Juan 2 - Quechua Ayacucho Bible 1987

Cana llaqtapi casarakuymanta

¹ Kimsa punchaw pasaruptinmi Galilea law Cana llaqtapi karqa casamiento. Chaypim karqa Jesus chaynataq mamanpas.

² Jesustam discipulonkunatawan qayachirqaku chay casamientoman.

³ Vino pisiruptinmi Jesusta maman nirqa: —Vinom pisirun —nispa.

⁴ Chaymi Jesus nirqa: —Mamay ¿imanasqataq niwanki chaynataqa? Manaraqmi tiempoy chayamunraqchu —nispa.

⁵ Chaymi serviqkunata Maria nirqa: —Ruraychik Jesuspa imam kamachisusqaykichikta —nispa.

⁶ Soqta urpukunam kachkarqa rumimanta rurasqa, chayna urpukunapim judiokuna yakuta waqaychaq *f**chuyanchakunankupaq. Sapa urpumanmi yaku huntaq iskay-kimsa puyñu.

⁷ Chaymi serviqkunata Jesus nirqa: —Hillpuychik yakuta kay urpukunaman —nispa. Chaymi hillpurqaku huntanankama.

⁸ Chaymi Jesus nirqa: —Wisispa apaychik mayordomoman —nispa. Chaymi kamachisqanman hina aparqaku.

⁹ Yakumanta vinoyaruqta mayordomo malliykuspanmi mana yacharqachu ni maypi waqaychasqankutapas, serviqkunallam yacharqa chay vinoqa yakumanta kasqanta. Mayordomom noviota qayaykuspan nirqa:

¹⁰ —Llapa runaqa puntataqa servinku allinnin vinotam, llumpayta tomaruptinkuñam qamyantaqa qonku. Qamñataqmi allinninta waqaychasqanki qepapaqraq —nispa.

¹¹ Kay punta kaq *f**milagrotam Jesus rurarqa Galilea law Cana llaqtapi. Chaywanmi qawachikurqa atiyninta hinaptinmi discipulonkuna iñirqa payman.

¹² Chaymantam rirqa Capernaum llaqtaman mamanwan, wawqenkunawan hinaspa discipulonkunawan, chaypim *f**yacharqaku unayneq.

Templomanta negociantekunata Jesus qarqosqanmanta

¹³ Judiokunapa *f**Pascua Fiestanku hichpamuchkaptinmi Jesus rirqa Jerusalenman.

¹⁴ Templopim tarirurqa bueyeskuna, ovejakuna hinaspa palomakuna *f**rantikuq runakunata chaynataq qollqe cambiaqkunatapas.

¹⁵ Chaymi Jesus waskamanta latigota rurakuykuspa templomanta lliwta qarqorurqa ovejantinta hinaspa bueyesnintinta. Qollqe cambiaq runakunapa qollqentapas tallirurqam hinaspam mesankutapas wikaparamurqa.

¹⁶ Palomakuna *f**rantikuqkunatañataqmi nirqa: —¡Kaykunata horqowaychik kaymanta! ¡Taytaypa wasintaqa amayá qatu wasitaqa ruraychikchu! —nispa.

¹⁷ Hinaptinmi discipulonkuna yuyarirurqaku: —Sinchitam sientini Diospa wasinmantaqa —niq qellqasqata.

¹⁸ Judiokunañataqmi nirqa: —Kaykunata rurachkaspaykiqa ima *f**milagrollatapas qawachiwaykuyá derechoyoq kasqaykita yachanaykupaq —nispa.

¹⁹ Chaymi Jesus nirqa: —Tuñirachiychik kay templota hinaptinmi kimsa punchawllapi hatarirachisaq —nispa.

²⁰ Judiokunañataqmi nirqa: —Kay temploqa rurasqa karqa tawa chunka soqtayoq watapim ¿hinaptinchu qamqa kimsa punchawllapi hatarirachiwaq? —nispa.

²¹ Templomanta rimaspanqa Jesusqa nichkarqa kikinpa cuerponmantam.

²² Jesus wañukusqanmanta kawsarimuptinmi discipulonkuna yuyarirqaku chaynakuna nisqanta hinaspam creerqaku Bibliapi chaynataq Jesuspa nisqankunapipas.

Jesusqa llapallantam reqsin

²³ Jerusalenpi kaspanmi *f**Pascua Fiestapi rurarqa achkaq *f**milagrokunata chaymi achka runakuna iñirqaku Jesusman.

²⁴ Ichaqa manam confiakurqachu runakunapiqa llapankuta reqsisqanrayku.

²⁵ Manataqmi pitapas necesitarqachu pi runamanta ima ninantapas, kikin Jesusmi reqsirqa sapakama runapa sonqontaqa.