës yë njuukyajtën jëtu'un tääjës jeexyë muum nkëxwä'äkyën tsaatunkëjxy,

³ jä'ä ko mijts ntsoktakn'ajtyp. Jëtu'un mijts m'ity npë'aayës tä tu'uk yë mëjpotsyën mëkpë tyänën ets jëtu'un ka'ap tjëkyepy yë nmëtsipës xymyëmëta'akëty.

⁴ Tsëënëjaanpës ma mtsajptëjkën xëmëkyëjxm, ets mijts xy'ijx'it xykyëwent'atëpës.

⁵ Mijts, Dios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.

⁶ Yajxëëwyon yajtsuuyon yë yajkutujkpë wä'än jeky tjuuky'äty, wä'än tjuuky'äty kanaak xëëw kanaak jëmëjt,

⁷ ets y'ënä'äm yajkutukëty jeky mëët yë mkënu'kxën. Mijts mkëwent'atëp mëët yë tsojkën ja'awën ets yë tëyajtën;

⁸ jëtu'unës yë mxëëw nkuuy'ëw nkuuyya'axëty winë xëëw winë jëmëjt etsës nkuuytyunëty winjëpom mëti'ipës të nwaantä'äkyën.