Salmos 111 - Biblia Dc en Mixe de Quetzaltepec

Salmo 111 Ma yajtukxoontä'äkyën ko Tios oy winë tuny tkäjpxy

¹ Tukxoontä'äky mëjjawë yë Dios yë xyëëw nyaxëty. Nmëjpëjkta'akäämpyës yë Dios winë aaw winëjot ma ënety tyu'ukmuktën yë ja'ay mëti'ipë oy juuky'ajtëpën, ets ma ënety tëkokyë ja naax kajpn të nyiye'eypyetyën.

² Mëti'ipë yë Dios të tyajkojy të tpëjktä'äkyën janty mëj janty këjää yë oy; ets pën yë jëtu'unpë tsyojkpy jya'apën, yajxon t'ijxpëky ets t'ixy tuny.

³ Tëkokyë mëti'ipë të tyajkojy të tpëjktä'äkyën janty'oy janty tsujëty yaj'ixtë, ets y'ënä'ämën tyiyajtën oypyë, xëmëkyëjxm y'ita'any.

⁴ Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

⁵ Myoopy yë kyä'äyën y'ukën mëti'ipë wintsë'këyëpën. Yë'ë, xëmë tja'amyetsy wi'ix yë käjpxytyu'unën të tunyën.

⁶ Ojts yë nyaax kyajpn tuk'ixy wi'ix yë mëj'ajtën tmëëtëtyën ko ojts myo'ojëtë ja it naaxwiinyëtë mëti'ipë ënety jyä'ä'ajtëpën ja ja'ayëty mëti'ipë wiink tios y'ëwtajtëpën.

⁷ Mëti'ipë yë'ë tyuunpyën aakyë'ë mëti'ipë oyën ets mëtëyën, yë'ë, jyëkyejpy ntuk'ijxpäjtmëty yë y'ënä'ämën tyiyajtën,

⁸ jä'ä ko xëmëkyëjxm ta'tspëky y'ity, yë y'ënä'ämën jä'ä y'oytyunyëty mëët yë tëyajtën jaanty'ajtën.

⁹ Ojts yë nyaax kyajpn tyaj'ëwaatsëpëtsëmy ma ënety yajpaatyën pokyjyotm ets ojts ja kyäjpxytyu'unën tnikäjpxy mëti'ipë ojts tyajwë'ëmyën ets y'itëty xëmëkyëjxm. Dios wa'ats yë'ë ets kutsë'ëkë.

¹⁰ Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.