Números 35 - Quechua Ayacucho Bible 1987

Leviy aylluman qonanku llaqtakunamanta

¹ Moab sutiyoq chunniq pampakunapi otaq Jordan Mayupa hichpan Jerico llaqtapa chimpanpi kachkaptinkum Moisesta Tayta Dios nirqa:

² —Israelpa mirayninkunata kamachiy herencia allpa chaskisqankupi Leviy aylluman llaqtakunata qonankupaq, chay llaqtakunapim paykunaqa *f**yachanqaku. Paykunamanyá qochunku llaqtakunapa muyuriqninpi echaderokunatapas.

³ Chay llaqtakunapi *f**yachaptinkum chay llaqtakunapa echaderonkunaqa kanqa ganadonkupawan llapallan animalninkupaq.

⁴ Llaqtapa muyuriqninpi Leviy aylluman qosqaykichik echaderokunaqa kanqa tawa pachak pichqa chunkan metronmi, chaynaqa kanqa llaqtapa murallanmanta hawa lawmanmi.

⁵ Llaqtapa hawa lawnin intipa qespimunan lawpim tupunqaku isqon pachak metrota, surlawpipas tupunqaku hina isqon pachak metrollatam, hina chayna sayayllatam tupunqaku intipa seqaykunan lawpipas chaynataq norte lawpipas. Chaynaqa chay llaqtapa muyuriqninpimá chay echaderonkuna paykunapaq kanqa.

⁶ —Leviy aylluman qonaykichik llaqtakunamantam soqta llaqtakuna kanqa amparakuna llaqtakuna. Chay llaqtakunaqa kanqa runa wañuchiqpa lluptikuspan amparakunanmi. Chay soqta llaqtakunatawan kuskatam qonkichiktaq tawa chunka iskayniyoq llaqtakunatapas.

⁷ Leviy aylluman qonaykichik llapallan llaqtakunaqa kanqa tawa chunka pusaqniyoq llaqtakunam echaderontinkama.

⁸ Herenciaykichikmanta Leviy aylluman llaqtakunata qospaykichikqa hatun herenciayoq Israel runakunam qonkichik achka llaqtakunata, taksa herenciayoq kaqkunañataqmi qonkichik aslla llaqtakunata. Sapa ayllum haykam llaqta chaskisqaykichikman hina Leviy aylluman qonkichik.

Amparakunanku llaqtakunamanta

^9-10 Israelpa mirayninkunaman ninanpaqmi Moisesta Tayta Dios nirqa: —Jordan Mayuta chimparuspa Canaan allpapiña kaspaykichikmi

¹¹ llaqtakunata akllankichik amparakuna llaqtakuna kananpaq chaynapi pipas qonqaymanta runamasinta wañurachispanqa chay llaqtaman lluptikunanpaq.

¹² Chay llaqtakunaqa kanqa wañuqpa ayllun vengakuqmanta lluptinaykichikpaqmi. Chaynapim chay qonqaymanta wañurachiq runaqa mana wañunqachu runakuna huñunakuspa chay wañuchiqta juzganankukama.

¹³ Chay llaqtakuna qosqaykichikmantam amparakunaykichikpaq soqta llaqtakuna kanqa.

¹⁴ Kimsa amparakunaykichik llaqtakunam kanqa Jordan Mayupa kaylawninpi, kimsa amparakuna llaqtakunañataqmi kanqa Canaan allpapi.

¹⁵ Chay amparakunaykichik soqtan llaqtakunam kanqa Israelpa mirayninkunapaq, forasterokunapaq chaynataq samapakuq runakunapaqpas. Pipas qonqaymanta huk kaqninta wañurachiq runaqa lluptispanmi chay llaqtapi amparakunqa.

¹⁶ Pipas fierrowan runamasinta wañurachispanqa, runa wañuchiqñam rikurirun, chaynaqa wañuchisqapunim kanqa.

¹⁷ Pipas rumita hapiykuspa runamasinta wañurachispanqa, runa wañuchiqñam rikurirun, chaynaqa wañuchisqapunim kanqa.

¹⁸ Pipas kaspiwan runamasinta wañurachispanqa, runa wañuchiqñam rikurirun, chaynaqa wañuchisqapunim kanqa.

¹⁹ Chay wañuqpa vidanmanta reclamaqmi, runa wañuchiqta wañuchinqa maypipas tupasqanpi.

²⁰ —Pipas cheqnisqanrayku pitapas tanqaykuspanqa otaq wateqaspa imatapas hawanman wañunanpaq wischuykuspanqa

²¹ otaq cheqnisqanrayku makillawan maqaspa wañurachispaqa, runa wañuchiqñam rikurirun. Wañuqpa vidanmanta reclamaqmi maypipas tupasqanpi paytapas wañuchinqa.

²² Ichaqa pipas mana cheqnikuchkaspan pitapas tanqaykuptinqa otaq mana wateqaspa imatapas qonqaymanta hawanman wischiykachiptinqa

²³ otaq mana enemigon kachkaspa otaq daño rurayta mana maskachkaspa qonqaymanta hawanman rumita wichiykachiptin wañuruptinqa

²⁴ runakunam huñunakuruspanku kay reglamentokunaman hina allin arreglota ruranqaku, chay allin arreglotaqa ruranqaku qonqaymanta wañurachiq runapaqmi chaynataq wañuqpa vidan reclamaqpaqmi.

²⁵ Wañuqpa vidan reclamaqmantam huñunasqa runakuna chay qonqaymanta wañurachiqta libraspanku chay amparakuna llaqtaman kutichinqaku, chay runa wañurachiq runaqa chay llaqtapim yachanqa aceitewan tallisqa sacerdotekunapa jefen wañunan punchawkama.

²⁶ Ichaqa chay wañurachiq runa amparakusqan llaqtapa linderonkunamanta lloqsiruptinqa,

²⁷ wañurachinmanmi chay wañuqpa vidanmanta reclamaq runa, payta wañurachispanqa mana huchayoqmi kanqa.

²⁸ Chaynaqa, chay qonqaymanta wañuchiq runaqa chay amparakusqan llaqtapimá *f**yachanqa sacerdotekunapa jefen wañukunankama, chay sacerdote wañukuptinñam allpanman kutinqa.

²⁹ Kay decretokunaman hinamá allinta arreglankichik. Qamkunapas chaynataq hamuq miraynikichikpas chaynatamá rurankichik maypiña *f**yachaspapas.

Testigokunapaq leykunamanta

³⁰ —Pipas runamasinta wañuchiqqa testigokunapa nisqanman hinam wañunqa ichaqa chulla testigopa nisqallanwanqa manam pipas wañunmanchu.

³¹ —Runa wañuchiqta libranapaqqa amam qollqetaqa chaskinkichikchu, wañunanpaq sentenciasqa runaqa wañunqapunim.

³² —Amparakuna llaqtaman lluptispa pipas amparakuptinqa, llaqtanman kutikunanpaqqa amam qollqetaqa chaskinkichikchu, chay amparakuna llaqtapimá *f**yachanqa sacerdotekunapa jefen wañukunankama.

³³ —*f**Yachanaykichikpaq kaq allpataqa amam millakuypaqtaqa rurankichikchu runa wañuchiykunawanqa, runa wañuchiyqariki allpatam millakuypaqta ruran, chay runa wañuchiqta wañuchiptillankum chayna hucha ruraytaqa pampachasaq.

³⁴ —*f**Yachanaykichikpaq allpataqa amamá millakuypaqtaqa rurankichikchu, chay yachanaykichik allpapiqariki ñoqapas *f**yachasaqmi. Ñoqa Tayta Diosqariki Israelpa mirayninkuna ukupim qamkunawan yachachkani.