Miqueas 1 - Quechua Ayacucho Bible 1987

Samaria llaqta juzgasqa kananmanta

¹ Juda nacionpim qatinasninpi gobiernarqa Rey Jotam, Rey Acaz hinaspa Rey Ezequias. Paykunapa gobiernasqan tiempopim Moroset llaqtayoq Miqueasman revelacionninpi Tayta Dios rimapayarqa Samaria hinaspa Jerusalen llaqtapa contranpi.

² Llapallan runakuna, allintayá uyariychik. Kay pachapas tukuy imantinyá atiendeychik. Señor Diosyá contraykichikpi testigo kachun. Señorqa sapaqchakusqan templonmantayá contraykichikpi testigo kachun.

³ Tayta Diosqa maymi kasqanmantam lloqsimuchkan. Payqa maymi kasqanmantam uraykamuchkan. Kay pachapa moqonkunatam purimuchkan.

⁴ Ninapi vela chulluchkaq hinam chakinpa ukunpiqa orqokunapas chullurunqa. Waqtakunapi mastarikuchkaq yakukuna hinam qechwa wayqokunapas mastarikunqa.

⁵ Tukuy kaykunaqa pasakuchkan Jacob castakuna mana kasukusqanraykum. Tukuy kaykunaqa pasakuchkan Israel castakuna huchallikusqanraykum. ¿Imaynanpitaq Jacobpa mirayninkunaqa mana kasukuqqa karqaku? ¡Samaria llaqtapim chayna karqaku! ¿Imaynanpitaq Judá nacionpiqa capillakunapiraq huchallikurqaku? ¡Jerusalen llaqtapim huchallikurqaku!

⁶ Chayraykum Tayta Dios nin kaynata: Samaria llaqtataqa monto-monton rumillamanñam tikrarusaq. Samaria llaqtataqa uvaspa wiñanan allpamanñam tikrarusaq. Chay rumikunatapas qechwamanñam choqaparusaq. Chay llaqtataqa cimientonkamam qalaparusaq.

⁷ Llapallan taytacha-mamachankupas pasaypaq ñutupasqam kanqa. Templonkupi chuchumikakunawan lliw ganasqankupas kañasqam kanqa. Llapallan taytacha-mamachankutapas ñoqaqa puchukarachisaqmi. Chaykunaqariki rurasqa karqa chuchumikakunapa ganancionwanmi. Chaynaqa chaykunaqa kanqa hina chuchumikapa gananciontaqmi.

Miqueaspa waqapakusqanmanta

⁸ Hinaptinmi Miqueasñataq nirqa: Chay imam pasananmantam waqapakullasaq Chay imam pasananmantam qaparkachasaq. Ñoqallayqa qala chakillañam purillasaq. Ñoqallayqa mana pachayoqñam purillasaq. Atoqkuna hinañam waqasaqpas. Avestruz hinañam qaparisaqpas.

⁹ Samaria llaqtapa heridankunaqa kachkan mana hampiy atinañam. Chay nanayninqariki chayarun Judá nacionkamañam. Chay nanayninqariki chayarun runaykunapa *f**yachanankamañam. Chay nanayninqariki chayarun Jerusalen llaqtapa punkunkamañam.

¹⁰ Amayá willakuychikchu Gat llaqtapiqa. Amayá llumpaytaqa waqaychikchu qamkunaqa. Qochpaspaqa-qochpaychik Bet-le-afra llaqtapiyá. Qochpaspaqa-qochpaychik chaypi kaq ñutu allpapiyá.

¹¹ Safir llaqtapi *f**yachaqkuna, presoñayá pasakuychik. Qamkunaqa qalallañayá penqaypa intusqan riychik. Zaanan llaqtapi *f**yachaqkunapas manam lloqsinmankuñachu. Bet-ezel llaqtapipas waqayllañam kachkan Manam qamkunataqa yanapasunkichikñachu.

¹² Allin kayta munaspankum qewikachakuchkanku Marot llaqtapi *f**yachaqkunapas. Tayta Diosmi mana allinta kachaykamurqa Jerusalen llaqtapa punkunkunamanpas.

¹³ Laquis llaqtapi *f**yachaqkuna, Sion llaqtapi *f**yachaqkunatam huchallichiyta qallarichirqankichik. Israel castakuna mana kasukuq kanankupaqqa qamkunam huchayoq kankichik. Chaynaqa carretaykichiktayá caballokunaman wataychik.

¹⁴ Moroset-gat llaqtapi *f**yachaqkunamanmi rakikunaykichikpaq regalokunata qonkichik. Aczib llaqtapas Israel reykunapaqmi trampa hinaña rikurirapusunkichik.

¹⁵ Tayta Diosmi nin kaynata: Maresa llaqtapi *f**yachaqkuna, qamkunapa contraykichikpim pusamusaq dueñochakusuqnikichikta. Israel nacionpi ancha reqsisqa kaqkunapas Adulan machaykamam qallaykunqaku ayqekuyta.

¹⁶ Juda nacionniyoq runakuna, kuyasqaykichik wawa-churikichikraykuyá llakimanta kachiy-kachiytaña paqlarachikuychik. Paqla uma ullachku hinaraqyá umaykichikta paqlarachikuychik. Wawa-churikichikqariki preso pusasqam qamkunamanta karunchakurusunkichik.