Génesis 36 - Quechua Ayacucho Bible 1987

Esaupa mirayninkunamanta

¹ Esaupa mirayninkunam kaykuna, Esaupa huknin sutinqa karqa Edonmi.

² Esaumi casararqa Canaan law Het casta runa Elonpa churin Adata, casararqataqmi Hiv casta runa Zibeonpa willkan otaq Ana sutiyoq runapa churin Aholibamatapas

³ chaynataq Nebaiotpa panin otaq Ismaelpa churin Basemattapas.

⁴ Ada sutiyoq warminñataqmi wachakurqa Esaupa churin Elifazta, Basemat sutiyoq warminñataqmi wachakurqa Reuelta.

⁵ Aholibama sutiyoq warmipas wachakurqataqmi Jeusta, Jaalamta hinaspa Coreyta. Chaykunam Esaupa churinkuna Canaan allpapi naceqkuna.

⁶ Esaumi warminkunatawan qari churinkunata, warmi churinkunata, wasinpi llapallan kaq runakunata, kapuqninkunata, llapallan animalninkunata chaynataq Canaan allpapi armasqan tukuy kapuqninta huñuykuspan wawqen Jacobpa ladonmanta huklaw allpaman ripukurqa.

⁷ Jacobwan Esauqa achkallaña kapuqniyoqmi karqaku chaymi mana kuska *f**yachayta atirqakuchu nitaqmi yachasqanku allpapas kamarqachu achkallaña animalninku kasqanrayku.

⁸ Chaymi Esauqa Seir orqopiña yacharqa. Esaupa huknin sutinqa Edonmi.

⁹ Seir orqopi *f**yachaq Edom runakunapa taytan Esaupa mirayninkunam

¹⁰ kaykuna: warmin Adapa wawan Elifaz, huknin warmin Basimatpa wawan Reuel.

¹¹ Elifazpa churinkunañataqmi karqa Teman, Omar, Zefo, Gatam hinaspa Cenaz.

¹² Esaupa churin Elifazpa churi-wachanñataqmi karqa Timna, paymi Elifazpa churin Amalecta wachakurqa. Paykunam Esaupa warmin Adapa mirayninkuna.

¹³ Reuelpa churinkunañataqmi karqa: Nahat, Zera, Sama hinaspa Miza. Paykunam Esaupa warmin Basematpa mirayninkuna.

¹⁴ Zibeonmi karqa Anapa taytan, Anañataqmi karqa Aholibamapa taytan. Kay Aholibamam wachakurqa Esaupa churin Jeusta, Jaalamta hinaspa Coreyta.

^15-16 Esaupa mirayninkuna ukupi kamachikuqkunam karqa: Kamachikuq Teman, Kamachikuq Omar, Kamachikuq Zefo, Kamachikuq Cenaz, Kamachikuq Corey, Kamachikuq Gatam hinaspa Kamachikuq Amalec. Paykunam karqa Elifazpa churin otaq Adapa miraynin Edom allpapi kamachikuqkuna. Elifazqariki karqa Esaupa piwi churinmi.

¹⁷ Esaupa churin Reuelpa mirayninkunañataqmi kaykuna: Kamachikuq Nahat, Kamachikuq Zera, Kamachikuq Sama hinaspa Kamachikuq Miza. Paykunam Reuelpa churin otaq Esaupa warmin Basematpa miraynin Edom allpapi kamachikuqkuna.

¹⁸ Esaupa warmin Aholibamapa wawankunañataqmi kaykuna: Kamachikuq Jeus, Kamachikuq Jaalam hinaspa Kamachikuq Corey. Paykunam karqa Ana sutiyoq runapa mirayninkuna otaq Esaupa warmin Aholibamapa wachakusqan kamachikuqkuna.

¹⁹ Paykunamá karqa Esaupa miraynin kamachikuqkuna. Esaupa huknin sutinqariki Edonmi.

²⁰ Hor casta runa Seirpa churinkunam kaykuna: Lotan, Sobal, Zilbeon hinaspa Ana sutiyoq runa. Paykunam karqa chay allpapi *f**yachaqkuna.

²¹ Hor casta runakunapa kamachiqninkunam kaykuna: Dison, Ezer hinaspa Disan. Paykunam karqa Edom allpapi yachaq Seirpa churinkuna.

²² Lotanpa churinkunam karqa Hori hinaspa Hemam, Timnañataqmi karqa Lotanpa panin.

²³ Sobalpa churinkunañataqmi karqa Alvan, Manahat, Ebal, Sefo hinaspa Onam.

²⁴ Zibeonpa churinkunañataqmi karqa Ajawan Ana sutiyoq runa. Kay Anam taytan Zibeonpa asnonkunata michichkaspan chunniqpi tarirurqa pukyu yakukunata.

²⁵ Anapa churinkunam karqa Dison, warmi churinñataqmi karqa Aholibama.

²⁶ Disonpa churinkunañataqmi karqa Hemdan, Esban Itran hinaspa Queran.

²⁷ Ezerpa churinkunañataqmi karqa Bilhan, Zaavan hinaspa Acan.

²⁸ Disanpa churinkunañataqmi karqa Uz hinaspa Aran.

²⁹ Hor casta runakunapa kamachiqninkunam karqa: Kamachikuq Lotan, Kamachikuq Sobal, Kamachikuq Zibeon, Kamachikuq Ana,

³⁰ Kamachikuq Dison, Kamachikuq Ezer hinaspa Kamachikuq Disan. Paykunam karqa Hor casta runakunapa sapakama kamachiqninkuna. Paykunaqariki *f**yacharqaku Seir allpapim.

³¹ Israelpa castankunapi manaraq rey kachkaptinmi Edom allpapi gobiernarqaña paykuna.

³² Beorpa churin Bela sutiyoq runam gobiernarqa Edom nacionpi. Belapa llaqtanqa karqa Dinabam.

³³ Bela sutiyoq runa wañuruptinmi Bosra llaqtayoq Zerapa churin Jobab gobiernarqa Belapa rantinpi.

³⁴ Jobab wañuruptinñataqmi Teman law Husam sutiyoq runaña gobiernarqa paypa rantinpi.

³⁵ Husam wañuruptinmi Badadpa churin Adad gobernarqa paypa rantinpi. Adadmi Moab pampapi peleaspa Madian casta runakunata vencerurqa. Adadpa llaqtanqa karqa Avitmi.

³⁶ Adad wañuruptinñataqmi Masreca llaqtayoq Samla gobiernarqa paypa rantinpi.

³⁷ Samla wañuruptinmi mayu patan law Rehobot llaqtayoq Saul gobiernarqa paypa rantinpi.

³⁸ Saul wañuruptinmi Acborpa churin Baal-hanan gobiernarqa paypa rantinpi.

³⁹ Acborpa churin Baal-hanan wañuruptinmi paypa rantinpi gobiernarqa Hadar. Paypa llaqtanqa karqa Paumi, paypa warminmi karqa Mezaabpa willkan otaq Matredpa wawan Mehetabel.

⁴⁰ Castankuman hina hinaspa llaqtankuman hina Esaupa miraynin kamachikuqkunaqa kaykunam: Kamachikuq Timna, Kamachikuq Alva, Kamachikuq Jetet,

⁴¹ Kamachikuq Aholibama, Kamachikuq Ela, Kamachikuq Pinon,

⁴² Kamachikuq Cenaz, Kamachikuq Teman, Kamachikuq Mibsar,

⁴³ Kamachikuq Magdiel hinaspa Kamachikuq Iram. Paykunamá karqaku dueñoyasqanku allpapi kamachikuqkuna. Esaupa huknin sutinqariki Edonmi. Paymi Edom runakunapa taytan.