Jeremías 49 - Quechua Ayacucho Bible 1987

Amon nacionpa contranpi willakuymanta

¹ Amonpa mirayninkunapa contranpim Tayta Dios kaynata nirqa: Israelpa mirayninkunaqa ¿manañachu kanku? Herencian chaskiqkunaqa ¿manañachu kanku? Amon castapa taytachan Milcomqa ¿imanasqataq Gad castapa allpanta dueñochakuchkan? Milcom taytacha yupaychaqkunaqa ¿imanasqataq Gad castapa llaqtankunapiqa *f**yachakuchkan?

² Ñoqa Tayta Diosmi nini: Hamuchkanmi punchawkuna Amon castapa Raba llaqtanpi guerrapi qapariykunata uyarichinaypaq chaynataq Raba llaqta tuñichisqa kaptin llaqtachankunapas ninawan tukusqa kananpaq chaynapi Israel castakuna Amon castapa herencian allpakunata dueñochakunanpaq. Ñoqa Tayta Diosmi chaynata nini.

³ Hesbon llaqtapi *f**yachaqkuna, Hai llaqta tuñirusqanmantayá qaparkachaychik. Raba llaqtapi warmikunapas qaparispayá waqaychik. Qamkunaqa lutokuspaykichikyá waqaychik. Murallapa qepankunapiyá kayman-chayman kallpakachaychik. Milcom taytachaykichiktam presochasqata apanqaku huklaw nacionman. Sacerdotenkunatapas kamachikuqkunatawanmi pusanqaku huklaw nacionman.

⁴ Yaw mana kasukuq nacion ¿imanasqataq qechwaykikunamantaqa alabakuchkanki? “Tukuy imapa wiñanan qechwaymi kapuwan” nispam alabakuchkanki. ¡Qamqa imapas kapuqnikikunapim hapipakuchkanki! “Manam pipas atacawanqachu” nispam confiakuchkanki.

⁵ Llapallan Kamachiq Señor Diosmi nini kaynata: Mancharichiqnikitam kachamusaq tukuy hinastinmanta. Sapakamam qarqosqa kankichik chaymantaqa. Lluptiqkunataqa manam pipas huñunqachu yapamantaqa.

⁶ Chaykunapa qepantam kaqllamanta allinyachisaq. Amonpa mirayninkunatam kaqllamanta allinyachisaq. Ñoqa Tayta Diosmi chaynata nini.

Edom nacionpa contranpi willakuymanta

⁷ Llapallan kamachiq Tayta Diosmi Edom nacionpa contranpi kaynata nirqa: ¿Teman llaqtapi yachaysapakunapa yachayninqa tukurunñachu? ¿Entiendeq runakunapa consejakuyninqa tukurunñachu? ¿Chay yachaysapakunapa yachayninqa mana valeqñachu?

⁸ Dedan llaqtapi *f**yachaqkuna, lluptispayá huklawman muyuriychik. Dedan llaqtapi *f**yachaqkuna, allpapa ukunpiñayá pakakamuspa *f**yachamuychik. Esau castakunamanmi sasachakuyta chayachimusaq. Castiganay tiempopim paykunaman chayachimusaq.

⁹ Uvasta cosechaspaqa ¿manachum maskapakunankupaq puchunku? Suwakunapas tuta hamuspanqa ¿manachum kamaqllata suwakunku?

^10-11 Esau casta runakunatam ichaqa saqeruni mana imayoqta. Kicharuniñam paykunapa pakakunanku sitiokunata. Munaspapas manañam atinmankuchu pakakuyta. Churinkunapas, ayllunkunapas chinkarunqam. Paykunapa vecinonkunapas chinkarunqam. “Mana tayta-mamayoqkunata uywanaypaqyá saqeykuway” niqkunaqa manam kanqachu. “Viudaykikunatapas ñoqapiña confiakunanpaqyá saqeykuway” niqkunaqa manam kanqachu.

¹² —Ñoqa Tayta Diosmi nini kaynata: Qatqeyoq vasomanta tomachichkaq hina mana castiganaypaq kaqkunatapas castigachkaptiyqa qampas manapunim castiganaymantaqa lluptiwaqchu, chay qatqeyoq vasomantaqa qampas tomankipunim.

¹³ Ñoqa Tayta Diosmi kikiyrayku juraspa nini: Cheqaptapunipas Bozra llaqtaqa kanqa llumpay purmachisqam, chunnichisqam, burlakusqam chaynataq ñakasqam. Llapallan llaqtachankunapas wiñaypaq purmachisqam kanqa.

¹⁴ Tayta Diosmi willachimuwarqa, nacionkunaman willanaypaqmi willachimuwarqa: Huñunakuspayá Edom nacionpa contranpi riychik. Paykunawan peleanaykichikpaqyá alistakuychik.

¹⁵ Wakin nacionkunamantapas aswan taksan kaqtam rurasqayki. Llapallan runakunapa despreciasqan naciontam rurasqayki.

¹⁶ Mancharichikuq kaynikim engañarusunki. Alto tukuq sonqoyoq kaynikim engañarusunki. Qaqapa uchkunkunapim *f**yachachkanki. Alto moqokunapim hapipakuchkanki. Anka hinam alto qaqakunapi qesachakuchkanki, chaywanpas chaymantam uraykachimusqayki. Ñoqa Tayta Diosmi chaynata nini.

¹⁷ —Edom nacion pasaypaqta chinkaruptinmi hukmanyasqallaña kanqaku, chaynin puriqkunapas castigasqayta qawaspankum burlakunqaku.

¹⁸ Sodoma, Gomorra chaynataq muyuriqninpi chinkachisqa llaqtakuna hinam Edom nacionpas manaña runayoq kanqa, manañam chaypiqa samariyllapas-samarinqakuchu. Ñoqa Tayta Diosmi chaynata nini.

¹⁹ Jordan Mayupa patan montemanta pastokunapa kasqanman lloqsichkaq leon hinam chay sitiomanta Edom nacionniyoq runakunata qonqaymanta lloqsichisaq. ¿Pitaq kanqa chayta rurananpaq akllasqay runaqa? ¿Pitaqsi ñoqa hinaqa kanman? ¿Pitaqsi ñoqawanqa churanakunman? Oveja michiqkunamantaqa ¿mayqennintaq contraypi sayanman?

²⁰ Chaynaqa Edom nacionpa contranpi piensasqaytawan Teman llaqtayoqkunapa contranpi tanteasqaytayá uyariychik: Cheqaptapunim oveja uñachankunatapas qachachyanqaku, purmarachinqakutaqmi michinanku pastollaña waqtankunatapas.

²¹ Edom nacionta pasaypaqta venceruptinkum allpapas katkatatanqaraq, qaparisqankupas Puka Lamar Qochakamaraqmi uyarikunqa.

²² Raprankunatapas mastarispa pawaykuchkaq anka hinaraqmi enemigoqa Bosra llaqtata atacanqa. Chay punchawpiqa Edom casta valerosokunapa sonqonmi kanqa wachakuywan ñakariq warmipa sonqon hinaraq —nispa.

Damasco llaqtapa contranpi willakuymanta

²³ Damasco llaqtapa contranpim Tayta Dios kaynata willachirqa: Mana allin noticiakuna uyarisqanwanmi Hamat llaqtaqa hukmayasqa kachkan. Mana allin noticiakuna uyarisqanwanmi Arfad llaqtaqa hukmanyasqa kachkan. Mancharikuymantam mana ima ruraytapas atinkuchu. Lamar qocha hinaraqmi hawka kaytaqa mana atinkuchu.

²⁴ Damasco llaqtayoqkunaqa manaña kallpayoqmi kachkanku. Lluptikunankupaqmi qepamanña kutirunku. Llakikuy katkatataywanmi hapirachikunku. Wachakuywan ñakariq warmi hinaraqmi kachkanku.

²⁵ Alabasqay llaqtaqa ¿imanasqataq manaña runayoq qeparun? Kusichiqniy llaqtaqa ¿imanasqataq manaña runayoq qeparun?

²⁶ Chayraykumá chay punchawpiqa plazankunapipas chutarayanqa wañusqa mozonkuna. Chayraykumá chay punchawpiqa wañuruspa upallarunqaku llapallan soldadonkuna.

²⁷ Damasco llaqtapa murallankunatam kañaykachisaq. Rey Ben-hadadpa palaciontam ruparachisaq.

Cedar lawpa chaynataq Hazor llaqtapa contranpi willakuymanta

²⁸ Babilonia nacionpa reynin Nabucodonosorpa vencesqan Cedar law kaqkunapa contranpi chaynataq Hazor llaqtapi gobiernaqkunapa contranpim Tayta Dios kaynata willachirqa: Rispaykichikyá Cedar lawpi runakunata atacamuychik. Intipa qespimunan lawpi *f**yachaqkunatayá wañuchimuychik.

²⁹ Karpankutawan ganadonkunatam qechunqaku. Toldonkutawan servicionkunatam apanqaku. Camellonkutapas paykunamantam qechunqaku. “Mancharikuypaq enemigom tukuy hinastinpi kachkan” nisparaqmi contrankupi qayaykachanqaku.

³⁰ Ñoqa Tayta Diosmi nini kaynata: Hazor llaqtayoqkunaqa cheqellayá lluptiychik. Allpapa ukunpi pakakamuspayá *f**yachamuychik. Babilonia nacionpa reynin Nabucodonosormi contraykichikpi piensarun. Babilonia nacionpa reynin Nabucodonosormi contaykichikpi tantearun.

³¹ Ñoqa Tayta Diosmi nini kaynata: Rispaykichikyá kikinpi confiakuq runakunata atacamuychik. Rispaykichikyá hawkalla *f**yachakuq runakunata atacamuychik. Mana zaguanniyoq mana trancayoqmi paykunaqa *f**yachanku. Pasaypaq mana vecinoyoq llaqtam paykunaqa kanku.

³² Ñoqa Tayta Diosmi nini kaynata: Paykunapa camellonkunatam suwanqaku. Achka-achka ganadonkutam qatikunqaku. Tukuy hinastinmanmi cheqechisaq paykunata otaq sentidon law chukchan rutukuq runakunata. Tukuy hinastinmantam kachamusaq desgraciata.

³³ Hazor llaqtaqa atoqkunapa machayninñam rikurirunqa. Chay Hazor llaqtaqa wiñaypaq chunniqñam rikurirunqa. Chay llaqtapiqa manañam pipas *f**yachanqañachu. Chaypiqa manañam samariyllapas-samarinqakuñachu.

Elam nacionpa contranpi willakuymanta

³⁴ Juda nacionpi Rey Zedequias gobiernayta qallarichkaptinmi willakuqnin Jeremiasman Elam nacionpa contranpi Tayta Dios kaynata nirqa:

³⁵ —Llapallan Kamachiq Tayta Diosmi kaynata nini: Elam nacionpa flechanantam pakiparusaq. Munaychakunan armantam pakiparusaq.

³⁶ Elam nacionpa contranpim wayrachimusaq. Kay pachapa tawa lawninmantam pukuchimusaq. Elam nacionniyoqkunatam cheqechisaq tukuy hinastinman. Lluptispankum yaykunqaku llapallan nacionkunaman.

³⁷ Ñoqa Tayta Diosmi nini kaynata: Enemigonkupa qayllanpim Elam nacionta mancharichisaq. Wañuchiy munaqninkunapa qayllanpim Elam nacionta mancharichisaq. Chay nacionpa contranpim desgraciata kachamusaq. Rupariq nina hinam paykunapa contranpi piñakusaq. Llapallankuta tukunankamam guerrata kachamusaq.

³⁸ Ñoqa Tayta Diosmi nini kaynata: Elam nacionpim churasaq gobiernanaypaq tiyanayta. Chinkarachisaqmi reyninkutawan kamachikuqkunata.

³⁹ Ñoqa Tayta Diosmi nini kaynata: Chaywanpas tukupay tiempokunapim kaqllamanta allinyachisaq. Elam nacionniyoq runakunatam kaqllamanta allinyachisaq.