Éxodo 26 - Quechua Ayacucho Bible 1987

Diosman asuykuna karpamanta

¹ —Rurachinkim *f**yachanaypaq karpata chunka cortinakunamanta, chay cortinakunam kanqa lino kawpusqamanta, morado qaytumanta, grosella qaytumanta hinaspa guindo qaytumanta. Chay awasqa cortinapim suma-sumaqta bordachinki querubin sutiyoq angelkunata.

² Sapa cortinapa largonmi kanqa chunka iskayniyoq metro parten, anchonñataqmi kanqa iskay metro. Llapan cortinakunam kanqa chayna sayayniyoqlla.

³ Pichqa cortinakunatam sapakamata tinkinachispa sirachinki, chaynallatam tinkinachinki wakin pichqan cortinakunatapas.

⁴ Cordonmanta ojalkunatapas pichqantin cortinapa patanpim churachinki, chayqa kanqa morado qaytumantam, chaynallatam rurachinki huknin pichqantin cortinapipas.

⁵ Rurachinkim cordonmanta pichqa chunka ojalkunatapas, chaykunataqa rurachinki punta kaq pichqantin sirasqa cortinakunapa patanpim, rurachinkitaqmi huknin pichqantin sirasqa cortinakunapa patanpipas cordonmanta pichqa chunka ojalkunata, chaykunaqa kanqa cortinapa tinkina law patanpim, chay ojalkunaqa kanqa chimpa-chimpapuram.

⁶ Rurachinkitaqmi qorimanta pichqa chunka corchetekunatapas, chaykunawanmi tinkinki punta kaq pichqantin sirasqa cortinata chay huknin pichqantin cortinawan hinaptinmi chayqa kanqa hukllaman huñusqa *f**yachanay karpa.

⁷ —Rurachinkitaqmi cabrakunapa pelonmanta chunka hukniyoq cortinakunatapas, chaykunaqa kanqa yachanay karpapa hawanpaqmi.

⁸ Kaynam kanqa llapallan cortinakunapa medidan: largonmi kanqa chunka kimsayoq metro parten, anchonñataqmi kanqa iskay metro.

⁹ Pichqa cortinatam sapakamata tinkinachispa sirachinki, chay puchoqnin soqta cortinakunatapas hina chaynallatam sirachinki, chay soqta cortinapa masyaqnintam karpapa ñawpaqnin law patanman pataraykachinki.

¹⁰ Rurachinkitaqmi cordonmanta pichqa chunka ojalkunatapas, chay ojalkunaqa kanqa chay pichqantin sirasqa cortinakunapa patanpim, chay soqtantin sirasqa cortinakunapa patanpipas rurachinkitaqmi cordonmanta pichqa chunka ojalkunata.

¹¹ Rurachiytaqyá broncemanta pichqa chunka corchetekunatapas, chaykunawanmi hapichinki cordonmanta ojalkunata chaymi karpaqa kanqa chullallaman tinkisqa.

¹² Karpapa cortinankunaqa largo kasqanraykum puchuqninpa lamitadnin warkurayanqa karpapa qepan lawman.

¹³ Karpapa *f**alleq lawninmanmi cortinakunapa puchuq largon yaqa parte metro warkurayanqa, *f**ichoq lawninmanpas yaqa parte metrotaqmi warkurayanqa chaynapim tapanqa *f**yachanay karpapa iskay lawninta.

¹⁴ —Karpapaqmi rurachinkitaq carneropa qalasnin pukaman teñisqa qatatapas, chaypa hawanpaqpas rurachinkimá fino qalaskunamanta huk qatatapas.

¹⁵ —*f**Yachanay karpapaqmi rurachinkitaq acacia sutiyoq tablakunamanta sayaq marconkunata.

¹⁶ Sapa marconpa largonmi kanqa tawa metro parten, anchonñataqmi kanqa parte metro masnin.

¹⁷ Marcopura tupanachisqa kananpaqmi sapa marcopa kanqa iskay espigankuna. Chaynatamá rurachinki yachanay karpapa llapallan marconkunapi.

¹⁸ Iskay chunka marcokunatam rurachinki yachanay karpapa alliq lawninpaq.

¹⁹ Rurachinkitaqmi qollqemanta tawa chunka toqosqa tiyanakunatapas, iskay toqom kanqa sapa marcopi, chaymanmi yaykunqa marcopa iskay espigankuna.

²⁰ —Chay *f**yachanay karpapa *f**ichoq lawninpaqpas rurachinkitaqmi iskay chunka marcokunata.

²¹ Qollqemantataqmi rurachinki tawa chunka toqosqa tiyanakunatapas, iskay toqoyoq tiyanakunam kanqa sapa marcopa tiyananpaq.

²² Yachanay karpapa qepa lawninpaqñataqmi otaq intipa seqaykunan lawpi kaqpaqñataqmi rurachinki soqta marcokunata.

²³ Rurachinkitaqmá iskay marcokunatapas qepan law esquinankunapaq.

²⁴ Chay iskaynin marcokunam tupanachisqa kanqa pampanmanta altonkama huklla kananpaq punta kaq anillonkama, iskaynin esquinankunapaqmi iskaynin marcokunawan chayna rurasqa kanqa.

²⁵ Chaynaqa kanqa pusaq marcokunam, chay pusaq marcokuna tiyananpaqmi kanqa qollqemanta chunka soqtayoq toqosqa tiyanakuna, iskay toqom kanqa sapa marcopa tiyananpaq.

²⁶ —*f**Yachanay karpapa huklawnin marconkunapaqpas rurachinkimá pichqa qerukunata, chay qerukunaqa kanqa acacia sutiyoq sachamantam.

²⁷ Pichqa qerukunataqmi kanqa yachanay karpapa huklawnin marconkunapaqpas, hina chayna pichqa qerukunataqmi kanqa yachanay karpapa qepan lawnin marconkunapaqpas.

²⁸ Chawpipi kaq qerum pasanqa marcokunapa chawpinta kaylaw cantonmanta waklaw cantonkama.

²⁹ Marconkunataqa qarachanki qoriwanmi, qorimantataqmi anillonkunatapas rurachinki qerukuna chayninta pasananpaq, qerukunatapas qoriwanmá qarachanki.

³⁰ Yachanay karpataqa sayachinki imaynam Sinai Orqopi qawachisqayman hinamá.

³¹ —Rurachinkitaqmi cuartota iskayman rakinaq telatapas, chayqa kanqa morado qaytumanta, grosella qaytumanta, guindo qaytumanta hinaspa lino kawpusqamanta querubin sutiyoq angelkuna kuruyoqmi.

³² Qoriwan qarachasqa acacia kullumanta tawa pilarkunamanmi warkunki chay telata. Chay pilarkunaqa kanqa qorimanta ganchoyoqmi, sayanqañataqmi qollqemanta toqoyoq tawa tiyanakunapi.

³³ Chaynaqa ganchokunamanmá warkunki cuarto rakinaq telataqa hinaspam chay telapa qepanman apaykunki Chunkantin Kamachikuyniy waqaychana baulta. Chaynapim cuarto rakinaq telaqa servisunkichik “Chuya” sutiyoq lugarta “Chuyay-chuyay” sutiyoq lugarmanta rakinanpaq.

³⁴ Chunkantin Kamachikuyniy waqaychana baulpa hawanmanmi tapata churanki, chaytaqa ruranki “Chuyay-chuyay” sutiyoq lugarpim.

³⁵ Cuarto rakinaq telapa hawa lawnin *f**yachanay karpapa *f**ichoq lawninpim churanki mesatapas, candelerotañataqmi churanki mesapa chimpan yachanay karpapa *f**alleq lawninpi.

³⁶ —Rurachinkitaqmi karpapa punkunpaq suma-sumaq bordasqa huk telatapas, chay telaqa kanqa morado qaytumanta, grosella qaytumanta, guindo qaytumanta hinaspa lino kawpusqamantam.

³⁷ Chay telapaqmi rurachinkitaq acacia qerumanta pichqa pilarkunata, chaykunaqa kanqa qoriwan qarachasqa hinaspa qorimanta ganchoyoqmi, fundichinkitaqmi broncemanta toqoyoq pichqa tiyanankunatapas.