Esdras 2 - Quechua Ayacucho Bible 1987

Zorobabelwan kutimuqkunamanta

¹ Juda law llaqtayoqkunata Babilonia nacionpa reynin Nabucodonosorpa Babiloniaman preso apasqankunam kutimurqaku Jerusalen llaqtaman chaynataq Juda lawmanpas. Sapakamam kutirqaku llaqtankuman.

² Paykunam rirqaku Zorobabelwan, Josueywan, Nehemiaswan, Seraiaswan, Reelaiaswan, Mardoqueowan, Bilsanwan, Misparwan, Bigvaiwan, Rehuwan chaynataq Baanawan. Chay kutiq Israel casta yupasqa runakunam kaykuna:

³ Parospa mirayninkunam karqa iskay waranqa pachak qanchis chunkan iskayniyoq.

⁴ Sefatiaspa mirayninkunam karqa kimsa pachak qanchis chunkan iskayniyoq.

⁵ Arapa mirayninkunam karqa qanchis pachak qanchis chunkan pichqayoq.

⁶ Pahat-moabpa mirayninkuna otaq Josueypa chaynataq Joabpa mirayninkunam karqa iskay waranqa pusaq pachaknin chunka iskayniyoq.

⁷ Elampa mirayninkunam karqa waranqa iskay pachaknin pichqa chunka tawayoq.

⁸ Zatupa mirayninkunam karqa isqon pachak tawa chunkan pichqayoq.

⁹ Zacaipa mirayninkunam karqa qanchis pachak soqta chunkan.

¹⁰ Banipa mirayninkunam karqa soqta pachak tawa chunkan iskayniyoq.

¹¹ Bebaipa mirayninkunam karqa soqta pachak iskay chunkan kimsayoq.

¹² Azgadpa mirayninkunam karqa waranqa iskay pachaknin iskay chunka iskayniyoq.

¹³ Adonicampa mirayninkunam karqa soqta pachak soqta chunkan soqtayoq.

¹⁴ Bigvaipa mirayninkunam karqa iskay waranqa pichqa chunkan soqtayoq.

¹⁵ Adinpa mirayninkunam karqa tawa pachak iskay chunkan tawayoq.

¹⁶ Ezequiaspa mirayninkunamanta kaq Aterpa mirayninkunam karqa isqon chunka pusaqniyoq.

¹⁷ Bezaipa mirayninkunam karqa kimsa pachak iskay chunkan kimsayoq.

¹⁸ Jorapa mirayninkunam karqa pachak chunka iskayniyoq.

¹⁹ Hasumpa mirayninkunam karqa iskay pachak iskay chunkan kimsayoq.

²⁰ Gibarpa mirayninkunam karqa isqon chunka pichqayoq.

²¹ Belen llaqtayoqkunam karqa pachak iskay chunkan kimsayoq.

²² Netofa llaqtayoqkunam karqa pichqa chunka soqtayoq.

²³ Anatot llaqtayoqkunam karqa pachak iskay chunkan pusaqniyoq.

²⁴ Azmavet llaqtayoqkunam karqa tawa chunka iskayniyoq.

²⁵ Quiriat-jearim llaqtayoqkuna, Cafira llaqtayoqkuna hinaspa Beerot llaqtayoqkunañataqmi karqa qanchis pachak tawa chunkan kimsayoq.

²⁶ Rama llaqtayoqkuna hinaspa Geba llaqtayoqkunañataqmi karqa soqta pachak iskay chunkan hukniyoq.

²⁷ Micmas llaqtayoqkunam karqa pachak iskay chunkan iskayniyoq.

²⁸ Betel hinaspa Hai llaqtayoqkunañataqmi karqa iskay pachak iskay chunkan kimsayoq.

²⁹ Nebo llaqtayoqkunam karqa pichqa chunka iskayniyoq.

³⁰ Magbis llaqtayoqkunam karqa pachak pichqa chunkan soqtayoq.

³¹ Huknin Elam llaqtayoqkunañataqmi karqa waranqa iskay pachak pichqa chunkan tawayoq.

³² Harim llaqtayoqkunam karqa kimsa pachak iskay chunkan.

³³ Lod llaqtayoq, Hadid llaqtayoq hinaspa Ono llaqtayoqkunañataqmi karqa qanchis pachak iskay chunkan pichqayoq.

³⁴ Jerico llaqtayoqkunam karqa kimsa pachak tawa chunkan pichqayoq.

³⁵ Senaa llaqtayoqkunam karqa kimsa waranqa soqta pachaknin kimsa chunkan.

³⁶ Josuey ayllumanta kaq Jedaiaspa miraynin sacerdotekunam karqa isqon pachak qanchis chunkan kimsayoq.

³⁷ Sacerdote Imerpa mirayninkunam karqa waranqa pichqa chunkan iskayniyoq.

³⁸ Sacerdote Pasurpa mirayninkunam karqa waranqa iskay pachaknin tawa chunka qanchisniyoq.

³⁹ Sacerdote Harimpa mirayninkunam karqa waranqa chunka qanchisniyoq.

⁴⁰ Hodavias ayllumanta kaq Josueypa chaynataq Cadmielpa miraynin Leviy casta runakunam karqa qanchis chunka tawayoq.

⁴¹ Asafpa mirayninmanta takiqkunam karqa pachak iskay chunkan pusaqniyoq.

⁴² Punkukunawan cuentallikuqkunam kaykuna: Salumpa mirayninkuna, Aterpa mirayninkuna, Talmonpa mirayninkuna, Acubpa mirayninkuna, Hatitapa mirayninkuna hinaspa Sobaipa mirayninkuna. Llapallanmi karqa pachak kimsa chunkan isqonniyoq.

⁴³ Templopi sirvientekunam karqa: Zihapa mirayninkuna, Hasufapa mirayninkuna, Tabaotpa mirayninkuna,

⁴⁴ Querospa mirayninkuna, Siahapa mirayninkuna, Padonpa mirayninkuna,

⁴⁵ Lebanapa mirayninkuna, Hagabapa mirayninkuna, Acubpa mirayninkuna,

⁴⁶ Hagabpa mirayninkuna, Salmaipa mirayninkuna, Hananpa mirayninkuna,

⁴⁷ Gidelpa mirayninkuna, Gaharpa mirayninkuna, Reaiapa mirayninkuna,

⁴⁸ Rezinpa mirayninkuna, Necodapa mirayninkuna, Gazampa mirayninkuna,

⁴⁹ Uzapa mirayninkuna, Paseahpa mirayninkuna, Besaipa mirayninkuna,

⁵⁰ Asenapa mirayninkuna, Meunimpa mirayninkuna, Nefusimpa mirayninkuna,

⁵¹ Bacbucpa mirayninkuna, Hacufapa mirayninkuna, Harhurpa mirayninkuna.

⁵² Bazlutpa mirayninkuna, Mehidapa mirayninkuna, Harsapa mirayninkuna,

⁵³ Barcospa mirayninkuna, Sisarapa mirayninkuna, Temapa mirayninkuna,

⁵⁴ Neziapa mirayninkuna hinaspa Hatifapa mirayninkuna.

⁵⁵ Salomonpa sirvientenkunapa mirayninkunam karqa: Sotaipa mirayninkuna, Soferetpa mirayninkuna, Perudapa mirayninkuna,

⁵⁶ Jaalapa mirayninkuna, Darconpa mirayninkuna, Gidelpa mirayninkuna,

⁵⁷ Sefatiaspa mirayninkuna, Hatilpa mirayninkuna, Poqueret-hazebaimpa mirayninkuna hinaspa Amonpa mirayninkuna.

⁵⁸ Templopi llapallan sirvientekunapiwan Salomonpa sirvientekunapa mirayninkunam karqa kimsa pachak isqon chunkan iskayniyoq.

⁵⁹ Tel-mela llaqtamanta, Tel-harsa llaqtamanta, Querub llaqtamanta, Adon llaqtamanta hinaspa Imer llaqtamanta hamuqkunam mana allintachu yacharqaku taytankupa ayllunkunamanta nitaq castankumantapas. Chaynapim Israel casta kasqankumanta iskayrayarqaku. Paykunam karqa:

⁶⁰ Delaiapa mirayninkuna, Tobiaspa mirayninkuna hinaspa Necodapa mirayninkuna, llapallankum karqa soqta pachak pichqa chunkan iskayniyoq.

⁶¹ Wakin sacerdotekunapa mirayninkunam karqa: Habaiapa mirayninkuna, Cospa mirayninkuna hinaspa Barzilaipa mirayninkuna. Kay Barzilaimi casarakurqa Galaad lawmanta kaq Barzilaipa huknin warmi churinwan chayraykum suegronpa sutinwan sutichakurqa.

⁶² Paykunam maskarqaku listapi abuelonkunapa sutinta ichaqa manam tarirqakuchu, chayraykum manaña chaskisqachu karqaku sacerdote kanankupaq.

⁶³ Chayraykum prefecto nirqa paykunata: —Amam mikunkichikraqchu Diospaq sapaqchasqa mikuykunataqa Urimtawan Tumimta sacerdote choqaspa Diosta tapunankama —nispa.

⁶⁴ Chaypi llapallan huñunasqa runakunam karqaku tawa chunka iskayniyoq waranqa kimsa pachak soqta chunkan.

⁶⁵ Sirvientekunatawan sirvientakunataqa manam yuparqakuchu paykunawan kuskataqa, paykunam karqa qanchis waranqa kimsa pachaknin kimsa chunka qanchisniyoq, karqataqmi warmipas-qaripas iskay pachak takiqkuna.

⁶⁶ Caballokunam karqa qanchis pachak kimsa chunkan soqtayoq, mulakunam karqa iskay pachak tawa chunkan pichqayoq.

⁶⁷ Camellokunam karqa tawa pachak kimsa chunkan pichqayoq, asnonkuñataqmi karqa soqta waranqa qanchis pachak iskay chunkan.

⁶⁸ Wakin ayllukunapa jefenkunañataqmi Jerusalen llaqtapi Tayta Diospa templonman chayaruspanku qorqaku ofrendakunata munasqankuman hina Diospa templonpaq chaynapi maymi kasqanpi templota mosoqmanta hatarichinankupaq.

⁶⁹ Kapuqninkuman hinam qorqaku obrapaq qori-qollqe waqaychaqman. Qoritam qorqaku tawa pachak pusaq chunkan pusaq kilota, qollqetañataqmi qorqaku iskay waranqa qanchis pachak pichqa chunkan kilota, qorqakutaqmi sacerdotekunapaq pachak pachakunatapas.

⁷⁰ Llaqtankupim *f**yacharqaku sacerdotekuna, Leviy castakuna, wakin runakuna, takiqkuna, punkukunawan cuentallikuqkuna hinaspa templonpi sirvientekuna. Israel casta wakin runakunaqa *f**yacharqaku abuelonkupa llaqtanpim.