Biblia Todo Logo
Bìoball air-loidhne

- Sanasan -

Cantares 2 - Biblia Dc en Mixe de Quetzaltepec


Yë to'oxytyëjk

1 Jëtu'unës ëjts tä yë pëjyën mëti'ipë jam Sarón joyjotm yajpatpën, jëtu'unës ëjts tä yë pëjyën joytyuuypyë pyijyën.


Yë ye'etyëjk

2 Yë to'oxytyëjk mëti'ipës ntsojkpy nja'apën, jëtu'un yajpaaty ma myëto'oxytyëjkën tä tu'uk yë tsapts pëjyën äpnyjyotypë.


Yë to'oxytyëjk

3 Yë ye'etyëjk mëti'ipës ntsojkpy nja'apën, jëtu'un yajpaaty ma myëye'etyëjkën tä tu'uk yë mansaan kepyën yuukjoty. Janty oyës näjyawëty koos pyë'aay n'u'unyë etsës xynyi'äpkë. Pa'akëm y'atëkë y'ääytyëëm y'ujtstëëm.

4 Koos të xywoownëjkxy ma ka'ayën ukën të tnipëjktaakën, janty oyës näjyawëty koos xywyintë'kxy.

5 Yajmëkpëjktëkës jatëkok mëët yë ujts ma'atsy mëët ujtstëëm të'ëtspë, tukjë'kxtëkës yë mansaan, jä'ä ko jëtu'unës näjyawëty tim o'kpës yowë mëët yë tsojkën ja'awën.

6 Wä'än yë y'anajnykyë'ë tpëjktä'äky maas yë najts'uunën ets wä'än y'a'oykyë'ë xytyukmënenyës.


Yë ye'etyëjk

7 Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.


Mëmäjtsk ëy Yë to'oxytyëjk

8 Tää myiny ja mëti'ipës ntsojkpy nja'apën. Nmëtoopyës ko tää myiny. Pëyi'ikyë myiny jam kopkkëjxm, pëyi'ikyë myiny jam tunkëjxm.

9 Jëtu'un ja ye'etyëjk mëti'ipës ntsojkpyën tä tu'uk jëtsyu'ujën; tä tu'uk jëtsyu'u u'unkën. Tap tëjk ëkë'p, ma tëjk'aawën, jam ma tëjk nyi'ëwa'atsajtën y'ijxnaxy, jam y'ijxwoony ma wäänë y'ëwa'atsëtyën.

10 Jëtu'unës të xy'ënëëmë yë ye'etyëjk mëti'ipës ntsojkpyën: Pëtë'ëk, mijts mëti'ipës ntsojkpy nja'apën; mëti'ipës ntsojkpyën mëët yu'unk'aaw yu'unkjot.

11 Ëk'ix, tëë ja potm nyajxnë ets ka'ap y'ëktuunë.

12 Jam kamjotm tam pyëjnëtë ja ujts, ëëwnëtëp je'eyë ja joon jëyujk, kujk ja kuuk tyëjkënëtë ëëwpë.

13 Tam ja higos tsyaamë'knë ets tsatsymtsya'am kujk kyëjääjë xyu'kën jyojkën. Pëtë'ëk mijts mëti'ipës ntsojkpyën mëët yu'unk'aaw yu'unkjot.

14 Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.


Ma nimäjtsk y'ëwtën

15 Majtsmujkta'atë yë wax, yë wax mutskëtypë mëti'ipë yajma'typën ëëts yë tsatsymkyam, mëti'ipë jam kujk pëjtso'onpën.


Ja to'oxytyëjk

16 Yë ye'etyëjk mëti'ipës ntsojkpy nja'apën ëjts yë njä'ä, ets yë'ëjës xyjyä'ä'ajtp, yë'ë jam tkëwent'aty yë kyupixyny pëjy akujky.

17 Ma xyiinyëja'anyën ets ma xëëw y'aanta'aka'anyën jää jatëkok minëty mijts mëti'ipës ntsojkpy nja'apën; jëtu'un mnäjyawëtëty tä jëtsyu'ujën, tä jëtsyu'u ayääkën mëti'ipë nëpujt yujkpujtpën tunkëjxy kopkëjxy.

Biblia Dc en Mixe de Quetzaltepec, Oaxaca México © Sociedad Bíblica de México, A.C.

Bible Society of Mexico
Lean sinn:



Sanasan