1~Corintios 3 - Quechua Ayacucho Bible 1987

Pablopa llamkaqmasinkunamanta

¹ Chaywanpas wawqe-panikuna, qamkunamanqa rimariyman karqa manam Chuya Espiritupa yachachisqan runakunaman hinachu aswanqa aychapa munasqallanpi kaqkunaman hinam otaq Cristoman chayraq iñiqkunaman hinam.

² Ñuñuq wawaman leche tomachichkaq hinam yachachirqaykichik facil kaqkunallata, qamkunaqa manaraqmi mikuytaqa atirqankichikchu, kunanpas manaraqmá mikuytaqa atiwaqchikraqchu.

³ Qamkunaqa aychallapiraq kaspam envidianakunkichik hinaspa liryanakunkichik. Chaykunata ruraspaqa ¿manachum aychaman hinallaraq hinaspa runakunapa rurasqanman hinallaraq kawsachkankichik?

⁴ Qamkunam ninkichik: —Ñoqaqa kani Pablopam —nispa. Wakinñataqmi ninku: —Ñoqaqa kani Apolospam —nispa. Chaynakunata nispaqa ¿manachu mana iñiqkuna hinallaraq kachkankichik?

⁵ ¿Aswanqa pitaq Apolosqa? ¿Pitaq ñoqaqa kani? Ñoqaykuqa Dios serviqllam kaniku, ñoqaykuwantaqmi Señormanpas iñirqankichik, ñoqaykuqa rurarqaniku Señorpa sapakamaman qowasqankuman hinam.

⁶ Ñoqam tarpuchkaq hina Cristomanta allin noticiata willakurqani, Apolosñataqmi *f**parqoq hina karqa, Diosñataqmi wiñachisurqankichik.

⁷ Chaynapiqa tarpuqpas, *f**parqoqpas manam imapaschu aswanqa Diosllam plantakunataqa wiñachin.

⁸ Tarpuqwan *f**parqoqqa iguallam kaniku ichaqa llamkasqaykumantaqa Diosmi pagapuwanqaku sapakamaman.

⁹ Ñoqaykuqa kaniku Diospa llamkaqmasinmi, qamkunañataqmi kankichik Diospa llamkasqan chakra hina hinaspa Diospa wasi rurachisqan hina.

¹⁰ Ñoqaqa kani maestro albañil hinam, Diosmi yachachiwarqa cimientota churanaypaq, hukñataqmi chaypa hawanman hatarichichkan, chay hatarichiqkunaqa sapakamam cuidadowan rurananku.

¹¹ Manam pipas huk cimiento churaytaqa atinmanchu ña cimiento churasqa kachkaptinqa, chay cimientoqariki kikin Jesucristom.

¹² Kay cimientopa hawanpiqa rurachwanmi qoriwanpas, qollqewanpas, alhaja rumiwanpas, tablawanpas, pajawanpas chaynataq soqoswanpas.

¹³ Sapakamapa llamkasqanmi juicio punchawpi reqsisqa kanqa, reqsichisqaqa kanqa ninawanmi, chaypim sapakamapa rurasqan pruebasqa kanqa imaynam kasqan yachanapaq.

¹⁴ Pipapas rurasqan kañasqa kachkaspan mana ruparachikuptinqa pagontam chaskinqa.

¹⁵ Sichu rurasqan ruparachikuptinqa lliwtam pierderunqa ichaqa ninamanta ayqechkaq hinam kikinqa salvakunqa.

¹⁶ ¿Manachum yachankichik Diospa templon kasqaykichikta chaynataq Diospa Espiritunpas qamkunapi *f**yachasqanta?

¹⁷ Pipas Diospa templon tuñichiqtaqa paymi chinkarachinqa, Diospa templonqa payllapaqña sapaqchasqam, chay temploqariki qamkunam kankichik.

¹⁸ Amayá kikillaykichikqa engañakuychikchu. Pipas kay pachapi yachayman hinalla yachayniyoqqa mana yachaq hinam kanan cheqap yachayniyoq kananpaq.

¹⁹ Kay pachapi yachaykunaqa Diospaqqa mana serviqmi. Bibliam nin: —Diosmi trampawan hapichkaq hina yachaysapakunata hapin sacre kachkaptinkupas —nispa.

²⁰ Huklawpipas nichkanmi: Señorqa yachanmi yachaysapakunapa piensasqanta. Yachanmi chaykunaqa mana valeqlla kasqanta.

²¹ Chaynaqa manam pipas alabakunanchu runakunata qatispanqa, llapallan kaqkunaqa qamkunapam.

²² Pablopas, Apolospas, Pedropas, kay pachapas, kawsaypas, wañuypas, kunanpas, hamuqpas, llapallanmi qamkunapa.

²³ Qamkunaqa kankichik Cristopam, Cristoñataqmi Diospa.