Salmos 67 - Tayta Diosninchi Isquirbichishan

Tayta Diosta llapan alabananpaj nishan

Cayga caycan cuerdayoj instrumentuta tucar cantananpämi.

¹ Tayta Dios cuyapämashpanchi bindisyunninta gomäshun ari. Alli ñawinwan ricaycamäshun, Selah

² cay pachachöga llapan nasyuncho tiyajcuna Tayta Dios alli cashanta, salbacoj cashanta musyananpaj.

³ Tayta Dios, llapan runacuna alabaycushunqui. ¡May marcacho tiyajcunapis alabaycushunqui!

⁴ Llapan nasyuncunachöpis cushicuypita gaparpächun, gam llapan runacunatapis alli mandashayquipita. ¡Gammi mandaycanqui cay pachacho caj llapan nasyuncunataga! Selah

⁵ Tayta Dios, llapan runacuna alabaycushunqui. ¡May marcacho tiyajcunapis alabaycushunqui!

⁶ Chacrachöga allimi micuycuna wayusha. ¡Tayta Diosninchïmi bindisyunta gomashcanchi!

⁷ ¡Tayta Dios bindisyunta goycamäshun ari! ¡Cay munducho tiyajcunaga llapanpis payta alabaycuchun!