Amós 2 - Quechua Ayacucho Bible 1987

¹ Tayta Diosmi kaynata nin: Moab nacionpi *f**yachaqkunatam achka-achka huchanmanta castigasaqpuni. Edom nacion reypa tulluntam kañarurqaku. Uchpayanankamam ruparachirqaku.

² Chayraykum Moab nacionta kañaykusaq. Queriot llaqtapa palacionkunatam ruparachisaq. Guerrapi qaparkachachkaptinkum Moab nacionpi yachaqkuna wañunqaku. Cornetakuna waqachkaptinmi Moab nacionpi yachaqkuna wañunqaku.

³ Reytam llaqtanpa chawpinmanta chinkarachisaq. Paytawanmi kamachikuq runakunatapas wañurachisaq. Chaynatam Tayta Dios nin.

⁴ Tayta Diosmi kaynata nin: Juda nacionpi *f**yachaqkunatam achka-achka huchanmanta castigasaqpuni. Yachachikuyniykunatam mana chaskinkuchu. Decretoykunatam mana kasukunkuchu. Pantaypim taytacha-mamachakunata yupaycharqaku. Chaynallatam ñawpa abuelonkupas rurarqaku.

⁵ Chayraykum Juda nacionta kañaykusaq. Jerusalenpi palaciokunatam ruparachisaq.

Israel nacion juzgasqa kananmanta

⁶ Tayta Diosmi kaynata nin: Israel nacionpi *f**yachaqkunatam achka-achka huchanmanta castigasaqpuni. Justo runatam *f**rantikurunku qollqepaq, wakchakunatañataq huk pares *f**usutapaq.

⁷ Mana piyniyoq wakchakunatam sarutyanku. Wakchakunapa derechontam sarutyarunku. Taytanpas churintinmi huk criadallanwan kakunku. Chaynapim paykunaqa penqayman churawanku.

⁸ Wakchakunapa prendakusqan pachantam mana kutichipunkuchu. Chay pachakunapa hawanpim altarkunapa waqtanpi puñukunku. Multasqanku vinotam taytacha-mamachankupa templonpi upyakunku.

⁹ Allpanku ukunta abueloykikuna pasananpaqmi Amor casta runakunata wañuchirqani. Eucalipto hina hatunkaray kaptinkupas ñoqam wañuchirqani. Chayna sacha hina kallpasapa kaptinpas ñoqam wañuchirqani. Sapinmanta sacha wischuchkaq hinam chinkachirqani.

¹⁰ Qamkunatam Egipto nacionmanta horqomurqaykichik. Chunneqnintam tawa chunka wata pusamurqaykichik. Amor castakunapa allpanta qonaypaqmi pusamurqaykichik.

¹¹ Israelpa mirayninkuna, wakinnikichiktam qayarqaykichik ñoqamanta willakuq kanaykichikpaq. Wakinnikichiktam akllarqaykichik ñoqallapaqña kawsanaykichikpaq. Chaynatam Tayta Dios nin.

¹² Ñoqallapaqña kawsaq runakunatam hikutaspa mana tomananku kachkaptin vinota tomachirqankichik. Ñoqamanta willakuq runakunatam manaña rimanankupaq harkakurqankichik.

¹³ Chaynaqa allpatam kuyuchispay qaparichisaq. Cargasapa carretata hinam qeqechyachisaq.

¹⁴ Ancha kallpaq runapas manam lluptinqachu. Kallpasapapas mana kallpayoq hinam rikurirunqa. Allin soldadopas manam librakunqachu.

¹⁵ Flechawan peleaqpas mancharikuspanmi ayqekunqa. Apurawman kallpaqpas manam salvakunqachu. Caballopi sillakuqpas manam librakunqachu.

¹⁶ Chay tiempopiqa aswan kallpasapakunam lluptikunqaku. Armankuta wischuspam lluptikunqaku. Chaynatam Tayta Dios nin.