Salmos 47 - Biblia Dc en Mixe de Quetzaltepec

Salmo 47 Tios yë'ë tu'uk yajkutujkpë ma tëkokyë naaxwiinyëtën.

¹ Tukë'ë'apo'kxmuktë, miitsëty naax kajpn; mëk yë Dios mmëkajpxtë mëët yë xoontakën.

² Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

³ Kanaak ojts yë naax kajpn mëjëtypë tyajkutëkoy, ets tyaj'awinpijty ëyoopë mëtuunpë ma ëëtsajtëmën.

⁴ Tëë kë'ëm twin'ixy mëti'ipë nëjkx nkuma'ayën'ajtëmën, yë'ë mëti'ipë mëpaat yë Jacob yajtukja'amyetsyën, mëti'ipë ojts tsoky tjawën.

⁵ Yë Dios mëti'ipë Wintsën'ajtpën tëë yë y'ënyääytyakn tpëky ma jam yajkutukëtyën mëët yë xuxpë wojpë ets mëët yë xoontakën mëjpë këjääpë.

⁶ Ëwtë ya'axtë; yë'ë ëwtë mëti'ipë Dios yajtukuuy'ëëpën. Ëwtë ya'axtë; win'ëwtë nyajkutujkpë'ajtëm.

⁷ Tukkuuy'ëwtë yë Dios oyëtypë ëy ets aaw ayuk oyëtypë yajmëtoyën, jä'ä ko yë'ë yajkutujkp ma tëkokyë yë naaxwiinyëtë y'ëwtityën.

⁸ Dios yë'ë yajkutujkp ma tu'kë'ëyë naax kajpnën. Jam yë Dios y'u'unyë ma y'ënyääypyäjnën wa'atspë.

⁹ Tëkokyë yë ja'ayëty mëj'äämpyë y'itën ma naax kajpnën, tëë tyu'ukmujkta'atë ma Dios ja nyaax kyajpnën, mëti'ipë Abraham Tiosajtën,

¹⁰ jä'ä ko tëkokyë yë kuttujkën yaapë naaxwiinyë yajpaatën Dios yë jyä'ä ets yë'ë kyëwentëpëjktääpy oy tyimtiijëty.