Lucas 13 - Quechua Ayacucho Bible 1987

Huchamantaqa wanakunamanta

¹ Chay punchawkunapim wakin runakuna Jesusman willarqaku: —Galilea lawmanta kaqkunam animalkunata wañuchichkarqaku Diospaq ofrecenankupaq hinaptinmi Pilatopa kamachisqan runakuna paykunata wañurachirqa —nispa.

² Chaymi Jesusñataq nirqa: —¿Creenkichikchu Galilea lawpi wakin runakunamantapas astawan huchasapa kasqankurayku chayna wañuchisqa kasqankuta?

³ Nikichikmi manam chaynachu. Huchaykichikmanta mana wanakuspaqa qamkunapas chaynam wañunkichik.

⁴ ¿Siloe llaqtachapi torrem tuñiykuspan chunka pusaqniyoq runakunata wañurachirqa? ¿Creenkichikchu Jerusalenpi runakunamantapas paykunaqa aswan huchasapa kasqankuta?

⁵ Nikichikmi manam chaynachu. Huchaykichikmanta mana wanakuspaqa qamkunapas chaynam wañunkichik.

Mana ruruyoq higos sachamanta

⁶ Jesusmi rikchanachispan nirqa: —Huk runapa uvas huertanpim higos sacha karqa. Rurunta maskaptinñataqmi mana karqachu.

⁷ Chaymi huerta cuidaqta nirqa: “Kimsa watañam kay sachapa rurun maskasqay ichaqa manam kanchu. Kuchuruyña amaña kichkichakunanpaq” nispa.

⁸ Hinaptinmi chay cuidaqñataq nirqa: “Señor, kay watatawanraqyá dejaykuy. Muyuriqninta aspiruspaymi wanuta hinarusaq.

⁹ Icharaqpas rurunman, mana chayqa kuchurachinkiñachiki.”

Onqoq warmita samana punchawpi Jesus sanoyarachisqanmanta

¹⁰ *f**Samana punchawpim *f**huñunakunanku wasipi Jesus yachachichkarqa.

¹¹ Chaypim kachkarqa chunka pusaqniyoq wataña onqoq warmi. Kurkunpalla puriqta demonio ruraruptinmi derecho puriytaqa mana atirqachu.

¹² Payta Jesus rikuruspanmi qayaykuspa nirqa: —Mamáy, sanoñam kanki —nispa.

¹³ Makinta hawanman churaykuptillanmi derechakuruspan Diosta alabarqa.

¹⁴ *f**Huñunakunanku wasipi jefeñataqmi *f**samana punchawpi Jesus sanoyarachiptin runakunata nirqa: —Soqta punchawmi llamkanapaq punchawkunaqa. Chay punchawkunapi hamuptikichikyá sanoyachisunkichik, ichaqa ama samana punchawpichu —nispa.

¹⁵ Hinaptinmi Señorñataq contestarqa: —Iskay uya runakuna, qamkunapas *f**samana punchawpim buesnikichikta otaq asnoykichikta paskaspa yakuman pusankichik.

¹⁶ Abrahampa mirayninmanta kaq kay warmitam chunka pusaqniyoq wataña *f**Satanas ñakarichirqa. Chaychu samana punchawña kachkaptinpas mana sanoyaykachiyman.

¹⁷ Chaynata niptinmi lliw enemigonkuna penqaypi rikurirurqaku. Runakunañataqmi admirakuypaq tukuy rurasqankunata qawaspanku anchallataña kusikurqaku.

Mostaza muhuwan rikchanachisqanmanta

¹⁸ Jesusmi nirqa: —¿Imaynataq Diospa munaychakusqanqa? ¿imawantaq tupanachiyman?

¹⁹ Diospa munaychakusqanqa rikchakun huk runapa tarpusqan mostaza muhumanmi, montearunankama wiñaruptinmi silguerokunapas kallmankunapi *f**qesachakun.

Qonchuwan rikchanachisqanmanta

²⁰ Jesusmi huk rikchanachiytawan nirqa: —¿Imawantaq tupanachiyman Diospa munaychakusqantaqa?

²¹ Rikchakunqa huk warmi kimsa tupu harinata chapuruptin poqorachiq qonchumanmi.

Kichki punkumanta

²² Jerusalenman Jesus rispanmi llaqtakunapi hinaspa llaqtachakunapi yachachirqa.

²³ Chaymi huk kaqnin tapurqa: —Señor ¿asllachum salvakunqaku? —nispa. Chaymi payñataq nirqa:

²⁴ —Achkaqmi yaykuyta munanqaku aswanqa manam atinqakuchu, chaynaqa kichki punkun yaykuytayá procuraychik.

²⁵ Punkuta wasiyoq wichqaruptinmi hawamanta takaspa: “Señor, kichaykamullawayku” ninkichik chaymi payñataq nimusunkichik: “Manam reqsikichikchu, maylawmanta kaqchá kankichikpas” nispa.

²⁶ Hinaptinmi qamkunañataq ninkichik: “Señor, qanwanmi mikurqanikupas, upyarqanikupas, plazaykupitaqmi yachachirqankipas” nispa.

²⁷ Hinaptinmi payñataq nimusunkichik: “Manam reqsikichikchu, maylawmanta kaqchá kakunkichikpas, qayllaymanta asuychik mana allin ruraqkuna” nispa.

²⁸ Hawaman qarqoramusuptikichikmi Abrahamta, Isaacta, Jacobta hinaspa willakuqkunata Diospa munaychakusqanpi qawarispa waqankichik. Mana ima rurayta atispam kiruykichiktapas kirichichichinkichik.

²⁹ Diospa munaychakusqanpi tiyaspa mikunankupaqmi hamunqaku tukuy hinastinmanta.

³⁰ Qepa kaqkunam puntanqaku, punta kaqkunañataqmi qepanqaku.

Jerusalenpi yachaqkunamanta Jesuspa waqasqanmanta

³¹ *f**Fariseokunapas chay horallapim Jesusman chayaruspanku nirqaku: —Herodesmi wañurachisunaykipaq munapayasuchkanki, pasakuy kaymanta —nispa.

³² Chaymi Jesusñataq nirqa: —Rispaykichik chay atoqta nimuychik: “Kay punchawkunapiraqmi demoniokunata qarqospay onqoqkunata sanoyachisaq. Kay-kay punchawkunañataqmi ruranayta tukusaq.”

³³ Kay punchawkunapiqa rinaypunim maymi rinayta. Diosmanta willakuqqa manam wañunmanchu Jerusalenmanta hawapiqa.

³⁴ —¡Jerusalen, Jerusalen! ¡Qamqa Diosmanta willakuqkunatam wañuchinki! ¡Qanman kachamusqa runakunatam rumiwan chamqapanki! Rapran ukupi chiwchinkunata wallpa huñuykuq hinam achka kutita munarqani runaykikuna huñuykuyta ichaqa manam munarqankichu.

³⁵ Chayraykum wasikichik chunninqa. Nikichikmá, manañam rikuwankichikñachu: “Alabasqayá kachun Señorpa sutinpi hamuqqa” nispa niwanaykichikkama.