Jonás 3 - Quechua Ayacucho Bible 1987

Ninive llaqtaman Jonas risqanmanta

¹ Tayta Diosmi Jonasta yapamanta rimapayaspan kaynata nirqa:

² —Nínive sutiyoq hatun llaqtaman rispayá qanman rimapayasqayta chaypi *f**yachaqkunaman willakamuy —nispa.

³ Chaymi Jonasqa Tayta Diospa kamachisqanman hina Nínive llaqtaman pasarqa. Ninive llaqtaqa chawpinta pasanapaqpas kimsa punchaw purina hatu-hatun llaqtam karqa.

⁴ Chaymi Jonas huk punchaw purinata ristin willakurqa kaynata: —Tawa chunka punchawmantam Nínive llaqtaqa puchukachisqa kanqa —nispa.

⁵ Chaymi Ninive llaqtapi *f**yachaqkunaqa Diospa nisqanpi creerqaku. Paykunaqa hatunpas-taksapas ayunaspankum luto pachakunawan churakurqaku.

⁶ Ninive llaqtapa reyninpas chay willakuyta uyariruspam tiyananmanta sayarirurqa hinaspam pachankunatapas horqokuruspan luto pachawanña churakurqa hinaspam uchpapa hawanpi tiyaykurqa.

⁷ Chaymantam Ninive llaqtapa reyninqa yanapaqninkunapiwan kamachikurqa kayna niq decretota: —Amayá pipas mikuchunchu ima mikuyllatapas, amataqyá animalkunamanpas mikuytaqa qoychikchu nitaq yakutapas.

⁸ Aswanqa lutokuychikyá animalnikichikkunapiwan. Qamkunaqa tukuy sonqoykichikwan Diosta mañakuspayá mana allin kawsasqaykichikmanta sapakama wanakuychik. Wanakuychiktaqyá daño ruraqllaña kasqaykichikmantapas.

⁹ Diosqa icharaqpas llakipayariwaspanchik piñakuyninpi puchukarachiy munawasqanchikta manaña ruranmanchu —nispa.

¹⁰ Diosmi qawarispan rikururqa Ninive llaqtayoq runakunapa imam rurasqankuta. Paykunaqa mana allin kawsasqankumantam wanakurqaku, paykunata castigananpaq nisqantaqa manañam rurarqachu.