Josué 12 - Quechua Ayacucho Bible 1987

Moisespa vencesqan reykunamanta

¹ Intipa qespimunan law Jordan Mayupa chimpanpi *f**yachaq reykunatam Israelpa mirayninkuna vencerurqaku. Dueñochakururqakumá Arnon Mayuchamanta Hermon Orqokama, dueñochakururqakutaqmi intipa qespimunan law Jordan Mayupa patanpi kaq qechwatapas. Chaylaw allpapi kaq reykunam karqa kaykuna:

² Hesbon llaqtapi *f**yachaq Amor casta runakunapa reynin Sehon. Paypa gobiernasqan allpam karqa Arnon Wayqopa patanpi kaq Aroer llaqtamanta otaq wayqopa chawpinmanta qallarispa Galaad law parten allpa Jaboc Wayqokama otaq Amonpa mirayninkunapa colindankama.

³ Rey Sehonqa gobiernarqataqmi intipa qespimunan law Jordan Mayupa qechwantapas, Cineret Qochamanta qallarispanmi gobiernarqa qechwapi qochakama otaq Kachi Qochakama, surlawpipas gobiernarqataqmi Bet-jesimot lawmanta qallarispa Pisga Orqopa waqtankama. Munaychakurqataqmi chaylaw allpakunapipas.

⁴ Vencerqakutaqmi Refaim casta runakunamanta puchuq Rey Ogtapas. Paymi Basan lawpi rey kaspan *f**yacharqa Astarot llaqtapi chaynataq Edrei llaqtapipas.

⁵ Rey Ogqa gobiernarqataqmi Hermon Orqopipas, Salca llaqtapipas chaynataq lliw Basan lawpipas Gesur lawkama hinaspa Maaca lawkama. Gobiernarqataqmi Galaad law parten allpapipas Hesbon llaqtapi Rey Sehonpa colindankama.

⁶ Chay reykunatamá Tayta Diospa serviqnin Moises chaynataq Israelpa mirayninkuna vencerurqaku. Hinaptinmi Moises partirqa chay allpakunata dueñochakunankupaq Ruben aylluman, Gad aylluman chaynataq Manases parten ayllumanpas.

Josueypa vencesqan reykunamanta

⁷ Intipa seqaykunan law Jordan Mayupa chimpanpi *f**yachaq reykunatam Josuey chaynataq Israelpa mirayninkuna vencerurqaku. Dueñochakurqakumá Libano Moqopa patan pampapi kaq Baal-gad llaqtamanta Seir Orqoman riq Halac Orqokama. Chay allpakunatam Josuey partirqa Israel casta sapa ayllukunaman tupasqanman hina.

⁸ Allpatamá qorqa orqokunapi, moqokunapi, Jordan Mayupa patan qechwapi, waqtakunapi, chunniqkunapi chaynataq Neguev lawpipas. Chay allpakunam karqa Het casta runakunapa, Amor casta runakunapa, Canaan casta runakunapa, Ferez casta runakunapa, Hiv casta runakunapa chaynataq Jebus casta runakunapa allpankuna.

⁹ Vencesqanku reykunam karqa: Jerico llaqtapa reynin, Betel llaqtapa hichpanpi kaq Hai llaqtapa reynin,

¹⁰ Jerusalen llaqtapa reynin, Hebron llaqtapa reynin,

¹¹ Jarmut llaqtapa reynin, Laquis llaqtapa reynin,

¹² Eglon llaqtapa reynin, Gezer llaqtapa reynin,

¹³ Debir llaqtapa reynin, Geder llaqtapa reynin,

¹⁴ Horma llaqtapa reynin, Arad llaqtapa reynin,

¹⁵ Libna llaqtapa reynin, Adulam llaqtapa reynin,

¹⁶ Maceda llaqtapa reynin, Betel llaqtapa reynin,

¹⁷ Tapua llaqtapa reynin, Hefer llaqtapa reynin,

¹⁸ Afec llaqtapa reynin, Saron llaqtapa reynin,

¹⁹ Madon llaqtapa reynin, Hazor llaqtapa reynin,

²⁰ Simron-meron llaqtapa reynin, Acsaf llaqtapa reynin,

²¹ Taanac llaqtapa reynin, Meguido llaqtapa reynin,

²² Cedes llaqtapa reynin, Jocneam law Carmelo llaqtapa reynin,

²³ Dor lawpi kaq Dor llaqtapa reynin, Gilgal lawpi kaq Goim llaqtapa reynin

²⁴ hinaspa Tirsa llaqtapa reynin. Paykunam karqaku kimsa chunka hukniyoq reykuna.