Levítico 25 - Quechua Ayacucho Bible 1987

Mana tarpuna watamantawan chakra kutichina watamanta

^1-2 Israelpa mirayninkunaman ninanpaqmi Moisesta Tayta Dios Sinai Orqopi kaynata nirqa: —Qonay allpaman yaykuspaqa ñoqa Tayta Diospaqmi chay allpata samachinkichik.

³ Soqta watam chakrapiqa tarpunkichik. Soqta watataqmi uvas plantaykichikkunatapas kallmankichik hinaspam cosechankichik.

⁴ Qanchis kaq watapim ichaqa chay chakraqa ñoqa Tayta Diospaq samanqa. Chay watapiqa amam tarpunkichikchu amataqmi uvas plantakunatapas kallmapankichikchu.

⁵ Qanchis kaq watapi kikillanmanta wiñamuq kawsaykunataqa amam rutunkichikchu, uvas huertaykichikpi ruruq uvastapas amam pallankichikchu. Chay wataqa kanqa chakraykichikpa samanan watam.

⁶ Samasqan watapi chay allpapa rurunkunaqa haypanqam mikunaykichikpaq, haypanqataqmi sirvientikichikkunapaqpas, llamkapakuq runakunapaqpas chaynataq qamkunawan *f**yachaq forasterokunapaqpas.

⁷ Haypanqataqmi animalnikikunapa mikunanpaqpas chaynataq purun animalkuna mikunanpaqpas. Allpaykipi kikillanmanta imapas qespiqqa mikunapaqmi kanqa.

⁸ —Yupankim qanchis kutikama qanchis watakunata, chaymi kanqa tawa chunka isqonniyoq watakuna.

⁹ Qanchis kaq killapa chunka punchawninpim otaq Hucha Pampachana Punchawpim cornetata tocankichik. Chaytaqa rurankichik enteron nacionnikichikpim.

¹⁰ Pichqa chunka wata kaqtam ñoqapaq sapaqchankichik. Chay wataqa kanqa libre kacharina watam naciopi *f**yachaq llapallan runakunapaq. Chay wataqa kanqa Jubileo Watam. Chay watapiqa sapakamam kutikunkichik chakraykichikman chaynataq familiaykichikmanpas.

¹¹ Chay pichqa chunka wataqa kanqa qamkunapaqmi Jubileo Wata, chay watapiqa amam tarpunkichikchu nitaqmi cosechankichikchu kikillanmanta wiñaq kawsaykunataqa. Amataqmi pallankichikchu mana kallmapasqa uvaskunapa ruruntapas.

¹² Chay wataqariki Jubileo Watam, chaynaqa ñoqapaq sapaqchasqa watapaqmi hapinkichik. Chakrapi kikillanmanta qespiqkunataqa mikunkichikmá.

¹³ —Chay Jubileo Watapiqa sapakamam mosoqmanta dueñochakunkichik chakraykichikta.

¹⁴ Pipas chakranta rantikuspaqa otaq rantispanqa amam engañanqachu runamasinta.

¹⁵ Chay chakra rantiq runaqa paganqa Jubileo Watamanta yupaspam, chaynataqmi rantikuqninpas mañanqa precionta haykataraqmi cosecha qespinanta yupaykuspa.

¹⁶ Achka wataraq cosecha qespinan kaptinqa chakrapa precionmi achka kanqa. Pisi watakunallaña tarpunanpaq kaptinqa precionpas menosllañam kanqa. Chakrapa precionqa kanqa hayka cosecha horqona kasqanman hinam.

¹⁷ —Amam runamasikitaqa engañankichu aswanqa Diosnikichiktam respetawankichik. Ñoqaqa yupaychasqaykichik Tayta Diosmi kani.

¹⁸ Cumpliychik decretoykunata, kasukuychik reglamentoykunata. Chaykunata cumplispaqa qonay allpapim hawkalla kawsakunkichik.

¹⁹ Allpaykichikmi rurunqa hinaptinmi qamkuna mikunkichik saksanaykichikkama. Hinaptinmi chay allpapi hawkalla kawsakunkichik.

²⁰ —Ichapas niwaqchik: “Qanchis kaq watapi mana tarpuchkaspaqa nitaq imatapas cosechachkaspaqa ¿imatataq mikusaqku?” nispa.

²¹ Chay soqta kaq watapiqa ñoqam bendecisqaykichik hinaptinmi kimsa watapaqña haypaqta cosechankichik.

²² Soqta kaq watapi cosechasqaykichiktam mikunkichik pusaq kaq watapi tarpunaykichikkama. Chay waqaychasqaykichiktamá mikunkichik isqon kaq watapi cosecha chayamunankama.

²³ —Allpataqa amam wiñaypaqqa *f**rantikunkichikchu. Allpaqa ñoqapam. Qamkunaqa forastero otaq samapakuqniy hinallam kankichik.

²⁴ Llapallan dueñoyasqayki chakrakunata pipas reclamakuptinqa derechotam qonkichik reclamakunanpaq.

²⁵ —Sichu castamasiki wakchayaruspan *f**rantikurusunki huk kaqnin chakranta hinaptinqa huk kaqnin ayllunmi pagaspan chay wakcha runapaq reclamapunqa.

²⁶ —Sichu chay *f**rantikuq runapa mana kanqachu piyninpas chay allpan reclamananpaq hinaptinqa kikinñam huñusqan qollqewan reclamakunqa.

²⁷ Chayna kaptinqa rantikusqan watamanta qallarispam yupanqa hayka watañam pasarusqanta hinaspam faltaq watakunapi cosechananta tanteaykuspan pagapunqa hinaspañam chay chakrantaqa kutichikunqa.

²⁸ Aswanqa chay chakranta kutichikunanpaq qollqeta mana tariptinqa chay chakram quedanqa rantiqninpa makinpi, chaynaqa kanqa Jubileo Wata chayamunankamam. Chay watapiñam chay chakraqa kacharisqa kanqa ñawpaq kaq dueñonman kutinanpaq.

²⁹ —Sichu pipas *f**rantikurunqa murallasqa llaqta ukupi wasita hinaptinqa huk watapunim plazo kanqa kutichikunanpaq. Wata pasaruptinqa manañam kutichinmanñachu.

³⁰ Chay watantinpuni mana kutichikuptinqa chay wasim quedanqa rantiqninpa makinpiña chaynataq mirayninkunapa makinpiña wiñaypaq. Manam kutichikunmanñachu Jubileo Watapipas.

³¹ Mana murallasqa llaqtakunapi wasikunam ichaqa kanqa chakrakuna hina. Chay wasikunaqa reclamanapaq derechoyoqmi kanqa chaynataqmi Jubileo Watapipas kutichipusqataq kanman.

³² —Leviy castakunapa *f**yachasqan llaqtankupi *f**rantikusqa wasinkutam ichaqa ima tiempopipas reclamanmanku.

³³ Leviy casta runa chay wasita reclamaspaqa Jubileo Wata chayaramuptinmi yachasqan wasimanta lloqsiruspan rinqa wasinpa kasqan llaqtaman. Israelpa mirayninkuna ukupiqa Leviy castapa kapuqninqa llaqtankupi kaq wasillankum.

³⁴ Leviy castakunapa llaqtankupa muyuriqninpi echaderonkutapas manam *f**rantikunmankuchu. Chaykunaqa wiñaypaqmi paykunapaq kanqa.

³⁵ —Sichu castamasiki wakchayaruspan qamkuna ukupi mana yanapaqniyoqña rikuriruptinqa paytam yanapaykunki. Forastero otaq samapakuq hinañam payqa wasikipi kawsanqa.

³⁶ Chay wakcha runamantaqa amam ima interestapas chaskinkichu aswanqa ñoqa Diosnikitam respetawanki. Chay castamasikiqa wasikipimá yachanqa.

³⁷ Amam qollqekitapas prestankichu miraynillanpaqqa, amataqmi mikuytapas qonkichu imapas interesllanpaqqa.

³⁸ Yupaychasqaykichik ñoqa Tayta Diosmi horqomurqaykichik Egipto nacionmanta Canaan allpata qonaypaq hinaspa Diosnikichik kanaypaq.

³⁹ —Sichu castamasiki wakchayaruspan kikintapas qanman *f**rantikurusuptikiqa amam paywan servichikunkichu sirvientewan hinaqa.

⁴⁰ Llamkapakuqta otaq samapakuqta hinallam paywanqa ruranki. Jubileo Wata chayamunankamallam payqa llamkapakusunki.

⁴¹ Chay watapiñam libre lloqsikunqa churinkunapiwan, payqa kutikunqa castankunapa kasqanmanmi chaynataq abuelonkunapa herencia chakranmanmi.

⁴² Paykunaqa Egipto nacionmanta horqomusqay serviqniykunam, sirviente hinaqa manam *f**rantikusqaqa kanmankuchu.

⁴³ Ama ñakarichispallam paykunawanqa servichikunki. Ñoqa Diosnikitam respetawanki.

⁴⁴ —Sirvienteyoq otaq sirvientayoq kayta munaspaykiqa muyuriqniki nacionkunamantam rantinki.

⁴⁵ Rantiwaqchiktaqmi qamkunawan *f**yachaq forasterokunatapas chaynataq nacionnikichikpi paykunapa ayllunmanta naceqkunatapas chaynapi qamkunapaqña kanapaq.

⁴⁶ Chay sirvientekunatam herenciata hina churikichikkunaman saqenkichik hinaspam paykunawan tukuy tiempo servichikunkichik. Castamasikichik Israelpa mirayninkunawanmi ichaqa ama ñakarichispalla servichikunkichik.

⁴⁷ —Sichu qanwan *f**yachaq forastero apuyarunman hinaptin paywan yachaq huk kaqnin castamasikiñataq wakchayarullanman hinaspañataq sirviente kananpaqña kikinta *f**rantikurunman chay qanwan yachaq forastero runaman otaq chay forasteropa ayllunman

⁴⁸ hinaptinqa rantikusqaña kachkaptinpas payqa derechoyoqmi reclamasqa kananpaq. Paytaqa huk kaqnin ayllunmi reclamanman.

⁴⁹ Chay reclamaqninqa kanmanmi tionpas otaq primonpas otaq huk kaqnin familianpas. Qollqen kaptinqa kikillanpas reclamakunmanmi.

⁵⁰ Haykatam pagapunanpaqmi rantiqnin runawan tanteanakunqa kikinta *f**rantikurusqan watamanta qallarispan Jubileo Watakama. Haykam pagananqa kanqa hayka watañam servisqan watakunaman hinam. Jubileo Wataman chayananpaq faltaqraq watakunamantam paganqa llamkapakuqpa sapa punchaw ganasqanta hina.

⁵¹ Sichu faltanqa achka wataraq libre kanan Jubileo Watapaq hinaptinqa chayman hinam qollqenta kutichipunqa rantiqnin runaman.

⁵² Sichu faltanqa pisi watakunallaña Jubileo Watapaq hinaptinqa reclamasqa kananpaqmi tanteaykuspan kutichipunqa qollqenta chay rantiqnin runaman.

⁵³ Chay sirviente runaqa watan-watan llamkapakuq hinallam kanqa. Chay sirviententa rantiqnin ñakarichinantaqa amam permitinkichikchu.

⁵⁴ —Pi sirvientepas chayna formakunapi mana reclamasqa kaspaqa Jubileo Wata chayaramuptinñam libre lloqsikunqa churinkunapiwan kuska.

⁵⁵ Israel casta runakunaqariki sirvienteykunam, paykunataqa sirvientey kasqanraykum Egipto nacionmanta horqomurqani. Ñoqaqa kani yupaychasqaykichik Tayta Diosmi.