Biblia Todo Logo
Bìoball air-loidhne

- Sanasan -

Salmos 27 - Biblia Dc en Mixe de Quetzaltepec


Salmo 27 Yë Wintsën yë'ëjës nkutë'kxën'ajtyp ets yë'ëjës xyajnitsokp.

1 Yë Wintsën, yë'ëjës xykyutë'kxp xykyujajp ets yë'ëjës xyajnitsokp, ¿pënës n'ëktsë'ëkëp? Yë Wintsën yë'ëjës yë njuukyajtën kyuwäämpy. ¿Ti ko ntsë'ëkëtyës?

2 Yë ëxëëkja'aytyëjkëty mëti'ipës xymyëtsip'ajtëpën, tëë tjakäjpxy'atë koos xyaj'ooka'antë, je'eyëp ko kë'ëm y'anäpëtë ets ëxëëk nyäyaja'tëtë.

3 Oyës yë mayjyä'äy xyjyana'ëwtity, ëjts nijënu'unës yë n'aaw njot kyatsë'ëkë; oy tjatuknipëjktaakëtëty xyaj'ooka'antës, ëjts akujk jotkujkës nyajpaaty.

4 Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

5 Ko ënety jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

6 Täänëm ënät tjëkyäpëty wi'ixës yë nmëtsiptëjk, nwinkuwa'akëty amëk jotmëk; ënät nëjkx yë Wintsën nmo'oyës yë wintsë'kën jap tsajptëkoty, etsës mëk nya'axa'any njoka'any koos ënety nyajpaaty xoontä'äky, etsës nwin'ëwa'any nwinya'axa'any yë Wintsën.

7 Wintsën mijts nmëkäjpxyp, mëtoow'ijtkës. Mëët'at pa'ëyo'owën ma ëjtsën, ëtsoowinpijtkës.

8 Jëtu'unës njawë yë njot nwinma'any y'ënä'äny: Ixta'a yë Wintsën ma yajpaatyën. E ëjts, Wintsën, mijts n'ixtääpy.

9 Këtiis xywyinkuyu'utsy. Këtiis xyjyëpëky xyjyëtuny a'äkë. Mijts xypyutëjkëpës. Këtiis nätyu'uk xy'ëxmatsëty kuwaankës, mijts nTios'ajtyp ets mijts xyajnitsokpës.

10 Oyës yë ntaak nteety xy'ëxmatstëty, mijtsës xykyëwent'ataanp.

11 Wintsën, tukni''ijxëkës yë mnë'ë mtu'u; winwoow winwijtskës ma ja oypyë ja në'ë tu'ujën etsës yë nmëtsip t'ixtëty;

12 këtiis xykyë'ëyakëty ijxtëm tjatsoktën, ëjts tëës yë ja'ay xynyipëtë'ëktë, mëti'ipë je'eyë poky'ixtaaytyëpën ets tsip'ixtaaytyëpën.

13 E ëjts wa'atsës nijawë koos mpaata'any yë Wintsën yë y'oyajtën mapaatës njuuky'ätyën.

14 Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Biblia Dc en Mixe de Quetzaltepec, Oaxaca México © Sociedad Bíblica de México, A.C.

Bible Society of Mexico
Lean sinn:



Sanasan