Números 33 - Quechua Ayacucho Bible 1987

Israel runakunapa maylawnin purisqankumanta

^1-2 Egipto nacionmantam Moisespiwan Aaronpa pusasqan Israelpa mirayninkuna tropa-tropa lloqsimurqaku. Tayta Dios kamachiptinmi Moises qellqarqa purispanku sapa samasqanku sitiokunapa sutinta.

³ Punta kaq killapa chunka pichqayoq punchawninpim Pascua Fiestapa paqarinnintinta llumpay qari-qarillaña lloqsimurqaku. Paykunaqa Ramses llaqtamantam lloqsimurqaku Egipto nacionniyoq llapa runakuna qawachkaptin.

⁴ Egipto nacionniyoq runakunapa llapallan piwi wawa-churinkunatam Tayta Dios wañurachirqa, paykunata pampanankukamam Israelpa mirayninkunaqa lloqsirqaku. Chay tiempopim Tayta Diosqa Egipto nacionniyoq runakunapa taytachankunata penqayman churarqa.

⁵ Ramses llaqtamanta lloqsispankum Israelpa mirayninkunaqa samarurqaku Sucot lawpi.

⁶ Sucot lawmanta lloqsispankuñataqmi samarurqaku chunniqpa patanpiña kaq Etam lawpi.

⁷ Etam lawmanta lloqsispankuñataqmi muyuramurqaku Baal-zefonpa chimpanpi kaq Pi-hahirot lawman hinaspam samarurqaku Migdol lawpa chimpanpi.

⁸ Pi-hahirot lawmanta lloqsispankuñataqmi lamar qochapa chawpinta chunniqman chimparurqaku. Etam chunniqpi kimsa punchaw purispankum samarurqaku Mara sutiyoq lawpi.

⁹ Mara lawmanta lloqsispankuñataqmi chayarurqaku Elim sutiyoq lawman, chaypim karqa chunka iskayniyoq pukyukuna chaynataq qanchis chunka palmera sachakunapas, chaynaqa chaypimá samarqaku.

¹⁰ Elim lawmanta lloqsispankuñataqmi Puka Lamar Qochapa hichpanpi samarurqaku.

¹¹ Puka Lamar Qochamanta lloqsispankuñataqmi samarurqaku Sin sutiyoq chunniqpi.

¹² Sin chunniqmanta lloqsispankuñataqmi samarurqaku Dofca sutiyoq lawpi.

¹³ Dofca lawmanta lloqsispankum samarurqaku Alus lawpi.

¹⁴ Alus lawmanta lloqsispankuñataqmi samarurqaku Refidim lawpi, chaypim mana yaku karqachu runakuna tomanankupaq.

¹⁵ Refidim lawmanta lloqsispankuñataqmi samarurqaku Sinai sutiyoq chunniqpi.

¹⁶ Sinai chunniqmanta lloqsispankuñataqmi samarurqaku Kibrot-hataava lawpi.

¹⁷ Kibrot-hataava lawmanta lloqsispankuñataqmi samarurqaku Hazerot lawpi.

¹⁸ Hazerot lawmanta lloqsispankuñataqmi samarurqaku Ritma lawpi.

¹⁹ Ritma lawmanta lloqsispankuñataqmi samarurqaku Rimon-peres lawpi.

²⁰ Rimon-peres lawmanta lloqsispankuñataqmi samarurqaku Libna sutiyoq lawpi.

²¹ Libna lawmanta lloqsispankuñataqmi samarurqaku Rissa lawpi.

²² Rissa lawmanta lloqsispankuñataqmi samarurqaku Ceelata lawpi.

²³ Ceelata lawmanta lloqsispankuñataqmi samarurqaku Sefer sutiyoq orqo lawpi.

²⁴ Sefer Orqo lawmanta lloqsispankuñataqmi samarurqaku Harada lawpi.

²⁵ Harada lawmanta lloqsispankuñataqmi samarurqaku Macelot lawpi.

²⁶ Macelot lawmanta lloqsispankuñataqmi samarurqaku Tahat lawpi.

²⁷ Tahat lawmanta lloqsispankuñataqmi samarurqaku Tara sutiyoq lawpi.

²⁸ Tara lawmanta lloqsispankuñataqmi samarurqaku Mitca sutiyoq lawpi.

²⁹ Mitca lawmanta lloqsispankuñataqmi samarurqaku Hasmona lawpi.

³⁰ Hasmona lawmanta lloqsispankuñataqmi samarurqaku Moserot lawpi.

³¹ Moserot lawmanta lloqsispankuñataqmi samarurqaku Bene-jaacan lawpi.

³² Bene-jaacan lawmanta lloqsispankuñataqmi samarurqaku Gidgad sutiyoq orqo lawpi.

³³ Gidgad Orqo lawmanta lloqsispankuñataqmi samarurqaku Jotbata lawpi.

³⁴ Jotbata lawmanta lloqsispankuñataqmi samarurqaku Abrona sutiyoq lawpi.

³⁵ Abrona lawmanta lloqsispankuñataqmi samarurqaku Ezion-geber llaqta lawpi.

³⁶ Ezion-geber llaqta lawmanta lloqsispankuñataqmi samarurqaku Zin sutiyoq otaq Cades sutiyoq chunniqpi.

³⁷ Cades llaqta lawmanta lloqsiruspankuñataqmi samarurqaku Hor sutiyoq orqo lawpi. Chay orqoqa kachkan Edom nacionpa linderonpiñam.

³⁸ Tayta Diospa nisqanman hinam, sacerdote Aaron rirqa Hor Orqoman. Chaypim wañukurqa pichqa kaq killapa punta kaq punchawninpi, payqa wañukurqa Israelpa mirayninkuna Egipto nacionmanta lloqsimuspa tawa chunka watamanña yaykuchkaptinkum.

³⁹ Hor Orqopim Aaron wañukurqa pachak iskay chunkan kimsayoq watanpi.

⁴⁰ Neguev law Arad llaqtapi *f**yachaq Canaan casta runakunapa reyninmi yacharurqa Israelpa mirayninkuna chayaramusqanta.

⁴¹ Hor Orqo lawmanta lloqsispankum samarurqaku Zalmona lawpi.

⁴² Zalmona lawmanta lloqsispankum samarurqaku Punon lawpi.

⁴³ Punon lawmanta lloqsispankum samarurqaku Obot lawpi.

⁴⁴ Obot lawmanta lloqsispankum samarurqaku Moabpa linderonpiña kaq Ije-abarim lawpi.

⁴⁵ Ije-abarim lawmanta lloqsispankum samarurqaku Dibon-gad llaqta lawpi.

⁴⁶ Dibon-gad llaqta lawmanta lloqsispankum samarurqaku Almon-diblataim lawpi.

⁴⁷ Almon-diblataim lawmanta lloqsispankum samarurqaku Nebo Orqopa chimpan Abarim sutiyoq orqokunapi.

⁴⁸ Abarim Orqokunamanta lloqsispankum samarurqaku Nebo Orqopa chimpan Moab sutiyoq chunniq pampakunapi, chay pampakunaqa kachkan Jordan Mayupa hichpan Jerico llaqtapa chimpanpim.

⁴⁹ Chaymantañataqmi Jordan Mayupa hichpanpi campamentota sayachirqaku. Chay campamentoqa chutarikurqa Bet-jesimot llaqta lawmanta qallarispam Abel-sitim lawkama, chay sitiokunaqa karqa Moab sutiyoq chunniq pampakunapim.

Canaan allpaman yaykuspanku imaynam partinakunankumanta

^50-51 Moab sutiyoq chunniq pampakunapi otaq Jordan Mayupa hichpan Jerico llaqtapa chimpanpi Israelpa mirayninkuna kachkaptinkum paykunaman ninanpaq Moisesta Tayta Dios kaynata nirqa: —Jordan Mayuta chimparuspa Canaan allpaman yaykuspaykichikmi

⁵² chaypi *f**yachaq llapa runakunata qarqonkichik, ñutunkichiktaqmi rumimanta llapallan taytacha-mamachankutapas chaynataq llapallan fundisqa adoranankutapas. Purmachinkichiktaqmi moqokunapi llapallan capillankutapas.

⁵³ Chay allpapi runakunata qarqospaykichikmi chaypi *f**yachankichik, chay allpataqa ñoqam qoykichik dueñochakunaykichikpaq.

⁵⁴ Castaykichikman hinam sorteaspa herencia allpata chaskinkichik, achka kaqkunamanqa hatun herenciatam qonkichik, aslla kaqkunamanñataqmi qonkichik taksallata. Suerte tupasqanman hinam sapakama maylaw sitiopipas chaskinkichik, abueloykichikpa ayllunman hinamá herenciataqa chaskinkichik.

⁵⁵ Chay allpapi *f**yachaq runakunata mana qarqoptikichikqa hinalla kaspankum kanqaku ñawikichikpi astilla hina otaq waqtaykichikmanta tipaq kichka hina. Paykunaqa yachasqaykichik allpapimá ñakarichisunkichik.

⁵⁶ Chay enemigoykichikwan imam ruranaypaq piensasqayta hinam qamkunawanpas rurasaq.