Jueces 9 - Quechua Ayacucho Bible 1987

Abimelecpa gobiernasqanmanta

¹ Jerobaalpa churin Abimelecmi mamanpa castankunapa kasqan Siquem llaqtaman rirqa hinaspam rimanakamurqaku mamanpa llapallan familiankunawan kaynata:

² Ama hina kaspayá Siquem llaqtapi llapallan kamachikuqkunata kaynata niychik: “¿Mayqantataq munawaqchik, Jerobaalpa llapallan qanchis chunka churinkuna gobiernasunaykichiktachu icha ñoqalla gobiernanaytachu? Amayá qonqaychikchu ñoqaqa qamkunapa aylluykichik kasqayta” nispa.

³ Siquem llaqtapi kaq llapallan kamachikuqkunaman tukuy kay palabrakunata mamanpa castan runakuna Abimalecpa favorninpi rimaruptinmi chay llaqtapi runakuna ratakuykurqa Abimelecman: “Payqa ayllunchikmi” nispa.

⁴ Medio kilo masnin qollqeta Baal-beritpa templonmanta Abimelecman qoykuptinkum chaywan contratarurqa yanqa puriq qella runakunata, chay runakunataqa contratarurqa payta puriysinanpaqmi.

⁵ Chaymi Ofra llaqtapi *f**yachaq taytanpa ayllunkunaman Abimelec rispan Jerobaalpa qanchis chunka qari churinkunata otaq wawqenkunata wañurachirqa huk rumipa hawallanpi, Jerobaalpa sullka churin Jotanmi ichaqa mana wañururqachu pakakurusqanrayku.

⁶ Siquem llaqtapi llapallan *f**yachaqkunam huñunakururqaku Milo barriopi llapallan kaqkunapiwan hinaspam rispanku Abimelecta reypaq churarurqaku Siquem llaqtapi otaq encina sachapa hichpanpi, chaytaqa rurarqaku adorasqanku pilarpa ladonpim.

⁷ Jotanman willaykuptinkum pasarqa Gerezin Moqopa puntanman hinaspam chaymanta qayakamurqa kaynata: —Siquem llaqtapi kamachikuqkuna, uyariwaychik, qamkunatapas Diosyá uyarisunkichik.

⁸ —Huk kutipis sachakuna kikinkupaq reyta akllayta munaspanku aceitunas sachata nisqaku: “Qamyá gobiernawayku” nispa.

⁹ Chaysi aceituna sachañataq nisqa: “¿Aceite qonaytachu dejaruyman sachakunata gobiernanaypaq? Chay aceitewanmi Diospas chaynataq runakunapas honrasqa kanku” nispa.

¹⁰ Hinaptinsi sachakunaqa nisqaku higos sachataña: “Qamñayá gobiernawayku” nispa.

¹¹ Hinaptinsi higos sachañataq nisqa: “¿Allin miski ruruytachu dejaruyman sachakunataña gobiernanaypaq?” nispa.

¹² —Chaymantas sachakunaqa nisqaku uvas sachataña: “Chaynaqa qamñayá gobiernawayku” nispa.

¹³ Hinaptinsi uvas sachañataq nisqa: “¿Diostapas chaynataq runakunatapas kusichiq vinoytachu dejaruyman sachakunataña gobiernanaypaq?” nispa.

¹⁴ —Hinaptinsi llapallan sachakunaqa qotu-qotutaña nisqaku: “Qamñayá gobiernawayku” nispa.

¹⁵ Hinaptinsi qotu-qotuqa nisqa: “Cheqaptapuni gobiernanaypaq churaruwaspaykichikqa hamuspayá ñoqapi llantukuychik, mana chayna kaptinqa ñoqamanta nina lloqsiruspanyá Libanopi cedrokunata ruparuchun” nispa.

¹⁶ —Kunanyá tapusqaykichik: ¿Abimelecta reypaq churaspaykichikqa allin rurayman hinachu rurarunkichik? ¿Jerobaaltapas chaynataq ayllunkunatapas allintachu rurarunkichik? ¿Paypa rurapususqaykichikman hinachu pagarunkichik?

¹⁷ Taytayqariki qamkunarayku peleaspanmi vidantapas peligroman churarqa Madian casta runakunamanta librasunaykichikpaq,

¹⁸ qamkunañataqmi taytaypa ayllunkunapa contranpi kunan hatarirunkichik hinaspam huk rumipa hawallanpi qanchis chunka qari churinkunata wañurachinkichik hinaspam Siquem llaqtapi *f**yachaq runakunapa gobiernaqninpaqña churarunkichik taytay Jerobaalpa sirvientanpa wawan Abimelectapas, chaynataqariki rurarunkichik aylluykichik kasqanraykum.

¹⁹ Sichu allin rurayman hina taytay Jerobaalwan hinaspa ayllunkunawan kunan ruraspaykichikqa chay Abimelecwanyá kusikuychik, paypas qamkunawantaqyá kusikuchun.

²⁰ Mana chayna kaptinqa Abimelecmanta nina lloqsiramuspanyá ruparuchun Siquem llaqtapi runakunatawan Milo barriopi *f**yachaqkunata, chay llaqtamantapas nina lloqsiramuspanyá Abimelectapas ruparuchun.

²¹ Chaynata niruspanmi Jotamqa lluptikurqa Beer llaqtaman, chaypiqa *f**yacharqa wawqen Abimelecmanta pakakunanpaqmi.

²² Chaynapim Abimelecqa Israel casta runakunapi kimsa wataña munaychakurqa.

²³ Ichaqa mana allin espirituta Abimelecmanwan Siquem llaqtapi *f**yachaqkunaman Dios kachaykuptinmi Abimelecta paykuna traicionarurqa.

²⁴ Chaynataqa Diosmi rurarqa Jerobaalpa qanchis chunka qari churinkunata Abimelec wañurachisqanrayku, chaynataqa rurarqa wawqenkunata wañurachiq Abimelecta vengakunanpaqmi chaynataq Siquem llaqtapi yachaqkunatapas yanapasqankumanta vengakunanpaqmi.

²⁵ Siquem llaqtapi *f**yachaqkunam orqokunapa puntanpi churarurqaku wateqaqkunata, chaykunapiqa churarurqaku llapallan ñannin pasaqkunata suwanankupaqmi, chaykunamantam Abimelecman willarqaku.

²⁶ Huk punchawmi Ebedpa churin Gaal sutiyoq runa wawqenkunawan pasarqa Siquem llaqtaman hinaptinmi Siquem llaqtapi *f**yachaqkuna confiakurqaku paypi.

²⁷ Chay Siquem llaqtayoqkunam chakraman rispanku uvasninkuta pallarqaku hinaspam uvasta saruspa fiestata rurarqaku, diosninkupa templonman yaykuspanmá mikuspa hinaspa upyasqa Abimelecta ñakarqaku.

²⁸ Ebedpa churin Gaalmi nirqa: —¿Pitaq Abimelecqa Siquem llaqtapi yachaqkuna payta servinanchikpaq? ¿Manachum payqa Jerobaalpa churin? ¿Manachum Zebulpas paypa yanapaqnin? Siquempa taytan Hamorpa castankunatayá servispaqa serviychik, amayá servisunqa Abimelectachu.

²⁹ Amalaya qamkunapi munaychakuq rikuriruyman, chayna kaptinqa Abimelecta qarqoruspaycha niyman: “Tropaykikunata yapaspayá peleananchikpaq lloqsimuy” nispa.

³⁰ Ebedpa churin Gaalpa rimasqankunata llaqtapi gobernador Zebul uyariruspanmi sinchita piñakururqa.

³¹ Chaymi mana pipapas yachasqallanta willakuqkunata kacharqa Abimelecman kaynata nimunankupaq: —Ebedpa churin Gaalmi wawqenkunapiwan hamurunku kay Siquem llaqtaman hinaspankum runakunata hatarichichkanku qampa contraykipi.

³² Chaynaqa kunan tutayá qanwan kaq soldadokunapiwan rispa wateqaqkunata churamuy chakrakunapi

³³ hinaspayá paqarin inti qespimuytaña llaqtaman pasaykuy chaynapim runankunapiwan contraykipi Gaal lloqsimuptin munasqaykiman hina ruranki —nispa.

³⁴ Chaynapimá Abimelecqa llapallan tropankunapiwan tutan rispanku tawaman rakinasqa Siquem llaqtata wateqarqaku.

³⁵ Llaqtapa punkunman Ebedpa churin Gaal lloqsiramuptinmi Abimelecpas llapallan tropankunapiwan pakakusqankumanta lloqsiramurqaku.

³⁶ Chaymi tropakunata Gaal qawaykuspan Zebulta nirqa: —Qaway, orqokunapa puntanmantam runakuna uraykamuchkan —nispa. Hinaptinmi Zebulñataq nirqa: —Qamqa rikuchkanki orqokunapa llantuynintam runakunata hina —nispa.

³⁷ Chaymi Gaalñataq huktawan nirqa: —Qaway, runakunam uraykamuchkan Allpapa Puputin sutiyoq orqomanta, wakin tropañataqmi hamuchkan Adivinaqkunapa Encina Sachan sutiyoq ñanninta —nispa.

³⁸ Hinaptinmi Zebulñataq nirqa: —¿Maytaq tukuy rimasqaykiqa? Qamqariki nirqanki: “¿Pitaq Abimelecqa payta servinanchikpaq?” nispam ¿Manachu paykunaqa mana kaqllapaq hapisqayki runakuna? Chaynaqa kunan lloqsispayá peleamuy —nispa.

³⁹ Hinaptinmi Siquem llaqtapi *f**yachaqkunata pusaspa Gaal lloqsirqa Abimelecpa contranpi peleamunanpaq.

⁴⁰ Ichaqa Gaalta Abimelec qatiptinmi paypa qayllanmanta lluptirurqa chaymi Siquem llaqtapa zaguan punkunpipas achkaq wañururqaku.

⁴¹ Abimelecmi qeparurqa Aruma sutiyoq sitiopi Gaaltawan ayllunkunatañataqmi Zebul qarqorurqa manaña Siquem llaqtapi *f**yachananpaq.

⁴² Paqarinnintin punchaw Siquem llaqtayoq runakuna campoman lloqsiruptinkum Abimelecman willamurqaku

⁴³ chaymi payqa tropankunata kimsaman rakiruspa campopi wateqarqaku. Runakuna Siquem llaqtamanta lloqsiramuptinmi pakakusqankumanta lloqsiramuspanku paykunawan pelearqaku.

⁴⁴ Abimelecmi paywan kaq tropakunapiwan pasaspa llaqtapa punkunta dueñochakururqaku, iskayman rakinasqa wakin tropakunañataqmi campopi kaqman pawaykuspanku lliwta wañurachirqaku.

⁴⁵ Abimelecqa tukuy punchawmá Siquem llaqtapa contranpi pelearqa, chay llaqtata dueñochakuruspanmi chaypi runakunatapas wañurachirqa, llaqtatapas purmarachispanmi kachitaraq maqchiykurqa.

⁴⁶ Siquem llaqtapa torrenpi llapallan kaqkuna Abimelecpa rurasqanta uyariruspankum El-berit taytachapa templonpa torrenman yaykururqaku.

⁴⁷ Chay Siquem llaqtapa torrenpi llapallan *f**yachaqkuna huñunakurusqankutam Abimelecman willaykurqaku.

⁴⁸ Hinaptinmi payqa Salmon Orqoman rirqa llapallan tropankunapiwan hinaspam sachapa kallmanta hachawan kuchuruspa hombrokuykurqa hinaspam runankunata nirqa: —Rurasqayta hina apurawman ruraychik —nispa.

⁴⁹ Chaynapimá llapallan tropankunapas sapakama sachapa kallmankunata kuchuspanku Abimelecta qatirqaku Siquem llaqtapa torrenkama, chay torrepa muyuriqninman kallmakunata montoykuspankum chay torreta kañaykurqaku. Chaynapim Siquem Torrepi llapallan kaqkuna warmipas-qaripas wañururqaku yaqa waranqa runakuna.

⁵⁰ Abimelecqa rirqataqmi Tebes llaqtamanpas hinaspam chay Tebes llaqtata muyuruspan dueñochakururqa.

⁵¹ Chay llaqtapa chawpinpim karqa qaqay-qaqay torre, chaymanmi lluptikurqaku llapallan qarikuna, warmikuna chaynataq llaqtapi llapallan *f**yachaqkunapas hinaspam punkukunata wichqakuruspanku torrepa hawanman seqarurqaku.

⁵² Hinaptinmi Abimelecñataq peleastin torrepa punkunman chayarurqa. Kañaykunanpaq kachkaptinñam

⁵³ huk warmi pakisqa tunaw rumita kachaykamurqa Abimelecpa umanman hinaptinmi umanta pakirurqa.

⁵⁴ Chaymi arman apaq soldadonta apurawllamanña nirqa: —Espadaykita horqospa wañurachiway, yanqam “Warmim wañurachin” nispa ninmanku. Hinaptinmi arman apaq runa espadawan pasarachiptin wañururqa.

⁵⁵ Abimelecta wañusqataña Israel casta tropakuna qawaykuspankum sapakama wasinkuman kutikurqaku.

⁵⁶ Chaynatamá Abimelecman Dios pagarqa, taytanpa contranpi mana allinta ruraspa qanchis chunka wawqenkuna wañurachisqanmanta.

⁵⁷ Siquem llaqtayoq llapallan runakunapa tukuy mana allin rurasqantam Dios kikinkupa hawanman kutichipurqa, Jerobaalpa churin Jotampa ñakasqanmá paykunapiqa cumplikurqa.