Salmos 136 - Biblia Dc en Mixe de Quetzaltepec

Salmo 136 Xëmë Tios tsoky tjawë yë Israel kajpn

¹ Mo'otë yë kukkajpxën ja'awëkyëtakkën yë Wintsën, jä'ä ko yë'ë oy Tyios'aty, jä'ä ko tsyojkën jya'awën winë xëëw winë jëmëjt y'ijtëy.

² Mo'otë yë kukkajpxën ja'awëkyëtakkën yë Dios mëti'ipë nyiTios'ajtypyën wiinkëtypë tios, jä'ä ko tsyojkën jya'awën winë xëëw winë jëmëjt y'ijtëy.

³ Mo'otë yë kukkajpxën ja'awëkyëtakkën yë Wintsën mëti'ipë nyiWintsën'ajtypyën yë wintsëntëjk, jä'ä ko tsyojkën jya'awën winë xëëw winë jëmëjt y'ijtëy.

⁴ Ja tu'kpajkpë winë tuny tkäjpxyën mëj këjää, jä'ä ko tsyojkën jya'awën winë xëëw winë jëmëjt y'ijtëy.

⁵ Mëti'ipë ojts tyajkojyën yë tsajp ets naaxwiinyëtë mëët ja wijyajtën ets ixpëkyajtën, jä'ä ko tsyojkën jya'awën winë xëëw winë jëmëjt y'ijtëy.

⁶ Mëti'ipë ojts twijtstëyën ja të'ëtsnaax nëëwiinkëjxy, jä'ä ko yë tsyojkën jya'awën winë xëëw winë jëmëjt yë y'ijtëy.

⁷ Mëti'ipë ojts tyajkojyën yë xëëw po'o, jä'ä ko yë tsyojkën jya'awën winë xëëw winë jëmëjt yë y'ijtëy.

⁸ Yë xëëw yë'ë ojts tuknikojë ets kyutë'kxëty xëëny, jä'ä ko yë tsyojkën jya'awën winë xëëw winë jëmëjt yë y'ijtëy.

⁹ Ja po'o ets ja mëtsa'a ojts tyajkojy ets kyutë'kxtëty koots, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁰ Mëti'ipë ojts tyaj'o'kta'ayën ja kä'äxkopktëjk ma ja y'u'unk y'ëna'kën ja Egiptë ja'ayëty, jä'ä ko yë tsyojkën jya'awën winë xëëw winë jëmëjt yë y'ijtëy.

¹¹ Mëti'ipë ojts twoowpëtsëmyën jap Egiptë ja Israel kajpn, jä'ä ko yë tsyojkën jya'awën winë xëëw winë jëmëjt yë y'ijtëy.

¹² Ojts xyajwä'kxy mëët tu'uk yë mëk'ajtën mëjpë këjääpë, jä'ä ko yë tsyojkën jya'awën winë xëëw winë jëmëjt yë y'ijtëy.

¹³ Mëti'ipë ojts ja Tsaptsmejy tyajwä'kxën mäjtskpëky, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁴ Mëti'ipë ojts tyajmejynyäxyën ja Israel ja'ay nëë'itkujky, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁵ Mëti'ipë ojts tyajji'kxta'ayën ja faraón ja tyuunpë ma ja Tsaptsmejyën, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁶ Mëti'ipë ojts ja nyaax kyajpn twoownëjkxyën jam të'ëts'itjotm, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁷ Yë'ë yaj'o'ktaay yë mëj'äämpyë ënä'ämpëtëjk, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁸ Mëti'ipë ojts tpëjkën ja jyuukyajtën ja ënä'ämpëtëjk mëti'ipë ënety ja mëjkutujkën myëët'ajtëpën, jä'ä ko yë tsyojkën jya'awën winë xëëw winë jëmëjt yë y'ijtëy.

¹⁹ Ja Sihón mëti'ipë yajkutujkpën ma Amor ja'ayëtyën, jä'ä ko yë tsyojkën jya'awën winë xëëw winë jëmëjt yë y'ijtëy.

²⁰ Ja Og, mëti'ipë ënety ënä'ämpën jam Basán, jä'ä ko yë tsyojkën jya'awën winë xëëw winë jëmëjt yë y'ijtëy.

²¹ Mëti'ipë kyijpxwa'kxën ja nyaax kyamëty ja yajkutujkpëtëjk, jä'ä ko yë tsyojkën jya'awën winë xëëw winë jëmëjt y'ijtëy.

²² Ets tmooy ja Israel ja'ayëty mëti'ipë ënety mëtuunëpën, jä'ä ko yë tsyojkën jya'awën winë xëëw winë jëmëjt yë y'ijtëy.

²³ Mëti'ipë ënätyë xyjyä'ämyäjtsëmën ko ënety ënu'kxë nyajpatëmë, jä'ä ko yë tsyojkën jya'awën winë xëëw winë jëmëjt yë y'ijtëy.

²⁴ Mëti'ipë ojts tjëwoyën ja nmëtsip'ajtëmë, jä'ä ko yë tsyojkën jya'awën winë xëëw winë jëmëjt yë y'ijtëy.

²⁵ Mëti'ipë yajkääpy yaj'ukpyën yë ja'ay ets yajjë'kxy yajpëjkpy ja jëyujk, jä'ä ko yë tsyojkën jya'awën winë xëëw winë jëmëjt yë y'ijtëy.

²⁶ Mo'otë yë kukkajpxën ja'awëkyëtakkën yë Dios tsajpjotmëpë y'ityën, jä'ä ko yë tsyojkën jya'awën winë xëëw winë jëmëjt yë y'ijtëy.