Génesis 10 - Quechua Ayacucho Bible 1987

Noeypa mirayninkunamanta

¹ Kaykunam Noeypa churinkuna: Sem, Cam hinaspa Jafet, paykunapam churinkuna nacerqaraq sinchi para pasayta.

² Jafetpa churinkunam karqa Gomer, Magog, Madai, Javan, Tubal, Mesec hinaspa Tiras.

³ Gomerpa churinkunañataqmi karqa Askenaz, Rifat hinaspa Togarma.

⁴ Javanpa churinkunañataqmi karqa Elisa, Tarsis, Quitim hinaspa Rodanim.

⁵ Jafetpa chay mirayninkunawanmi huntarurqa lamar qochapa patankuna, sapa llaqtapi rimayninkuman hina hinaspa nacionninkupi ayllukunaman hina.

⁶ Campa churinkunam karqa Cus, Mizraim, Fut hinaspa Canaan.

⁷ Cuspa churinkunañataqmi karqa Seba, Havila, Sabta, Raama hinaspa Sabteca. Raamapa churinkunam karqa Sebawan Dedan.

⁸ Cuspa mirayninmi karqa Nimrod sutiyoq, paymi karqa kay pachapi kallpasapa runa.

⁹ Paymi Tayta Diospa qayllanpi karqa purun animalkuna hapiq kallpasapa runa. Chayraykum pipas kallpasapa runamantaqa niqku: Kay runaqa Nimrod qari hinaraqmi, payqa Tayta Diospa qayllanpi purun animalkuna hapiq kallpasapa cazador hinaraqmi.

¹⁰ Nimrodmi gobiernayta qallaykurqa Babel llaqtapi, Erec llaqtapi hinaspa Acad llaqtapi, chay llaqtakunam karqa Sinar lawpi.

¹¹ Chay Sinar allpamantam lloqsirqa Asiria lawman hinaspam Ninive llaqtata, Rehobot-ir llaqtata hinaspa Cala llaqtata hatarichirqa.

¹² Hatarichirqataqmi Resen hatun llaqtatapas, chayqa tarikun Ninive llaqtamanta Cala llaqtaman riq ñanpim.

¹³ Mizraimpa mirayninkunañataqmi karqa Lud runakuna, Anam runakuna, Lehab runakuna, Naftuh runakuna,

¹⁴ Patrus runakuna hinaspa Casluh runakuna. Caftor runakunapas Mizraimpa mirayninmi karqa. Paykunapa castanmi karqa Filistea runakuna.

¹⁵ Canaanpa piwi churinñataqmi karqa Sidon, Sidonman qatiqñataqmi karqa Het.

¹⁶ Canaanpa mirayninmi Jebus runakuna, Amor runakuna, Gerges runakuna,

¹⁷ Hiv runakuna, Arac runakuna, Sin runakuna,

¹⁸ Arvad runakuna, Zemar runakuna hinaspa Hamat runakuna. Chay tiempomantam Canaan runakuna cheqerurqaku.

¹⁹ Sidon lawmantam Canaan runakunapa allpan colindarqa Gerar llaqtawan, Gaza llaqtawan, Sodoma llaqtawan, Gomorra llaqtawan, Adma llaqtawan, Zeboim lawwan hinaspa Lasa llaqtawan tupanankama.

²⁰ Paykunamá karqa Cam sutiyoq runapa castankuna rimayninkuman hina chaynataq allpankupipas nacionninkupipas ayllunkuman hina.

²¹ Sem sutiyoq runam karqa Jafetpa mayor wawqen. Heberpa llapallan churinkunam karqa Sempa mirayninkuna.

²² Sempa churinkunam karqa: Elam, Asur, Arfaxad, Lud hinaspa Aram.

²³ Arampa churinkunañataqmi karqa Uz, Hul, Geter hinaspa Mas.

²⁴ Arfaxadpa churinmi karqa Sala, Salapa churinñataqmi karqa Heber.

²⁵ Heberpam iskay churinkuna karqa, hukninmi karqa Peleg. Pelegwanmi suticharqaku paypa tiemponpi allpa rakinakurusqanrayku, wawqenpa sutinñataqmi karqa Joctan.

²⁶ Joctanpa churinkunam karqa Almodad, Selef, Hazar-mavet, Jera,

²⁷ Adoram, Uzal, Dicla,

²⁸ Obal, Abimael, Seba,

²⁹ Ofir, Havila hinaspa Jobab. Paykunam llapallanku karqaku Joctanpa churinkuna.

³⁰ *f**Yachasqanku allpam karqa Mesa lawmanta intipa qespimunan Sefar law orqokama.

³¹ Paykunam karqa Sempa castankuna rimayninkuman hina, allpankupi nacionninkupi ayllunkunaman hina.

³² Paykunamá karqa Noeypa churinkunapa ayllunkuna nacionninkupi mirasqakuman hina. Paykunamá sinchi parapa qepanta tukuy hinastinman cheqeruspanku nacionninkuta hatarichirqaku.