Jeremías 40 - Quechua Ayacucho Bible 1987

Gedaliaswan Jeremias *f**yachasqanmanta

¹ Reyta cuidaq soldadokunapa jefen Nabuzaradan Jeremiasta Ramá llaqtapi kachaykusqanpa qepallantam Tayta Dios rimapayarqa Jeremiasta. Nabuzaradanmi Jeremiasta tariykurqa presochasqa cadenawan watasqata. Payqa chaynam kachkarqa Babilonia lawman pusanankupaq Jerusalen llaqtayoq runakunapiwan hinaspa Juda nacionniyoq runakunapiwan.

² Chay Nabuzaradanmá Jeremiasta sapaqchaykuspan nirqa: —Kay desgraciakunawan kay nacionta castigananpaqmi yupaychasqayki Tayta Dios rimarqa.

³ Chay rimasqankunatam kunan cumplirun. Chaykunaqa sucedesuchkankichik paypa contranpi huchallikuruspa mana kasusqaykichikraykum.

⁴ Kunanpunim chay cadenaykikunata paskarusqayki. Munaptikiqa hakuchikyá Babilonia lawman, wakpiqa ñoqam nanachikusqayki. Mana riyta munaspaykiqa quedakuwaqtaqmi. Kay nacionpi allpaqa makillaykipim kachkan. Munasqayki lawman rispayá chaypi *f**yachakamuy —nispa.

⁵ Jeremias manaraq kutiykuchkaptinmi Nabuzaradan nirqa: —Safanpa willkanpa otaq Ahicampa churin Gedaliaspa kasqanmanyá kutikuy. Paytam Juda lawpi llaqtakunata gobiernananpaq Babilonia nacionpa reynin churarun. Paywanyá llaqtamasikikuna ukupi *f**yachakuy, mana chayqa munasqayki lawmanyá pasakuy —nispa. Reyta cuidaq soldadokunpa jefen chaynata Jeremiasman niykuspanmi qoykurqa mikuytawan regalota hinaspam aviaykurqa.

⁶ Jeremiasmi pasakurqa Mizpa llaqtapi *f**yachaq Ahicampa churin Gedaliaspaman. Chaypim Gedaliaswan hinaspa chay lawpi puchuq runakunawan *f**yacharqa.

Gedaliaspa contranpi Ismaelpa hoqarikusqanmanta

⁷ Israel castamanta campopi puchuq capitankunapiwan soldadokunam yacharurqaku Ahicampa churin Gedaliasta chay law allpapi gobiernananpaq Babilonia nacionpa reynin churarusqanta. Chayna nombrasqaqa karqa Babilonia lawman mana pusasqanku runakunatawan, warmikunata chaynataq warmakunata nanachikunanpaqmi. Paykunam karqa chay lawpi mana imayoq runakuna.

⁸ Chaykuna yacharuq runakunam karqa: Netaniaspa churin Ismael, Careapa churin Johananwan Jonatan, Tanhumetpa churin Seraias, Netofa lawmanta kaq Efaipa churinkuna hinaspa Macat lawmanta kaq runapa churin Jezanias. Paykunamá rirqaku Mizpa llaqtapi *f**yachaq Gedaliaspata.

⁹ Chaynapim Safanpa willakan otaq Ahicampa churin Gedaliasqa payman riq capitankunatawan compañaqnin runakunata juramentaspan nirqa: —Caldea runakuna serviytaqa ama manchakuychikchu. Kay allpapi *f**yachaspa Babilonia nacionpa reyninta servispaqa allinmi kankichik.

¹⁰ Ñoqaqa kay Mizpa llaqtapi *f**yachaspaymi Caldea lawmanta ñoqanchikman hamuq runakunata atiendesaq. Qamkunaqa vinotawan aceiteta ruraspayá frutakunatawan tukuy imapi huñukuychik. Dueñochakuspayá llaqtakunapi yachakuychik.

¹¹ Moab nacionpi, Amon nacionpi, Edom nacionpi hinaspa wakin nacionkunapi tarikuq Juda casta runakunapas uyarirurqakum: “Safanpa willkan otaq Ahicampa churin Gedaliastam Babilonia nacionpa reynin churarun Juda nacionpi puchuq runakunata gobiernananpaq” nispa nisqankuta.

¹² Chaynaqa cheqerusqanku nacionkunamanta kutimuq Juda casta llapallan runakunamá Mizpa llaqtapi *f**yachaq Gedaliasman huñunakurqaku. Paykunaqa achkallaña vinota rurasqankum cosecharqakutaq achkallaña frutakunatapas.

¹³ Careapa churin Johananmi campopi tropakunapa capitanninkunapiwan Mizpa llaqtapi *f**yachaq Gedaliasman rispa

¹⁴ nirqaku: —Amonpa mirayninkunapa reynin Baalismi Netaniaspa churin Ismaelta kacharamun wañuchisunaykipaq. ¿Manachum chaytaqa yachanki? —nispa. Ichaqa Ahicampa churin Gedaliasmi mana creerqachu paykunata.

¹⁵ Chaywanpas Careapa churin Johananmi Mizpa llaqtapi kaspan pakasqallapi Gedaliasta nirqa: —Dejaykuway Netaniaspa churin Ismaelta wañurachimunaypaq. Manam pipas yachanqachu pim wañurachisqantaqa. ¿Imanasqataq qamtaqa wañurachisunkiman? Wañuruptikiqa qanman huñunakamuq Juda casta runakunapas cheqerunmanmi, hinaptinqa Juda nacionpi puchuq runakunapas yanqam tukuruymanku —nispa.

¹⁶ Ichaqa Ahicampa churin Gedaliasmi Careapa churin Johananta nirqa: —Chaytaqa amayá ruraychu. Ismaelmanta willawasqaykiqa llullam —nispa.