Apocalipsis 5 - Quechua Ayacucho Bible 1987

Wankusqa libromantawan Carneromanta

¹ Chay hatun tiyanapi tiyaqpa *f**alleqninpim rikurqani wankusqa librota hawanpi-ukunpi qellqasqata hinaspa qanchis *f**sellowan selloykuspa wichqasqata.

² Rikurqanitaqmi atiyniyoq angel qaparispan tapukuqtapas, paymi nirqa: —¿Yaqachum pipas kanman kay libropi *f**sellosqa kaqta pakiruspan kicharuq? —nispa.

³ Ichaqa manam hanaq pachapipas nitaq kay pachapipas nitaq uku pachapipas karqachu chay librota kichaykuy atiqqa nitaq qawaykuqllapas.

⁴ Chaymi ñoqa anchata waqarqani chay librota kichaykunanpaq, leeykunanpaq hinaspa qawaykunanpaq mana pipas kaptin.

⁵ Chaymi huknin *f**anciano niwarqa: —Ama waqaychu, leonwan sutichasqa Juda ayllumanta kaq Rey Davidpa mirayninmi libropa qanchis *f**sellonta pakispan kichananpaq vencerunña —nispa.

⁶ Hinaptinmi Diospa tiyananpa chawpinpi hinaspa tawa animalkunapa chawpinpi hinaspa *f**ancianokunapa chawpinpi rikururqani carnerota wañuchisqa hina rikchayniyoq sayachkaqta. Chay Carneroqa kachkasqa qanchis waqrayoqmi hinaspa qanchis ñawiyoqmi. Chay ñawinkunaqa tukuy kay pachaman kachasqa Diospa qanchis espiritunkunam.

⁷ Chay Carnero hamuruspanmi librota chaskiykurqa tiyanapi tiyaq Diospa *f**alleq makinmanta.

⁸ Librota chaskiykuptinñataqmi tawan animalkuna iskay chunka tawayoq *f**ancianokunapiwan qonqorakuykurqaku *f**Carneropa qayllanpi. Llapallan ancianokunaqa arpayoqkamam apachkasqaku incienso huntayoq qorimanta tazonninkuta. Chay inciensoqa Diosman iñiqkunapa mañakuyninmi.

⁹ Paykunam takirqaku kay mosoq takita: *f**Sellosqanta pakispa libro kichaqqa qamllam kanki. Qamqa wañuchisqam karqanki. Diospaqmi runakunata yawarnikiwan rantirqanki llapallan llaqtakunamanta, tukuy idioma rimaqkunamanta, ayllukunamanta hinaspa nacionkunamanta.

¹⁰ Diosniykupaqmi munaychakusqantawan *f**sacerdotekunataña rurarurqanki. Kay pachapi gobiernanankupaqmi chaynataqa rurarurqanki.

¹¹ Rikuruspayñataqmi uyarirqani Diospa tiyananpa muyuriqninpi achkallaña angelkunapa, animalkunapa hinaspa *f**ancianokunapa nisqanta. Paykunaqa kasqa achka-achka wara-waranqantinmi.

¹² Paykunam qaparispa nirqaku: Wañuq *f**Carnerollatam nichwanqa “Qamllam kanki atiyniyoqqa apuqa, yachayniyoqqa hinaspa kallpasapaqa. Qamllatam yupaychaymankuqa, adoraymankuqa hinaspa alabaymankuqa.”

¹³ Diospa tukuy ima unanchasqankunapas otaq hanaq pachapi, kay pachapi, uku pachapi hinaspa lamar qochapi kaqkunapas kaynatam nirqaku: Tiyananpi tiyaq Diostayá *f**Carnerotawan Wiña-wiñaypaq adorasun, yupaychasun, hatunchasun hinaspa kallpasapapaq hapisun.

¹⁴ Tawa animalkunañataqmi nirqaku: —¡Amén! —nispa. Iskay chunka tawayoq *f**ancianokunañataqmi qonqorakuykuspa adorarqaku.