Sofonías 2 - Quechua Ayacucho Bible 1987

¹ Nacionpi *f**yachaq mana penqakuqkuna, qamkunaqa hukllamanñayá huñunakuychik.

² Decretasqay punchaw manaraq chayamuchkaptinyá qamkunaqa huñunakuychik. Manaraq tamo hina pasaruchkaptinyá qamkunaqa huñunakuychik. Ñoqa Tayta Diospa piñakuyniy manaraq chayaramuchkaptinyá huñunakuychik.

³ Kay pachapi llapallan humillakuqkuna, qamkunaqa Tayta Diostayá maskaychik. Paypa leynin llapallan cumpliqkuna, qamkunaqa Tayta Diostayá maskaychik. Qamkunaqa allin rurayllatañayá munaychik. Ama hatunchakuspa kawsakuytayá munaychik. Icharaqpas Tayta Diospa piñakuynin punchawpi pakaykusqa kawaqchik.

Nacionkuna castigasqa kananmanta

⁴ Gaza llaqtapas saqesqam kanqa. Ascalon llaqtapas purmachisqam kanqa. Asdod llaqtapi *f**yachaqkunatapas chawpi punchawpipunim qarqorunqaku. Ecron llaqtapi *f**yachaqkunapas sapinmanta pilasqa hinam kanqa.

⁵ Lamar qochapa patanpi *f**yachaqkuna, qamkunaqa ¡imallapiraq rikukunkichik! Ceret casta runakunapa castankuna, qamkunaqa ¡imallapiraq rikukunkichik! Filistea runakunapa *f**yachanan Canaan allpa, contraykipim Tayta Dios nisunki: Mana pipapas *f**yachananmanñam qamtaqa purmachisqayki.

⁶ Lamar qochapa patanpi allpakunapas pasto-pastollañam rikurirunqa. Lamar qochapa patanpi allpakunapas michiqkunapa pozonkunapa kananñam rikurirunqa. Lamar qochapa patanpi allpakunapas ovejakunapa kanchanpi kananñam rikurirunqa.

⁷ Juda casta puchuruq runakunapaqmi chay allpakunaqa kanqa. Ovejankutapas chaypiña michinankupaqmi chay allpakunaqa kanqa. Ascalon llaqtapi wasikunapiñam paykunaqa tutanpas samakunqa. Yupaychasqanku Tayta Diosmi watukunqa. Preso risqankumantam kutichimunqa.

^8-9 Llapallan Kamachiq Tayta Diosmi nin kaynata: Ñoqaqa uyarirunim Moab nacionpi *f**yachaqkunapa kamikusqankuta. Ñoqaqa uyarirunim Amon castakunapa mana allin rimasqankuta. Paykunaqa runakunatam kamirqaku. Runaykunapa chakranwanmi allpankutapas miraykachikurqaku. Israelpa yupaychasqan ñoqa Tayta Diosmi kikiyrayku jurani: Moab nacionqa Sodoma llaqta hinañam rikurirunqa. Amon castakunaqa Gomorra runakuna hinañam rikurirunqa. Chay nacionkunaqa itanakunapa wiñananñam rikurirunqa. Kachi horqonañam rikurirunqa. Wiñaypaq chunniqñam rikurirunqa. Puchuq runaykunañam saqueanqa. Nacionniypi puchuqkunañam dueñochakunqaku.

¹⁰ Chaykunaqa hamunqa Moab runakuna hatun tukukusqanraykum. Chaykunaqa hamunqa Amon castakuna hatun tukukusqanraykum. Paykunaqa llapallan kamachiq Tayta Diospa runankunatam kamirqaku. Runankunapa contranpim hatunchakurqaku.

¹¹ Tayta Diosqa manchakuyllapaqñam paykunapa contranpi rikurirunqa. Payqa kay pachapi llapallan taytacha-mamachakunatam tukurunqa. Lamar qochapa patanpi nacionniyoqkunapas nacionninkupim Tayta Diosta adoranqa.

¹² Cus nacionniyoq runakunataqa Tayta Diosmi wañuchisunkichik.

¹³ Norte lawpi *f**yachaqkunatam castigarunqa. Asiria nacionniyoqkunatam tukurunqa. Payqa purmarachinqam Ninive llaqtatapas. Chakirachispam chunnirachinqa Ninive llaqtatapas.

¹⁴ Chay purmachisqa llaqtapa chawpinpiqa atajontin animalkunañam puñukunqaku. Chay purmachisqa llaqtapa chawpinpiqa tukuyniraq animalkunañam puñukunqaku. Tukuwan avutarda sutiyoq animalpas pilarkunapa puntankunapim puñukunqaku. Ventanakunapim waqanqa animalkunapas. Purmachisqañam kanqa punkunkunapas. Rikurirunqañam cedro sachamanta qerukunapas.

¹⁵ Chay llaqtaqa kusikusparaqmi confiakurqa. Kikinpa sonqonpim piensarqa: Manam pipas kanchu ñoqa hinaqa, nispa. Mayna chunnichisqañam kachkan. Animalkunapa puñunanñam kachkan. Pipas chayninta pasaqqa silbakachanqaraqmi. Pipas chayninta pasaqqa qawachinqa takataraqmi.