1 Crónicas 8 - Biblia Dc en Mixe de Quetzaltepec

Ja Benjamín y'u'unk y'ok

¹ Benjamín yë'ë teety'ajtë Belá, mëti'ipë kä'äxkopkën; Asbel ja mëmäjtskpë; Ahrah ja mëtëkëëkpë;

² Noha ja mëmajktaxkpë, Rafa ja mëmëkoxkpë,

³ e Belá jä'ä y'u'unk y'ëna'k xyëëwajtë: Adar, Guerá, Abihud,

⁴ Abisúa, Naamán, Ahoa,

⁵ Guerá, Sefufan ets Hiram.

⁶ Yë Ehud yë y'u'unk y'ëna'k, mëti'ipë nyikopk'ajtën yë y'u'unk y'ëna'këty jyëën tyëjkëty, jampë tsyënaaytyën Gueba, mëti'ipë yajwojpëtsëëmtën ma ja nyaax kyajpnëtyën ets jam nyëjkxtaaytyë Manáhat, jä'ä xyëëwajtë

⁷ Naamán, Ahías ets Guerá, mëti'ipë tyeety'ajtën yë Uza ets Ahiud, mëti'ipë ojts wyowëtën.

⁸ Saharaim tam ijty wiinkpë y'u'unk y'ëna'k mëti'ipë jam ijtën Moab, jä'ä ko ojts mëët ja tyo'oxytyëjk nyäy'ixmajtsënë mëti'ipë xyëëwajtëpën Husim ets Baará.

⁹ Ja y'u'unk y'ëna'k mëti'ipë myëët'ajtën mëët ja jemypyë ja tyo'oxytyëjk, mëti'ipë xyëëwajtypyën Hodes, jä'ä txëëwmooytyë: Jobab, Sipiá, Mesá, Malcam,

¹⁰ Jeús, saquías ets Mirmá. Ya'atë y'u'unk'ajt y'ok'ajtë, mëti'ipë kyutënaaytyën ja y'u'unk y'ëna'këty ets ja jyëën tyëjkëty.

¹¹ E mëti'ipë mëët t'u'unk'ajtyën ja tyo'oxytyëjk Husim, jä'ä xyëëwajtë ja y'u'unk y'ëna'këty, Abitub ets Elpaal.

¹² Elpaal y'u'unk y'ëna'k jä'ä xyëëwajtë Éber, Misam ets Semed, mëti'ipë yajkojën ja Onó kajpn ets Lot kajpn, mëët ja nyinaax nyikam ma ja yuutakn tuuntakn y'itëtyën;

¹³ Beriá ets Semá jä'ä nyikopk'ajtë ja y'u'unk y'ëna'këty ets ja jyëën tyëjkëty, mëti'ipë y'ëxwojpëtsëëmtaaytyën ja Gad ja'ayët jam Aialón, ma tsyënaaytyaknpëjktën;

¹⁴ ets ojts näjyëtu'un jam tyajpëtsëëmta'atë ja myëkä'äxtëjkëty mëti'ipë xyëëwajtëpën Sasac ets Jeroham.

¹⁵ Yë ja'ayëty mëti'ipë xyëëwajtën, Zebadías, Arad, Éter,

¹⁶ Micael, Ispá ets Joha yë'ë Beriá y'ëna'k.

¹⁷ Mëti'ipë xyëëwajtën Zebadías, Mesulam, Hizquí, Éber,

¹⁸ Ismerai, Izlías ets Jobab, yë'ë y'ëna'k ijtë Elpaal.

¹⁹ Jaquim, Zicri, Zabdí,

²⁰ Elioenai, Ziletai, Eliel,

²¹ Adaías, Beraías ets Simrat, yë'ë y'ëna'k ijtë Simí.

²² Yë Ispán, Éber, Eliel,

²³ Abdón, Zicri, Hanán,

²⁴ Hananías, Elám, Anatotías,

²⁵ Ifdaías ets Peniel, yë'ë Sasac y'ëna'k ijtë.

²⁶ Yë Samserai, Seharías, Atalías,

²⁷ Jaresías, Elías ets Zecri, yë'ë Jeroham y'ëna'k ijtë.

²⁸ Ya'atë jëtu'un ja'ayëty ojts tnikopk'atë ja y'u'unk y'ëna'këty ets ja jyëën tyëjkëty ninu'un tyu'kja'ay'atën ets naak nyajtsmi'in nyajtsja'tëtë, jampë tsyënaaytyën Jerusalén.

Ja Saúl ja y'u'unk y'ëna'k y'u'unk tyo'oxytyëjk

²⁹ Ma txëëwatyën Gabaón jam ijty tsyëënë yë Jehiel, mëti'ipë tyeety'ajtën yë Gabaón, mëët ja tyo'oxytyëjk mëti'ipë xyëëwajtypyën Maacá.

³⁰ Ojts ja y'u'unk y'ëna'k tpaatë t'ixtë mëti'ipë xyëëwmooytyën Abdón ja kä'äxkopk, Zur, Quis, Baal, Ner, Nadab,

³¹ Guedor, Ahio, Zequer

³² ets Miclot, mëti'ipë tyeety'ajtën Simi. Ya'atë ja'ayëty nen jam ojts tsyëënëtë Jerusalén tä ja myëku'uktëjkëtyën.

³³ Ner yë'ë teety'ajtë Quis, Quis yë'ë teety'ajtë Saúl, e Saúl yë'ë teety'ajtë Jonatán, Malquisúa, Abinadab ets Es-baal.

³⁴ Jonatán jä'ä myaank xyëëwajt Merib-baal, mëti'ipë tyeety'ajtën Micaías.

³⁵ Micaías jä'ä y'u'unk y'ëna'k xyëëwajtë: Pitón, Mélec, Tarea ets Acaz.

³⁶ Acaz yë'ë teety'ajtë Joadë, e Joadë yë'ë teety'ajtë Alémet, Azmávet ets Zimri; Zimri yë'ë teety'ajtë Mosá,

³⁷ Mosá yë'ë teety'ajtë Biná, mëti'ipë tyeety'ajtën yë Rafa, mëti'ipë tyeety'ajtën Elasá, mëti'ipë tyeety'ajtën Azel.

³⁸ Azel nitëtujk yë y'ëna'k y'ijty, mëti'ipë xyëëwajtën: Azricam, Bocrú, Ismael, Searías, Abdías ets Hanán. Ya'atë ojts yë Azel t'u'unk'aty t'ëna'k'aty.

³⁹ E ja y'u'unk y'ëna'k ja myëkä'äx mëti'ipë xyëëwajtypyën Esec jä'ä y'u'unk y'ëna'k xyëëwajtëp: Ulam, ja kä'äxkopk, Jehús ja mëmäjtskpë ets Elifélet ja mëtëkëëkpë.

⁴⁰ Ulam ja y'u'unk y'ëna'k jotmëkja'ay ijtyëty, tyukjajtëp wi'ix ja tyi'pxn tyajtuntëtyën. May ja y'u'unk y'ëna'këty ets ja y'ok'u'unk y'ok'ëna'këty, nimëko'px ja wëxtyikxy majk nyiwinë'ajtë, aakyë'ë Benjamín y'ok'u'unk y'ok'ëna'k. Jëtu'un'äämpy tëkokyë ja yajkutujkpëtëjk ja xyëëw yajjaaypyäjtë ma ja nokyën, mëti'ipë ja Israel ja'ayëty myëët'ajtëpën.