Salmos 126 - Biblia Dc en Mixe de Quetzaltepec

Salmo 126 Mijts myajkutukëp ets y'oyëty ja juukyajtën

¹ Ko ojts ja Dios tyajjotkujkë ja Sión, jëtu'un ojts nnäjya'awëmë wiinkuma'ajëm yowë.

² Ënet ojts janty jotkujk nnäjya'awëmë, ets ojts nxikëmë nxo'onëmë. Ja ja'ayëty mëti'ipë ka'ap ja Dios t'ëwtatën jëtu'un ojts y'ëna'antë: Yë Dios mëjwiin këjää winë të tuny ma yë'ëjëtyën.

³ Jëtu'un, Dios ojts mëj këjää winë tuny tkäjpxy ma ëëtsajtëmën, ets ojts janty jotkujk nnäjya'awëmë.

⁴ Wintsën, yajtëkats ëëts ja nmonyë ntukyë mëët ja jotkujk'ajtën, jëtu'un tä yë të'ëts'itjot tyëkatsyën mëët ja nëë tuu.

⁵ Mëti'ipë niptëpën kojtëpën mëët yë jë'ëyën yaxën, mëët yë akujkajtën jotkujk'ajtën nëjkx tyajpëtë'knëtë ja pëjktä'äky.

⁶ Oy y'ëkjë'ë y'ëkya'axtë ma jam tmëjëtitën ja tëëmt, ëëp yaxp nëjkx wyimpijnëtë mëët ja xoontakën; ujts ja kyë'ë y'aaw tmëwinpijnëtëty mëët ja tsajpmok aak atsuumtä'äky.