Esdras 10 - Quechua Ayacucho Bible 1987

Huklaw nacionniyoq warmikunata qarqosqankumanta

¹ Diospa templonpa ñawpaqninpi qonqoranpa Esdras mañakuchkaptinmi chaynataq waqaspa huchankunata willakuchkaptinmi payman huñunakamurqa Israel castakunamanta achka-achka runakuna, qarikuna, warmikuna chaynataq warmakunapas, paykunam llakikuyllawanña waqarqaku.

² Chaymi Elampa mirayninmanta kaq Jehielpa churin Secanias nirqa Esdrasman: —Ñoqaykum Diosninchikta traicionaruniku huklaw nacionniyoq kay llaqtapi *f**yachaq warmikunawan casarakuspayku, chaywanpas Israel casta runakunaqa confianzawanraqmi suyachkanchik.

³ Kunanyá contratota Diosninchikwan rurasaqku chaynapi llapan warmikunata wawankunatawan qarqonaykupaq. Chaynataqa rurasaqku qampa chaynataq Diosnikichikpa kamachikuyninman manchakuqkunapa nisqankuman hinam, yachachikuyninman hinataqmi rurasaqkupas.

⁴ Hatariy, kay asuntoqa qampa ruranaykim, ñoqaykupas yanapasqaykikum, chaynaqa kallpanchakuspayá arreglay —nispa.

⁵ Qonqorasqanmanta Esdras hatariruspanmi jurachirqa Leviy casta sacerdotekunapa jefenkunatawan Israel casta llapallan runakunata chaynapi nisqankuman hina ruranankupaq. Chaymi paykunañataq jurarqaku.

⁶ Diospa templonpa ñawpaqninmanta Esdras hatariruspanmá pasarqa Eliasibpa churin Johananpa cuartonman. Chaypim mana mikurqachu nitaq yakuta tomarqachu. Preso kasqankumanta kutiqkuna Diosta traicionasqankuraykum llakisqa karqa.

⁷ Juda lawpiwan Jerusalen llaqtapim qayakurqaku preso kasqankumanta llapallan kutimuqkuna Jerusalen llaqtaman huñunakunankupaq.

⁸ Pipas kimsa punchawkama mana hamuqtañataqmi jefekunapa chaynataq autoridadkunapa rimanakusqankuman hina tukuy kapuqninkunata qechunanku karqa hinaspa kutimuqkunamanta rakisqa kananku karqa.

⁹ Hinaptinmi kimsa punchawllanman Juda lawmanta hinaspa Benjamin lawmanta runakuna huñunakamurqaku Jerusalen llaqtaman. Huñunakurqakumá isqon kaq killapa iskay chunka punchawninpi. Chay punchawpim llapa runa Diospa templonpa plazanpi tiyarqaku chay asuntorayku hinaspa parapi kasqankurayku katkatatastin.

¹⁰ Hatarispanmi sacerdote Esdras paykunata nirqa: —Qamkunam Diosta traicionarqankichik wakin nacionniyoq warmikunawan casarakuspaykichik, kay rurasqaykichiktam Israel castakunapa huchanman yaparqankichik.

¹¹ Kunanyá huchaykichikkunata willakuychik ñawpa abueloykichikpa yupaychasqan Tayta Diosman. Paypa munasqanta ruraspayá rakikuychik kay allpapi *f**yachaq wakin nacionniyoq runakunamantawan wakin nacionniyoq warmikunamanta —nispa.

¹² Chaymi llapallan huñunasqa runakuna qaparispa nirqa: —Nisqaykiman hinayá rurasqa kachun.

¹³ Aswanqa runakunaqa achkallañam kachkaniku hinaspapas paramuchkanraqtaqmi, manataqmi callepiqa kaymankuchu. Kay asuntoqa manam iskay-kimsa punchawpi ruranapaqchu. Achkallañam kaniku kay hucha ruraqkunaqa.

¹⁴ Chaynaqa jefeykuyá qepachun llapallaykupa rantiykupi. Llaqtaykupi huklaw nacionniyoq warmikunawan lliw casarakuqñataq citasqa punchawkunapi kutimuchunku, paykunawantaqyá hamuchunku sapa llaqtapa ancianonkunapas chaynataq juezninkunapas chaynapi kay asuntorayku Diosninchikpa sinchi piñakuynin ñoqanchikmanta pasarunankama —nispa.

^15-16 Chaynatamá rurarqaku preso kasqankumanta kutimuqkuna. Aswanqa Asaelpa churin Jonatanwan Ticvapa churin Jahaziasllam mana munarqakuchu. Paykunamantaqmi sayapakurqa Mesulampas chaynataq Leviy casta Sabetaipas. Chaymi sacerdote Esdras ayllukunapa jefen qarikunata akllaspan abuelonkupa castankuman hina churarqa. Paykunam chunka kaq killapa qallariynin punchawpi huñunakuruspanku chay asuntomanta rimanakurqaku.

¹⁷ Chaynapim wakin nacionniyoq warmikunawan casarakuqkuna juzgayta tukurqaku watapa qallariynin punta kaq punchawninpi.

¹⁸ Sacerdotekunapa castanmanta wakin nacionniyoq warmikunawan casarakuqkunam kaykuna: Josadacpa churin Josueypa mirayninmantawan chaynataq ayllunmantam karqa Maasias, Eliezer, Jarib hinaspa Gedalias.

¹⁹ Paykunam prometekurqaku warminkuta qarqonankupaq hinaspataqmi huchankumanta Diosman sapakama ofrecerqaku huk carnerota.

²⁰ Imerpa mirayninmantam karqa Hananiwan Zebadias.

²¹ Harimpa mirayninmantam karqa Maasias, Elias, Semaias, Jehiel hinaspa Uzias.

²² Pasurpa mirayninmantam karqa Elioenai, Maasias, Ismael, Natanael, Jozabad hinaspa Elasa.

²³ Leviy castamantam karqa Jozabad, Simei, Kelaia otaq Kelita, Petaias, Juda hinaspa Eliezer.

²⁴ Takiqkunamantam karqa Eliasib. Punkukunawan cuentallikuqkunamantañataqmi karqa Salum, Telem hinaspa Uri.

²⁵ Israel castamanta wakinkunam kaykuna: Parospa mirayninmantam karqa Ramia, Jezias, Malquias, Mijamin, Eleazar, Malquias hinaspa Benaia.

²⁶ Elampa mirayninmantam karqa Matanias, Zacarias, Jehiel, Abdi, Jeremot hinaspa Elias.

²⁷ Zatupa mirayninmantam karqa Elioenai, Eliasib, Matanias, Jeremot, Zagad hinaspa Aziza.

²⁸ Bebaipa mirayninmantam karqa Johanan, Hananias, Zabai hinaspa Atlai.

²⁹ Banipa mirayninmantam karqa Mesulam, Maluc, Adaia, Jasub, Seal hinaspa Ramot.

³⁰ Pahat-moabpa mirayninmantam karqa Adna, Quelal, Benaia, Maasias, Matanias, Bezaleel, Binuy hinaspa Manases.

³¹ Harimpa mirayninmantam karqa Eliezer, Isaias, Malquias, Semaias, Simeon,

³² Benjamin, Maluc hinaspa Semarias.

³³ Hasumpa mirayninmantam karqa Matenai, Matata, Zabad, Elifelet, Jeremai, Manases hinaspa Simei.

³⁴ Banipa mirayninmantam karqa Madai, Amram, Uel,

³⁵ Benaia, Bedias, Queluhi,

³⁶ Vanias, Meremot, Eliasib,

³⁷ Matanias, Matenai, Jaasai,

³⁸ Bani, Binui, Simei,

³⁹ Selemias, Natan, Adaia,

⁴⁰ Macnadebai, Sasai, Sarai,

⁴¹ Azareel, Selemias, Semarias,

⁴² Salum, Amarias hinaspa Josey.

⁴³ Nebopa mirayninmantañataqmi karqa Jeiel, Matatias, Zabad, Zebina, Jadau, Joel hinaspa Benaia.

⁴⁴ Chay llapallan runakunam wakin nacionniyoq warmikunawan casarakurqaku, wakinninkupaqa churinkupas karqañam chay warmikunapi.