Josué 9 - Quechua Ayacucho Bible 1987

Gabaon llaqtayoq kaqkunawan contrato rurasqankumanta

¹ Jordan Mayupa kaylaw chimpanpi *f**yachaq llapallan reykunam chay guerrakunamanta uyarirurqaku. Chay reykunam karqaku orqo lawpi *f**yachaqkuna, waqtakunapi yachaqkuna, Mediterraneo sutiyoq hatun lamar qochapa patanpi yachaqkuna chaynataq Libano Orqo lawkama yachaqkuna. Paykunamá karqa Het casta runakuna, Amor casta runakuna, Canaan casta runakuna, Ferez casta runakuna, Hiv casta runakuna chaynataq Jebus casta runakuna.

² Kaykunata uyarispankumá huñunakururqaku chulla runa hinalla Josueypa chaynataq Israel castakunapa contranpi peleanankupaq.

³ Gaboan llaqtapi yachaqkunañataqmi uyarirurqaku Jerico llaqtatawan Hai llaqtata Josuey imam rurarusqanta.

⁴ Paykunaqa sacre kaywan ruraspankum comisionwan hamuq tukurqaku mawka costalkunata, mawka llikipasqa sirapasqa odrekunata asnonkuman cargakuruspa.

⁵ Hamurqakuqa mawka remendasqa *f**usutayoqmi chaynataq mawka pachayoqmi hinaspa ñanninkupaqpas chaki qoqarasqa tantayoqmi.

⁶ Hamurqakumá Josueyman Gilgal law campamentopi kachkaptin. Josueytawan Israelpa mirayninkunatam nirqaku: —Karu nacionmantam ñoqaykuqa hamuniku. Ruraychikyá ñoqaykuwan contratota —nispa.

⁷ Israel runakunam chay Hiv casta runakunata nirqaku: —Ichapas qamkunaqa hichpaykupi *f**yachankichik ¿Imaynataq qamkunawanqa contratota ruraymanku? —nispa.

⁸ Ichaqa paykunam Josueyta nirqaku: —Ñoqaykuqa serviqnikikunam kaniku —nispa. Josueymi nirqa paykunata: —¿Pitaq qamkunaqa kankichik? ¿Maymantataq hamuchkankichik? —nispa.

⁹ Paykunam nirqaku: —Ñoqaykuqa llumpay karu nacionmantam hamurqaniku yupaychasqayki Tayta Diospa ancha reqsisqa sutinrayku. Uyarirqanikum Egipto nacionpi paypa tukuy ima rurasqankunata.

¹⁰ Uyarirqanikutaqmi Jordan Mayupa waklaw chimpanpi kaq Amor casta runakunapa iskay reyninkuta tukuy ima rurasqantapas, paykunaqa karqa Hesbon llaqtapi Rey Sehonwan Astarot llaqtapi *f**yachaq Basan lawpi Rey Ogmi.

¹¹ Chayraykum ancianoykupiwan llaqtaykupi llapallan *f**yachaqkuna niwarqaku: “Ñannikichikpaq necesitasqaykichikta apaspayá riychik paykunapa kasqanman hinaspayá nimuychik: ‘Ñoqaykuqa serviqnikikunam kaniku, kunanyá contratota ñoqaykuwan ruraychik’ nispa.

¹² Kay tantaykutam wasiykumanta lloqsimusqayku punchaw apamurqaniku qonichkaqllata, kayqaya kunanqa chakiruspan qoqarachkanña.

¹³ Kay odrekunamanpas mosoqllamanmi vinota huntachimurqaniku. Kayqaya kunaqa llikipasqaña kachkan, kayqaya pachaykupas, *f**usutaykupas karu-karumanta hamusqaykurayku mawkayasqaña kachkan —nispa.

¹⁴ Chaymi runakuna paykunapa apamusqankuta qawaspanku creerurqaku. Ichaqa Tayta Diostam mana tapurqakuchu.

¹⁵ Josueymi paykunawan hawkalla kanankupaq contratota rurarqa chaynapi paykunata mana wañuchinankupaq. Huñunasqa Israel casta runakunapa jefenkunapas juramentarqakum chaynata ruranankupaq.

¹⁶ Ichaqa paykunawan contrato rurasqankupa kimsa punchawllanmantam uyarirurqaku Gabaon llaqtamanta chay runakunaqa kasqankuta, yacharurqakumá hichpankupi *f**yachaq vecinollanku kasqankuta.

¹⁷ Chayraykum Israelpa mirayninkuna lloqsiruspanku paykunapa llaqtankuman kimsa punchawpi chayarurqaku. Chay sacre runakunapa llaqtankum karqa Gabaon, Cafira, Beerot hinaspa Kiriat-jearim.

¹⁸ Ichaqa Israelpa mirayninkunam paykunata mana wañurachirqakuchu, chaynataqa rurarqaku paykunapa jefenkuna Israelpa yupaychasqan Tayta Diospa sutinpi juramentasqankuraykum. Chaymi huñunasqa Israel casta llapallan runakuna jefenkunapa contranpi rimarqaku.

¹⁹ Aswanqa llapallan jefekunam contestarqaku huñunasqa llapallan runakunata nirqaku: —Ñoqaykuqa Israelpa yupaychasqan Tayta Diosraykum juramentarqaniku. Chayraykum paykunataqa mana imanachwanpaschu.

²⁰ Paykunawanqa kaynatam rurasunchik: Paykunataqa manam wañuchichwanchu. Wañurachiptinchikqa juramento rurasqanchikraykum Tayta Diospa piñakuynin ñoqanchikpi kanman —nispa.

²¹ Israel casta jefekunaqa nirqakutaqmi: —Hinalla kawsachunku ichaqa paykunam kanqaku llapallan runakunapaq yantaq hinaspa yaku apamuq —nispa. Chaynapim jefekuna cumplirqaku prometesqankuta.

²² Josueymi Gabaon llaqtayoqkunata tapurqa: —Hichpallaykupi *f**yachachkaspaqa ¿imanasqataq engañawarqankiku: “Llumpay karumantam hamuniku” nispaqa?

²³ Kunanqa ñakasqa kaspam sirvientekunaña kankichik. Manataqmi qamkunamanta faltanqachu Diosniypa templonpaq yantamuq nitaq yaku astamuqpas —nispa.

²⁴ Chaymi Josueyta nirqaku: —Yupaychasqayki Tayta Dios tukuy kay allpata qamkunaman qosunaykichikpaq hinaspa allpapi llapallan *f**yachaqkunata wañuchinanpaq serviqnin Moisesman kamachisqanta yacharuspaykum wañuchiwanaykikumanta anchallataña manchakuspa chaynataqa rurarqaniku.

²⁵ Kunanqa makikipim kaniku. Tanteasqaykiman hinayá ñoqaykuwan ruray —nispa.

²⁶ Chaymi Josuey chaynata paykunawan rurarqa. Chaynapitaqmi Israelpa mirayninkuna wañurachinanmanta paykunata librarurqa.

²⁷ Josueymi chay punchaw churarurqa paykunata Israelpa mirayninkunapaq yantamuq chaynataq yaku astamuq kanankupaq, churarurqataqmi Tayta Diospa akllasqan sitiopi altarninpaq yantamunankupaqpas chaynataq yakuta astamunankupaqpas. Chaymantapunim kay libro qellqasqa kasqan tiempokama Gabaon llaqtayoq runakunaqa chayna sirviente karqaku.