Josué 15 - Quechua Ayacucho Bible 1987

Juda castakunapa allpankunamanta

¹ Juda miraykunapa tocancianmi karqa castankuman hina chaynataq suerteasqankuman hina. Paykunapa tocancianqa Edom casta runakunapa allpanwanmi tupanakurqa hinaspam surlawpipas chayarqa Zin sutiyoq chunniqkama.

² Chay surlawpa linderonmi qallarirqa Kachi Qochapa surlawman qawaq yaku puntarayaqninmanta.

³ Chaymantam surlawman pasarqa Acrabim wichayninta hinaspa Zin chunniqninta. Cades-barnea llaqtapa surlawninta pasaspam chayarqa Hezron llaqtaman. Chaymantañataqmi Adar llaqtanta rispan muyurqa Carca sutiyoq llaqtaman.

⁴ Chaymantam pasarqa Asmon lawman hinaspam lloqsirqa Egipto lawpi wayqoman. Chaymanta pasaspanñataqmi tukururqa Mediterraneo sutiyoq lamar qochapi, chaymi Josuey nirqa: —Chaynam kapusunkichik surlawman linderoykichik —nispa.

⁵ Intipa qespimunan lawman linderoñataqmi karqa Kachi Qochapa enteron patan Jordan Mayupa yaykunan sitiokama. Norte lawman linderoñataqmi qallarirqa Kachi Qochapa puntarayaqninmanta otaq Jordan Mayupa yaykumunanmantapuni.

⁶ Chaymantam pasarqa Bet-hogla llaqtanta hinaspa Bet-araba llaqta norte lawninta, chaymantañataqmi rirqa Rubenpa churin sutiyoq Bohan Qaqakama.

⁷ Chaymantañataqmi Acor Qechwanta pasarqa Debir llaqtakama. Chaymantañataqmi pasarqa Adumim wichaypa ñawpaqninpi kaq Gilgal lawkama, chay linderoqariki pasarqa wayqopa surlawnintam hinaspam pasarqa En-semes Pukyukama, chaymantañataqmi chutarikurqa En-rogel Pukyukama.

⁸ Chaymantam pasarqa surlawpi Jebus casta runakunapa kinrayninman riq Ben-hinom Wayqonta. Jebus llaqtapa huknin sutinqa Jerusalen llaqtam. Chaymantañataqmi chay linderoqa pasarqa Hinom Wayqopa chimpanpi kaq moqopa puntanta intipa seqaykunan lawman, chay moqoqa kachkan norte lawpi kaq Refaim Wayqopa tukuyninpim.

⁹ Chaymantam muyurirqa orqopa puntanmantapuni Neftoa Pukyukunapa ñawinkama hinaspam pasarqa Efron Moqopi llaqtakunapa kasqanta Baala llaqtakama. Chay Baala llaqtapa huknin sutintaqmi karqa Quiriat-jearim.

¹⁰ Baala llaqtamantañataqmi linderoqa muyurimurqa intipa seqaykunan law Seir Moqoman hinaspam rirqa Jearim Moqopa waqtanta norte lawpi Quesalon llaqtakama. Chaymantam Bet-semes llaqtanta pasarqa Timna llaqtakama.

¹¹ Chaymantañataqmi norte lawman chutarikurqa Ecron llaqtapa waqtanta hinaspam muyurirqa hina chay Sicron llaqtachaman. Chaymantam rirqa Baala Moqonta Jabneel lawman chayanankama hinaspam Mediterraneo sutiyoq lamar qochapi tukurqa.

¹² Intipa seqaykunan law linderoqa Mediterraneo sutiyoq lamar qocham. Chaynamá karqa Juda miraykunapa muyurimuq linderonqa, paykunaqa partinakurqaku castankuman hinam.

Calebpa dueñochakusqan llaqtakunamanta

¹³ Jefonepa churin Calebmanmi Josuey qorqa tocancian allpata. Paymanqa qorqa Juda ayllupa allpan ukunpim Josueyman Tayta Diospa kamachisqanpi hina. Qorqamá Quiriat-arba llaqtata. Chay Quiriat-arba llaqtapa huknin sutinmi karqa Hebron. Chay Arba runam karqa Anacpa abuelon.

¹⁴ Hebron llaqtamantam Caleb qarqorqa Anac casta runapa miraynin kimsa runakunata, chay runakunam karqa Sesai sutiyoq runa, Ahiman sutiyoq runa hinaspa Talmai sutiyoq runa.

¹⁵ Chay llaqtamantam Caleb pasarqa Debir llaqtapi *f**yachaqkunapa contranpi. Debir llaqtapa ñawpaq sutinqa karqa Quiriat-sefermi.

¹⁶ Calebmi nirqa: —Pipas Quiriat-sefer llaqtata atacaspa venceruqtaqa warmi churiy Acsawanmi casarachisaq —nispa.

¹⁷ Hinaptinmi Cenazpa churin Otoniel vencerurqa, Cenazqa karqa Calebpa wawqenmi. Calebqa Otonieltamá warmi churin Acsawan casarachirqa.

¹⁸ Acsam qosan Otonielman hamuspan umacharqa taytan Calebmanta chakrata mañanankupaq. Asnonmanta Acsa uraykuptinmi taytan Caleb tapurqa: —¿Imataq pasasunki? —nispa.

¹⁹ Chaymi Acsañataq nirqa: —Neguev allpata qoykuwachkaspaykiqa ama hina kaspayá pukyukunatapas qoykuway —nispa. Chaymi Caleb qoykurqa hanay lawpi pukyukunatapas chaynataq uray lawpi pukyukunatapas.

Juda ayllupa llaqtankunamanta

²⁰ Castankuman hina Juda ayllupa herenciankuqa kaynam karqa.

²¹ Edom nacionwan tupaq surlaw linderopi llaqtakunaqa kaykunam: Cabseel, Edar, Jagur,

²² Cina, Dimona, Adada,

²³ Cedes, Hazor, Itnan,

²⁴ Zif, Telem, Bealot,

²⁵ Hazor-hadata, Queriot, Hezron, kay Hezron llaqtapa huknin sutinmi karqa Hazor,

²⁶ Amam, Sema, Molada,

²⁷ Hazar-gada, Hesmon, Bet-pelet,

²⁸ Hazar-sual, Beerseba, Bizotia,

²⁹ Baala, Iim, Esem,

³⁰ Eltolad, Quesil, Horma,

³¹ Siclag, Madmana, Sansana,

³² Lebaot, Silhim hinaspa En-rimon. Llapallanmi karqa iskay chunka isqonniyoq llaqtakuna llaqtachankunapiwan.

³³ Waqtakunapi llaqtakunañataqmi karqa: Estaol, Zora, Asena,

³⁴ Zanoa, En-ganim, Tapua, Enam,

³⁵ Jarmut, Adulam, Soco, Azeca,

³⁶ Saaraim, Aditaim, Gedera hinaspa Gederotaim. Chaykunam karqa chunka tawayoq llaqtakuna llaqtachankunapiwan.

³⁷ Waqtakunapi wakin llaqtakunañataqmi karqa: Zenan, Hadasa, Migdal-gad,

³⁸ Dilean, Mizpa, Jocteel,

³⁹ Laquis, Boscat, Eglon,

⁴⁰ Cabon, Lahmam, Quitlis,

⁴¹ Gederot, Bet-dagon, Naama hinaspa Maceda. Chaykunam karqa chunka soqtayoq llaqtakuna llaqtachankunapiwan.

⁴² Waqtakunapi wakin llaqtakunañataqmi karqa: Libna, Eter, Asan,

⁴³ Jifta, Asena, Nezib,

⁴⁴ Keila, Aczib hinaspa Maresa. Chaykunam karqa isqon llaqtakuna llaqtachankunapiwan.

⁴⁵ Wakin llaqtakunañataqmi karqa Ecron llaqta llaqtachankunapiwan hinaspa pagonkunapiwan.

⁴⁶ Chay Ecron llaqtamantañataqmi chutarikurqa Mediterraneo sutiyoq lamar qochakama otaq Asdod llaqtapa hichpankama, chay lawpi llaqtakunapas karqa paykunapam llaqtachankunapiwan.

⁴⁷ Paykunapataqmi karqa Asdod llaqtapas llaqtachankunapiwan hinaspa pagonkunapiwan chaynataq Gaza llaqtapas llaqtachankunapiwan hinaspa pagonkunapiwan. Paykunapamá karqa Egipto lawpi wayqokama chaynataq Mediterraneo sutiyoq lamar qochapa patankama.

⁴⁸ Juda ayllupataqmi karqa moqokunapi kaq kay llaqtakunapas: Samir, Jatir, Soco,

⁴⁹ Dana, Quiriat-sana, chay llaqtapa huknin sutinmi karqa Debir,

⁵⁰ Anab, Estemoa, Anim,

⁵¹ Gosen, Holon hinaspa Gilo. Chaykunam karqa chunka hukniyoq llaqtakuna llaqtachankunapiwan.

⁵² Moqokunapi wakin llaqtakunañataqmi karqa: Arab, Duma, Esan,

⁵³ Janum, Bet-tapua, Afeca,

⁵⁴ Humta, Quiriat-arba, chay llaqtapa huknin sutinmi karqa Hebron, paykunapataqmi karqa Sior llaqtapas. Chaykunam karqa isqon llaqtakuna llaqtachankunapiwan.

⁵⁵ Moqokunapi wakin llaqtakunañataqmi karqa: Maon, Carmel, Zif, Juta,

⁵⁶ Jezreel, Jocdeam, Zanoa,

⁵⁷ Cain, Gabaa hinaspa Timna. Chaykunam karqa chunka llaqtakuna llaqtachankunapiwan.

⁵⁸ Moqokunapi wakin llaqtakunañataqmi karqa: Halhul, Bet-sur, Gedor,

⁵⁹ Maarat, Bet-anot hinaspa Eltecon. Chaykunam karqa soqta llaqtakuna llaqtachankunapiwan.

⁶⁰ Moqokunapi wakin llaqtakunañataqmi karqa: Quiriat-baal, chay llaqtapa huknin sutinmi karqa Quiriat-jearim. Paykunapataqmi karqa Raba llaqtapas. Chaykunamá karqa iskay llaqtakuna llaqtachankunapiwan.

⁶¹ Chunniq lawpi llaqtakunañataqmi karqa: Bet-araba, Midin, Secaca,

⁶² Nibsan, Kachi llaqta hinaspa En-gadi, chaykunam karqa soqta llaqtakuna llaqtachankunapiwan.

⁶³ Aswanqa Jerusalen llaqtapi *f**yachaq Jebus casta runakunataqa Judapa mirayninkunaqa manam qarqoyta atirqakuchu. Judapa mirayninkunawanmi *f**yachachkanku kay libro qellqasqa kasqan tiempokama.