Joel 3 - Quechua Ayacucho Bible 1987

¹ Ñoqa Tayta Diosmi nini kaynata: Chay punchawkuna chayaramuptinqa, chay tiempokuna chayaramuptinqa Juda castakunatam preso kasqanmanta kutichimusaq, Jerusalen llaqtapi *f**yachaqkunatam preso kasqanmanta kutichimusaq.

² Ñoqaqa llapallan nacionkunapi *f**yachaq runakunatam huñurusaq. Paykunataqa Josafat sutiyoq qechwamanmi pusarusaq. Chaypim paykunataqa runaykunarayku juzgasaq. Israel runaykunaraykum paykunataqa juzgasaq. Israel runaykunataqariki tukuy hinastinmanmi cheqerachirqaku. Paykunaqariki sapakamam nacionniytapas partinakururqaku.

³ Paykunaqa runaykunapaqmi suertekunatapas chamqarqaku. Paykunaqa huk chuchumikapaqmi qari churinkutapas qoykurqaku. Paykunaqa vino upyakurunankupaqmi warmi churinkutapas rantikururqaku.

Nacionkunata Tayta Dios juzgasqanmanta

⁴ —Chaynaqa Tiro llaqtapi *f**yachaqkuna, Sidon llaqtapi yachaqkuna hinaspa Filistea runakuna ¿imatataq qamkunaqa ñoqawan munankichik? ¿Imapas merecesqay qoykuwaytachu munachkankichik? ¿Pagoy qoykuwaytachum qamkunaqa munachkankichik? Chayna kaptinqa merecesqaykichiktam apurawman pagaykapusqaykichik.

⁵ Qamkunaqariki qori-qollqeytapas suwaruwarqankichikmi, munayllapaqña sumaq kapuwaqniykunatapas temploykichikmanmi apaykururqankichik.

⁶ Qamkunaqa Juda nacionpi *f**yachaqkunatapas hinaspa Jerusalen llaqtapi yachaqkunatapas *f**rantikururqankichik Grecia nacionniyoq runakunamanmi, chaynataqa rurarqankichik nacionninkumanta karunchasqa kanankupaqmi.

⁷ Ichaqa chay rantikurusqaykichik nacionkunamantam paykunataqa horqomusaq, chaynapim merecesqaykichiktaqa qamkunamanña pagapusqaykichik.

⁸ Qari churikichikkunatapas hinaspa warmi churikichikkunatapas *f**rantikurusaq Juda castakunamanñam, paykunañataqmi rantikurunqa karupi *f**yachaq Saba runakunamanña. Chaynatam ñoqa Tayta Dios nini.

⁹ Nacionkunamanyá kaynata willakuychik: “Ñoqapaqyá guerrata hatarichiychik. Valeroso soldadokunatayá hoqarichiychik. Guerrapi llapallan peleaqkunayá asuykamuchunku. Guerrapi llapallan peleaqkunayá hamuchunku.

¹⁰ Rejaykichiktapas espadamanñayá tikraychik. Rutunaykichiktapas lanzamanñayá tikraychik. Eqo runakunapas kallpayoqpaqñayá hapikuychik.

¹¹ Hichpaykupi kaq llapallan nacionkuna, yanapawanaykikupaqyá qamkunaqa hamuychik. Qamkunaqa chaypiyá huñunakuychik. Dios Taytalláy, chaymanyá pusamuy valeroso soldadoykikunataqa.

¹² Rikcharispayá Josafat Qechwaman richunku llapallan nacionkunaqa. Chaypi tiyaykuspaymi muyuriqninpi llapallan nacionkunata juzgasaq ñoqaqa.

¹³ Chaynaqa rutunaykichikta hapispayá rutuychik. Rutuy tiempo chayaramusqanraykuyá rutuychik. Uraykamuychikyá, uvas sarunaqa huntallañam kachkan. Uraykamuychikyá, vino waqaychanaqa llimpariqñam kachkan. Llumpay mana allin kasqankuraykum chaynaqa kachkan.”

¹⁴ Nana-nanaq runakunam kachkan runakunapa suerten decidina qechwapiqa. Tayta Diospa castiganan punchawqa hichpaykamuchkanñam runakunapa suerten decidina qechwapiqa.

¹⁵ Tutayarunqañam inti-killapas. Manañam kanchinqachu lucerokunapas.

¹⁶ Tayta Diosqa Sion Moqomantam qaparimunqa. Tayta Diosqa Jerusalen llaqtamantam qayakamunqa. Cielokunapas kay pachapiwanmi katkatatanqa. Tayta Diospim runakunaqa amparakunqaku. Tayta Diospim Israel castakunaqa kallpanchakunqaku.

Juda nacionqa anchallaña bendecisqa kananmanta

¹⁷ Chaynapim qamkunaqa yachankichik ñoqaqa yupaychasqaykichik Tayta Dios kasqayta. Chaynapim qamkunaqa yachankichik sapaqchakusqay Sion Moqopi *f**yachasqayta. Chaynapim Jerusalen llaqtapas kanqa ñoqallapaqña sapaqchasqa. Huklaw llaqtayoq runakunapas manañam pasanqañachu chaynintaqa.

¹⁸ Chay tiempokunapiqa orqokunamantam vinopas puririnqa. Chay tiempokunapiqa moqokunamantam lechepas kallparinqa. Juda nacionpa llapallan yarqankunapipas yakukunam sumaqllataña kallparinqa. Ñoqa Tayta Diospa temploymantapas toqyaq yakum lloqsinqa. Sitim sutiyoq qechwata *f**parqonanpaqmi chaymantaqa yaku lloqsinqa.

¹⁹ Egipto nacionqa purmachisqañam rikurirunqa. Edom nacionqa purmachisqa chunniqñam rikurirunqa. Juda casta runakunata ñakarichisqankuraykum chaynaqa kanqaku. Paykunaqariki Juda nacionpim mana huchayoqkunata wañuchirqaku.

²⁰ Ichaqa Juda nacionqa wiñaypaqmi runakunapa *f**yachasqan kanqa. Jerusalen llaqtaqa wiña-wiñaypaqmi runakunapa yachasqan kanqa.

²¹ Manaraq pampachasqay runa wañuchiqkunatam huchankumanta ñoqaqa pampachasaq. Ñoqa Tayta Diosqa Sion Moqopim *f**yachakusaq.