Salmos 6 - Tayta Diosninchi Isquirbichishan

Llaquicur Diosta mañacushan

Instrumentuta racupa tucar cantananpaj David isquirbishan alabansa.

¹ Tayta Dios, rabyasha caycashayqui öraga ama piñacamaychu. Fiyupa rabyasha carga ama castigamaychu.

² Tayta Dios, cuyapaycamay ari. Gueshyarmi callpaynaj ricacushcä. Tayta Dios, allchacaycachimay ari. Intëru cuerpöchaj sicsicyaycan.

³ ¡Manchariywanmi sicsicyaycä! Tayta Dios, ¿imaycamaraj cayno cashaj?

⁴ ¡Aywaycamuy ari Tayta Dios, salbamänayquipaj! ¡Cuyapäcoj cashpayqui salbaycamay ari!

⁵ Wañojcunaga manami pipis yarpäshunquinachu. ¿Piraj alabashunquiman pamparashan allpapitaga?

⁶ Atarpis pasaypanami uticashcä. Waray waraymi amatar wagä. Jawanätapis wagaycaptillämi weguë ushmasha.

⁷ Wagaycaptillänami ñawëpis chacaycan. Chiquicuna chiquimaptin wagaycällarnami ushacaycäpis.

⁸ ¡Lädöpitapis witicuyna mana allita rurajcuna! Tayta Diosga wiyashanami fiyupa wagashäta.

⁹ Tayta Diosga wiyashanami ruwacushäta. Tayta Diosga chasquimashanami mañacushäta.

¹⁰ Chiquimajcunaga manchariyllawan manami ima ruraytapis camäpacongachu. Illajpitami pengay-tucusha gueshpir aywaconga.