Salmos 114 - Biblia Dc en Mixe de Quetzaltepec

Salmo 114 Ma yaja'amyetsyën wi'ix ojts jap tsyo'onëtën Egiptë

¹ Ko yë Israel ja'ayëty, mëti'ipë Jacob y'u'unk'ajtyp y'ëna'k'ajtypyën jap tsyo'ontë Egiptë, ma ënety jaaypyaat jaaypyo'kxy yajpaatën,

² Yë Judá yë'ë ojts nyäxy tä Dios yë jyëën tyëjkën; ets tëkokyë yë Israel kajpn yë'ë ojts tjä'äniwa'any.

³ Ko ja Israel ja'ay jam myiintë ma ja mëjmejyën ojts ja mëjmejy nyäwyä'kxyë, ets Jordán mëjnëë, ixtëkë ojts nyijkxy.

⁴ Yë tun kopk jëtu'un ojts nyëput yujkputë tä kupixyny u'unkën ets tä tsajppax u'unkën.

⁵ ¿Tiitën të mjaty të mkëpetyë mijts mëjmejy ko nëkooyë të mkäk të mpujnë? ¿Tiitën të mjaty të mkëpetyë mijts Jordán mëjnëë, ko të m'ixtëkënëjkxy?

⁶ ¿Tiitën të mjat të mkëpätëtë miitsëty tun kopkëty ko jëtu'un të mnëpëkax të mtsajpëkaxtë tä yë kupixyny u'unkën ets tä tsajppax u'unkën?

⁷ Tsëtyuy mijts naaxwiinyëtë Dios wintum, mëti'ipë Jacob y'ëwtajtypyën.

⁸ Yë'ë ojts tyaj'awinpity yë tsaato'okyjot nëë'akëyë. Yë'ë ojts tyaj'awinpity yë tsaatun nëëkopk.