Salmos 53 - Biblia Dc en Mixe de Quetzaltepec

Salmo 53 Ja tyuuntëko'oyën ja naaxwiinyëtë ja'ay

¹ Ja'ay winma'anytyukpë jëtu'un myäy tyäjy ko ka'ap maa Dios: tëkokyë tëë wyinma'any tyajtëkooytya'atë, aakyë'ë ëxëëkpë tyuuntëp kyajpxtëp; ka'ap ma pën mëti'ipë winë oy tyunëpën.

² Jam tsajpkëjxm jya'ijxyp jyatuumpy yë Dios yë ja'ay, pën jää mëti'ipë oy määpy tajpën ets mëti'ipë y'ixtääpy yë Dios.

³ E tëkokyë ja'ayëty tëë tyu'utëkooytya'atë, tëë wyinma'anytyëkoytyë, ka'ap ma pën mëti'ipë oypyë tyuunpyën. Ka'ap ma pën, nitu'ukën.

⁴ Ja'ay mëti'ipë ëxëëk winë tyuuntëp kyajpxtëpën ka'ap ja'aykyujkën tmëët'atë. Mëti'ipë yë nnaax nkajpnës nyikaaytyut nyijë'kxtutëpën tä jeexyë tsyajpkääkykyäytyën ets ka'ap ja Dios tmëkajpxtë.

⁵ Oy ënety ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Dios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Dios yë'ë ënety ka'ap y'ëktsojkënëtë.

⁶ Jääpëk jeexyë myiny yë Israel kajpn nyitsokën ma Sión kopkën. Ko ënety yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.