Ester 10 - Biblia Dc en Mixe de Quetzaltepec

Ma ja Mardoqueo oy yajnikäjpxy yajnimëtyä'äkyën

¹ Yë yajkutujkpë Asuero ojts tuknipëky ja naax kajpn mëti'ipë yajpatëpën wintë'ëtstuuy ets mëti'ipë yajpatëpë mejy itkujky ets tyaktëty ja ayajk ako'onën.

² Tëkokyë mëti'ipë tyuunën kyajpxën mëët ja kyutujkën ets ja y'ënä'ämën ets ko tmooy ja mëj tuunk ja Mardoqueo, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjk jampë tyuuntën Media ets Persië.

³ Yë Jutiiyë ja'ay mëti'ipë xyëëwajtypyën Mardoqueo, jëjp'am ojts y'ity ma ja Asuero yajkutujkyën, mëj'äämpy ojts jyä'äy jyëkyepyë, tëkokyë mëti'ipë Judá ja'ayëtyën; tsojkë ja'awëyë mëk ja myëku'uktëjk, jä'ä ko ojts tmëmay tmëtajy ja nyaax kyajpn ets ojts tkuwa'any ets tnitsiptuny ja myëkunaax myëkukajpn ko ja amay jotmay tpatë.