Números 21 - Quechua Ayacucho Bible 1987

Arad llaqtayoqkunata Israelpa mirayninkuna vencerusqankumanta

¹ Canaan casta runakunapa huknin reyninmi karqa Arad llaqtayoq runa. Payqa *f**yacharqa chay Neguev lawpim. Atarim sutiyoq ñanninta Israelpa mirayninkunapa risqanta yacharuspanmi paykunawan pelearqa hinaspam wakinta presocharurqa.

² Hinaptinmi Israelpa mirayninkunañataq Tayta Diosman prometekuspanku nirqaku: —Kay runakunata vencerachiwaptikikuqa kay runakunapa llapallan llaqtankutam purmarachisaqku —nispa.

³ Chaymi Israelpa mirayninkunapa mañakusqanta Tayta Dios uyarispan Canaan casta runakunata vencerachirqa chaymi runakunata wañuchispanku llaqtankutapas purmarachirqaku. Chayraykum chay sitiota suticharqaku Hormawan.

Broncemanta culebra rurasqankumanta

⁴ Chay Hor sutiyoq orqomantam pasarqaku Israel casta runakuna Puka Lamar Qocha lawman Edom nacionta muyunankupaq. Runakunañataqmi hukmanyarurqaku ñan risqankupi.

⁵ Hinaspam Diospa contranpi chaynataq Moisespa contranpi rimaspanku nirqaku: —¿Imapaqtaq Egipto nacionmanta horqomuwarqankiku kay chunniqpi wañunaykupaqqa? Manam mikuypas nitaq yakupas kanchu. Amirunikuñam kay mana gustasqayku mikuytapas —nispa.

⁶ Chaymi Tayta Dios kachaykamurqa venenoyoq culebrakunata, runakunata kachuruptinmi Israelpa mirayninkunamanta achkaq wañurqaku.

⁷ Hinaptinmi chay runakunaqa Moisesman rispanku nirqaku: —Huchallikurunikum Tayta Diospa contranpi hinaspa qampa contraykipi rimaspayku. Mañakuyá payta kay culebrakunata ñoqaykumanta chinkachinanpaq —nispa. Chaymi Tayta Diosta Moises mañakurqa chay llapa runakunapaq.

⁸ Hinaptinmi Moisesta Tayta Dios nirqa: —Kay venenoyoq culebraman rikchakuqtayá ruray huk culebrata hinaspayá bandera kaspipa puntanman churay hinaptinmi culebrapa kachusqankuna chayta qawaspanku mana wañunqakuchu —nispa.

⁹ Moisesmi broncemanta culebrata ruraruspan bandera kaspipa puntanman churarurqa. Hinaptinmi culebrakunapa kachusqan runakuna chay bronce culebrata qawaspanku mana wañurqakuchu.

Moab nacion muyusqankumanta

¹⁰ Israelpa mirayninkunam chay sitiomanta pasaspanku Obot lawpi campamentonkuta sayachirqaku.

¹¹ Obot lawmanta pasaspankum samarurqaku Moab nacionpa chimpan intipa qespimunan lawpi otaq chunniqpi kaq Ije-abarim sitiopi.

¹² Chay sitiomanta pasaspankum samarurqaku Zered Wayqopi.

¹³ Chay wayqomanta pasaspankum samarurqaku Arnon Mayupa waklawninpi. Arnon Mayuqa kachkan Moab nacionpa chunniq law linderonpim, chay Arnon Mayuqa Moab naciontam rakin Amor casta runakunapa allpanmanta.

¹⁴ Chayraykum Tayta Diospa guerrankunamanta willakuq libropi nichkan: Sufa law allpapi Vaheb sitiontam pasarqaniku. Wayqonkunatawan Arnon Mayu patantam rirqaniku.

¹⁵ Ar llaqtaman chayaq mayupa patantam rirqaniku. Moabpa linderokamam pasarqaniku.

¹⁶ Chay Arnon mayumantam rirqaku Beer sutiyoq pozokama, chay pozopa kasqanpim Moisesta Tayta Dios nirqa: —Runakunata huñumuy yakuta qonaypaq —nispa.

¹⁷ Chayraykum Israelpa mirayninkuna takirqaku kaynata: Pozomantayá yaku lloqsimuy. Pozomantayá takillasunchik.

¹⁸ Varankuwanmi jefekuna toqorqaku. Runakuna kamachiqkunam tawnankuwan kicharqaku. Chay chunniqmantam Israelpa mirayninkuna rirqaku Matana sitio lawkama.

¹⁹ Chay lawmantañataqmi rirqaku Nahaliel sutiyoq lawkama, chaymantañataqmi rirqaku Bamot sutiyoq lawkama.

²⁰ Chaymantañataqmi rirqaku Moab nacionpi Qechwa Pampakama otaq Pisga Orqopa puntanmanta chunniq law qawana qechwakama.

Rey Sehonta Israel runakuna vencesqanmanta

²¹ Israelpa mirayninkunam Amor casta runakunapa reynin Sehonman kachaspan kaynata nichimurqaku:

²² —Ruegakuykim allpaykipa chawpinta pasarunaykupaq. Manam tarpusqa ukuntachu nitaq uvas huertantachu risaqku, manataqmi pozoykipi yakutapas tomasaqkuchu. Hatun ñanllanta rispaykum mana maylawmanpas muyusaqkuchu allpaykita pasarunaykukama —nispa.

²³ Ichaqa Sehon sutiyoq reyqa manam munarqachu Israelpa mirayninkuna chay allpan pasananta chaymi llapallan tropankunata huñuruspan chunniqman lloqsirqa hinaspam Jahaza llaqta lawkama chayaruspan Israelpa mirayninkunapa contranpi pelearqa.

²⁴ Israelpa mirayninkunañataqmi peleaspanku vencerurqaku hinaspam allpankuta dueñochakuykurqaku Arnon Mayumanta qallaykuspa Jaboc Mayukama otaq Amon casta runakunapa linderonkama, chay Amon casta runakunapa linderonqa mana pasay atinam karqa.

²⁵ Israelpa mirayninkunamá Amor casta runakunapa llapa llaqtankunata otaq Hesbon llaqtata dueñochakururqaku llapa llaqtachankunatawan hinaspam chaypiqa paykunaña *f**yacharqaku.

²⁶ Hesbon llaqtaqa karqa Amor casta runakunapa reynin Sehonpa yachanan llaqtam. Chay Sehon sutiyoq reyqa Moab runakunapa ñawpaq punta reyninta venceruspam qechururqa allpanta Arnon Mayukama.

²⁷ Chayraykum runakunapas rimaqku kaynata: Rey Sehonpa tiyanan Hesbon llaqtaman hamuychik. Yapamanta hatarichispayá murallankunatapas perqaychik.

²⁸ Hesbon llaqtamantam kanananachkaq nina lloqsirqa. Sehonpa llaqtanmantam lenguachkaq nina lloqsirurqa. Moab nacionpi Ar llaqtatam kañarurqa. Arnonpi *f**yachaq runakunatam ruparurqa.

²⁹ Yaw Moab nacion runakuna, ¡qamkunaqa imallapiraq rikukunkichik! Quemos sutiyoq diospa runankuna, qamkunaqa chinkachisqañam kachkankichik. Quemos diosmi qari churikichiktapas lluptirachin. Quemos diosmi warmi churikichiktapas presocharachin. Amor casta runakunapa reynin Sehonwanmi chaynata rurarachin.

³⁰ Paykunatam venceypaq-vencerurqaniku. Hesbon llaqtatam Dibon llaqtakama tuñirachirqaniku. Nofa llaqtakamam purmarachirqaniku tukuy imatapas. Medeba llaqtakamataqmi chayarun chay ninapas.

Basan nacionpa reynin vencesqankumanta

³¹ Chaynapimá Israelpa mirayninkuna *f**yacharqaku Amor casta runakunapa allpanpi.

³² Moisesqa kacharqataqmi Jezer llaqtata wateqamunankupaqpas chaymi Israelpa mirayninkunaqa dueñochakuykurqaku chay llaqtapa llaqtachankunatapas. Chaypi yachaq Amor casta runakunatapas qarqorurqakumá.

³³ Chaymantam muyumurqaku Basan nacion lawman rinankupaq. Chaylawman richkaptinkum Basan nacionpa reynin Og llapallan tropankunapiwan lloqsimurqaku Edrei llaqta lawpi Israelpa mirayninkunawan peleananpaq.

³⁴ Hinaptinmi Moisesta Tayta Dios nirqa: —Ama paytaqa manchakuychu. Qanmanmi qoykusqayki chay reytaqa, qosqaykitaqmi runankunatapas allpantinta. Hesbon llaqtapi *f**yachaq Amor casta runakunapa reynin Sehonta hinam chay Rey Ogtapas ruranki —nispa.

³⁵ Chaynapimá Rey Ogtaqa wañurachirqaku, wañurachirqakutaqmi churinkunatapas chaynataq llapallan runankunatapas. Manam pitapas puchurqakuchu hinaspam allpankutapas dueñochakuykurqaku.