Jueces 5 - Quechua Ayacucho Bible 1987

Diosta Deborawan Barac alabasqankumanta

¹ Chay punchawpim Deborawan Abinoampa churin Barac takirqaku kaynata:

² Israel casta runakunapa jefenkunam kamachinankupaq listollaña churakururqaku. ¡Chayraykuyá Tayta Diosta alabaychik! Runakunam peleanankupaq ofrecekurqaku. ¡Chayraykuyá Tayta Diosta alabaychik!

³ ¡Yaw reykuna, uyariwaychikyá! ¡Yaw gobiernaqkuna, atiendewaychikyá! Ñoqam Tayta Diosman takisaq. Israelpa yupaychasqan Tayta Diosmanmi takisaq.

⁴ Dios Taytalláy, Seir Orqomanta lloqsimuptikim, Edom nacion pampamanta pasakuptikim allpa katkatatarqa. Cielokunam parachimurqa. Puyukunam parachimurqa.

⁵ Orqokunam Tayta Diospa qayllanpi mastarikururqa. Sinai Orqopas paypa qayllanpim mastarikururqa. Israelpa yupaychasqan Tayta Diospa qayllanpim mastarikururqa.

⁶ Anatpa churin Samgarpa tiemponkunapim manaña ñannintapas purirqakuchu. Jaelpa tiemponkunapim manaña ñannintapas viajarqakuchu. Illaqkunam llutan ñanninkunataña purirqaku.

⁷ Israel nacionpi chakra runakunam qonqasqa karqaku. Qonqasqaqa karqaku ñoqa Debora hatarinaykamam, Israel nacionpa maman hina hatarinaykamam.

⁸ Mana reqsisqanku dioskunatam paykunaqa akllakuykurqaku. Hinaptinmi llaqtakunapa punkunpiña kachkarqa guerrapas. Israel casta tawa chunka waranqa runakunapiqa manam karqachu huk lanzallapas. Paykunapiqa manam karqachu huk harkachikunallapas.

⁹ Israel casta runakunapa jefenkunawanmi ñoqaqa kusikuchkani. Kikillankumanta yanapakuqkunawanmi ñoqaqa kusikuchkani. Qamkunaqa Tayta Diostayá yupaychaychik.

¹⁰ Yuyaymanaychikyá, yuraq asnopi sillakuqkuna. Yuyaymanaychikyá, pellonpi tiyaqkuna. Yuyaymanaychikyá, chakillawan illaqkuna.

¹¹ Yakupa kananpi yaku qoqkunapa kasqanpiyá yuyaymanaychik. Paykunaqa chakra llaqtachakunapim vencesqanmanta willakunku. Tayta Diospa runankunam llaqtapa punkunkunaman rirqaku.

¹² ¡Rikchariy Debora, rikchariy! ¡Rikcharispaykiyá takiy takikunata! Abinoampa churin Barac, hatarispayá pusay presoykikunata.

¹³ Israel casta runakunamanta puchuq jefekunam uraykamurqaku. Tayta Diospa runankunam kallpasapa soldadokuna hina ñoqaman uraykamurqaku.

¹⁴ Amalec casta runakunata venceq Efrain ayllum hamurqa. Hina qepantañataqmi Benjamin ayllu hamurqa. Hamurqakumá Maquir castamantapas jefekuna. Hamurqakumá Zabulon ayllumantapas kamachikuqkuna.

¹⁵ Isacar ayllumanta kamachikuqkunapas ñoqa Deborawanmi rirqaku. Isacar ayllu runakunapas ñoqa Baracwanmi karqaku. Ñoqapa qepaytamá qechwaman kallparqaku. Ruben ayllupa *f**yachasqanpipas sinchillatañam tanteanakurqaku.

¹⁶ ¿Imanasqataq qeparurqankichik ovejakunapa kanchanpiqa? ¿Imanasqataq qeparurqankichik michiqkunapa ovejankuna qayasqanta uyarinaykichikpaqqa? Ruben ayllupa yachasqankupipas sinchillatañam tanteanakurqaku.

¹⁷ Galaad casta runakunam Jordan Mayupa chimpanpi qeparamurqaku. Dan ayllu runakunam buquekunapa waqtanpi qeparamurqaku. Aser ayllu runakunam lamar qochapa patanpi qeparamurqaku. Paykunaqa buquekuna sayananpim qeparamurqaku.

¹⁸ Zabulon ayllu runakunaqa wañuytapas manam manchakurqakuchu. Neftaliy ayllu runakunaqa moqokunapi wañuytapas manam manchakurqakuchu.

¹⁹ Reykunam Taanac llaqta lawman hamuspanku pelearqaku. Canaan allpapi reykunam Meguido yakukunapa hichpan Taanacpi pelearqaku. Aswanqa manam ima qollqetapas ganarqakuchu.

²⁰ Cielokunapi lucerokunam pelearqaku. Maymi kasqanmantam Sisarapa contranpi pelearqaku.

²¹ Cison sutiyoq wayqopi lloqllam paykunataqa aparurqa. Cison sutiyoq wayqopi ñawpaq lloqllam tropankunata aparurqa. Atiywanmi ñawpaqman risaq ñoqallayqa.

²² Caballokunapa kallpasqanmi nisyullataña uyarikurqa. Kallpasapa aguilillokunapa kallpasqanmi uyarikurqa.

²³ Tayta Diospa angelninmi nin: “Meroz llaqtapi *f**yachaq runakunatayá ñakaychik. Chaypi yachaqkunatayá llumpayllataña ñakaychik. Tayta Diosta yanapaqnin mana hamusqankumantayá ñakaychik. Soldado hina yanapaqnin mana hamusqankumantayá ñakaychik.”

²⁴ Cain casta Heberpa warmin Jaelqa llapa warmikunamanta aswan bendecisqayá kachun. Karpapi *f**yachaq warmikunamantapas aswan bendecisqayá kachun.

²⁵ Yakuta Sisara mañakuptinmi Jaelqa lecheta qoykurqa. Sumaqllaña tazonpim llukllusqa lecheta qoykurqa.

²⁶ Huknin makinwanmi estacata hapiykurqa. *f**Alleq makinwanñataqmi llamkaqpa mazonta hapiykurqa. Hinaspam Sisarata umanpi estacarurqa Umanta pakiruspam sentidonta pasarachirqa.

²⁷ Chaynapim Sisaraqa qepichakururqa Jaelpa chakinkunapi. Qepichakuruspanmi ankallarurqa chayllapi. Wañururqamá maymi qepichakurusqanpi.

²⁸ Sisarapa mamanmi ventanamanta qawarqa. Ventanapa rejillasninta qawaspam nirqa: “¿Imanasqataq wawaypa guerra carretanqa mana chayamunchu? ¿Imanasqataq guerra carretankunaqa mana uyarikunchu?”

²⁹ Aswanqa yuyayniyoq señorakunam nirqa. Chaynataqmi kikillanpas nikurqa: “Segurochá maskachkanku qechunankupaq kaqta. Otaqchá rakinakuchkanku qechusqankuta.

³⁰ Sapa jefemanchá hukta otaq iskay sipasta qochkanku. Sisaramanqa colorniyoq pachatachá qochkanku. Hukta otaq iskay sumaq bordasqa telakunatachá qechuqkunapa kunkanpaq qochkanku” nispa.

³¹ ¡Dios Taytalláy, llapa enemigoykikunaqa chaynatayá wañuchun! ¡Kuyasuqnikikunayá ichaqa kancharichkaq qespimuq inti hina kachun! Chaynapimá chaylawpiqa mana guerra karqachu tawa chunka wata.