Sofonías 1 - Quechua Ayacucho Bible 1987

Tayta Diospa piñakunan punchawmanta

¹ Amonpa churin Josias Juda nacionpi gobiernachkaptinmi Tayta Dios rimapayarqa Cusipa churin Sofoniasta. Cusiqa karqa Gedaliaspa churinmi, Gedaliasñataqmi karqa Amariaspa churin, Amariasñataqmi karqa Ezequiaspa churin. Tayta Diosmá Sofoniasman kaynata nirqa:

² Ñoqa Tayta Diosmi kaynata nini: Kay pachapi tukuy imatam pasaypaqta ñoqaqa chinkarachisaq.

³ Runakunatapas hinaspa animalkunatapas pasaypaqtam chinkarachisaq. Alton pawaqkunatapas lamar qochapi challwakunatawanmi chinkarachisaq. Runa urmachiqkunatapas mana allin ruraqkunatawan kuskatam chinkarachisaq. Ñoqaqa runakunatapas allpapa hawanmantam llapallanta qollurachisaq. Ñoqa Tayta Diosmi kaynata nini:

⁴ Ñoqaqa atiyniywanmi castigarusaq Juda nacionpi *f**yachaqkunatapas. Castigasaqtaqmi Jerusalenpi *f**yachaqkunatapas. Kay sitiomantaqa puchukarachisaqñam Baal sutiyoq puchuruq taytachakunatapas chaynataq adoraqnin sacerdotekunapa sutintapas.

⁵ Qollurachisaqmi wasi hawanman seqaspa achkallaña lucerokuna adoraqkunatapas. Paykunaqa qonqorakunkupas ñoqa Tayta Diosta juramentowan serviq tukusparaqmi. Jurankupas Milcom taytachankuraykuraqmi.

⁶ Qollurachisaqtaqmi ñoqa Tayta Diosmanta aswan-aswan karunchakuqkunatapas chaynataq mana maskawaqniykunatapas chaynataq mana tapukuwaqniykunatapas.

⁷ Upallaychikyá ñoqa Señor Diospa qayllaypiqa. Ñam chayaykamuchkanña ñoqa Tayta Diospa castigo ruranay punchawqa. Ñoqa Tayta Diosqa ofrecesqa kananpaqmi animalkunata alistaruniña. Ñoqa Tayta Diosqa convidoman hamuqkunatam sapaqcharuniña.

⁸ Chay castigo ruranay punchawpiqa castigasaqmi kamachikuqkunatapas. Castigasaqmi reypa churinkunatapas, huklaw nacion pachawan churakuqkunatapas.

⁹ Chay punchawpiqa castigasaqtaqmi punkupa pataknin llapallan pawaqkunatapas chaynataq patronninkupa wasinman daño ruraywan hinaspa engañowan huntarachiqkunatapas.

¹⁰ Ñoqa Tayta Diosmi nini kaynata: Chay punchawpiqa Challwa Zaguanmantaraqmi qayakullanqaku. Iskay Kaq Barriomantaraqmi qaparkachanqaku. Aminankukama waqasqankutam moqokunamantaraq uyarinqaku.

¹¹ Yaw Pukru Barriopi *f**yachaqkuna, aullakuchkaq hinayá qaparkachaychik. Llapallan negociantekuna qollurusqanmantayá qaparkachaychik.

¹² Chay tiempopiqa mecherowan hinam maskarusaq Jerusalenpi *f**yachaqkunatapas. Castigasaqtaqmi vinopa qonchun hina hawka tiyakuq runakunatapas. Chayna runakunam sonqonkupi ninku: “Tayta Diosqa manam ruranchu allintapas nitaq mana allin kaqtapas.”

¹³ Chayraykum imallankupas suwasqa kanqa. Wasillankupas chunnichisqam kanqa. Wasita ruraruspankupas manam *f**yachanqakuchu. Uvasta plantaruspapas vinotaqa manam tomanqakuchu.

¹⁴ Chayaykamuchkanñam Tayta Diospa castiganan hatun punchawqa. Hichpaykamuchkanñam apurawman Tayta Diospa castiganan punchawqa. Utqamuchkanñam chay punchawqa. Tayta Diospaq castiganan punchawpi qapariytayá uyariychik. Valeroso soldadokunapa aminankukama waqasqantayá uyariychik.

¹⁵ Chay punchawpiqa piñakuywan sachachakuyllañam kanqa. Purmachiywan chunnichiyllañam kanqa. Tutayaywan yanayayllañam kanqa. Puyuwan yanayayllañam kanqa.

¹⁶ Chay punchawpiqa cornetakunallañam waqanqa. Chay punchawpiqa runakunam qayaykachakunqa. Murallasqa llaqtakunapa contranpim uyarikunqa. Alto torrekunapa contranpim uyarikunqa.

¹⁷ Chay punchawpiqa runakunatam ñakarichisaq. Chaynapim paykunaqa ñawsa hinaña purinqaku. Paykunaqariki ñoqa Tayta Diospa contraypim huchallikurqaku. Yawarninkupas ñutu allpa hinaraqmi pampaman chaqchusqa kanqa. Chunchulninkupas wanu hinaraqmi pampaman wischusqa kanqa.

¹⁸ Ñoqa Tayta Diospa piñakunay punchawpiqa manam libranqachu qori-qollqenpas. Nina hina sientikurusqaywanmi rupasqa kanqa tukuy kay pachapas. Qonqaymantam tukurusaqpuni kay pachapi *f**yachaqkunatapas.